¹ Nofa natel Yesu nalohoi ho lati, ngete ho naloten nihide hodenge.Laholong netwongo ngete nifok,lolohejehi hongete ho nafwoniso niho ngete. ² Ngete ho nangan nahutuk ho nahitejiana sing, ojo, ³ "Ikie najoha obuon niho lati hula oparite nilohailong, ora nahide ano hosing. ⁴ Ikie najoha obwon niho lati hula itarahe, itotosi hadi sing. ⁵ Ikie najoha obwon niho lahariajak olunyohini hadi sing nafok. ⁶ Ikie najoha obwon niho lati hula onyasu nahifiriyong ho nahure hongidari, ifongi hadi sing. ⁷ Ikie najoha obwon nho lahamehinok, ohorihini hadi sing namehino. ⁸ Ikie najoha obwon niho lati hula onyilaji natajio, oteli hadi sing Najyok. ⁹ Ikie najoha obwon niho lahetoyomok, ogiele hadi sing emusak ho Najyok. ¹⁰ Ikie najoha obwon niho lati hula itegiama to nahitwongo na opit, ora nahide anohosing. ¹¹ Ikie najoha obwon nihoji nomo nahimore iji cebu ohitegiame iji kuya otianye nareji huja oro hoji nihoji to nagesimi to ne. ¹² To kwama bebe,obolo neyalita hoji nihide. Tanya ihoi, itegiemi fa laheramahitak ho hiramita hulo fa oberien. ¹³ Irahatate amile ho nafok.Nomo nirwomohine nolokido nijesi,hatum ngete olem angida,tatali hatum itelemiji ngete hari? Abu otum ngete itelemiji olotu liaman angida,nakiani ho ngete nahijuhoriso niger irerie lati to nehejiaha. ¹⁴ Irahatate afangan nlfok. Nahang na ifahahini nihide hodenge obu otum idimaru. ¹⁵ Habu otum lati ituwulorohini nahima cebu imuhi to nihobo,otedehini nihirie ongida ofarang niho lati fad nihotwa ho haji. ¹⁶ Ikie nafagan hote ofarang niho lati fad to nahigiemita hote huja ongidari,ongida sing ito kwate monye hote la obwon nihide ¹⁷ Hegigilete ojo alotu ne ipalariso nichihita kuya lahiramahitak hetenyita. Abu ne alotu ipalariso sing nyo hati, olotu ne nihuhumahiso sing. ¹⁸ Ahiramahi ne ite natarihe ojo many otuhere nahide ho nafok obe hadi lobo latianya abito iduharu te chihita,many natuhohini nareji fad. ¹⁹ Inaha, latwani la ongil nichihit niho hunya ichihita cebu itejiana hilihe ihwane toho ngete ora hadi ngete alohichungi nihide.Latwani la inef sing itejiana haletok ongelese hadi ngete ahaboloroni nihide. ²⁰ Ahiramahi ne ite ojo, mayang nabolo nangidari hoji ilany noho Farise ho lahetomojok hosing obute iruhisi nihide. ²¹ Etiyirusu te ojo ojimi fa nihosing fa berien,"Hefadaritatu,' cebu.'Latwani la ifadaya,obwon hadi ngete ho narohoji niho nangoto.' ²² Nyuo hati ajo ne nihote ojo latwani la ilongojita niho hilasi hongete ohorihi hadi narohoji niholong hongoto ho hiramita.Cebu latwani la ojo niho hilasi hongete ojo,'Iji ale orohojaya ale!' ohorihi hadi narohoji niho lolohitwaha. Cebu latwani la ojo,'Iji lahadatajieni!' ohorihi hadi narohoji ho hima iferino. ²³ Inaha,nomo nesiarahiso ji neyalita hoji nitifine nyuo hati ji ihuyawu ojo ibwon ho nahiram niho hilasi hoji, ²⁴ idaha neyalita hoji nihatemeni hotifine. Toyomete so ho hilasi hoji ilotinere hati ipirehinere neyalita hoji. ²⁵ Totianyahinete ho latwani la ohiyatio iji ni longotere ho hiramita nomo nedaritite to honilobotiari,kira lahetwoboni hoji ohisiarahi niho lahangotoni ho hiramita,tinya lahangotoni ho hiramita ba ahisiarahi iji niho lolohitwahaji ho lotuarari. ²⁶ Ahiramahi ne iji, obu hadi ilotu niger to hotua ho lotwarari many idum ji narobia huja obwoni nihoji fad. ²⁷ Itiyirusu fa te ojo,"Hegeterete nangorwo ho lati; ²⁸ Ati ajo ne ni hote latwani la imana nguru twani agetere ngete ine ngorite to nataji. ²⁹ Nahisiarahi neteten ho honyek hoji iji ibubunyuta, towolohose ngete niger. Ongida ngete hama lomudang ilany nakwan hoji fad nahibirehiso iferino. ³⁰ Kuya nahisiarahi iji nehene hoji neteten ibubunyuta,tonguteye ipiroyo niger.Ongida ngete hama lomodang ilany nakwan hoji fad na loten iferino. ³¹ Ojimi fa ojo,'Latwani la orohoyo ngore, ikie ngete isiarahi newaraga hojaha.' ³² Nyuo hati ajo ne latwani la ojak ngore mayak to nahiram hosomon,esiarahi ngete odahe ho naliawa.Latwani la oyem ngete nomo najahi ngete ibalaya ngete nepal hogetere horutwani. ³³ Iyirata fa te ojo'"Hetinati naharus,ati isiarahi nahitina hoji niho Hobu.' ³⁴ Ati ahiramahi ne ite ojo, hetinati,dobu to hide ora alohitwengere ho Najyok ³⁵ kuya to nafok ora olobotiari ho Najyok kuya toYerusalam ora ahang na onyila noho Lohobu la obolo. ³⁶ Hetina dobu to nohou noji,habu iji itum ihuhumu nafofiti hoji ibwo abito na obwor kuya na irwok. ³⁷ Ati ikie natianya hoji ora,'Ee,ee, kuya 'Edaya ne,edaya ne.'Natianya na obwon hama nihanya olotu niho lahetononongani. ³⁸ Itiyirata fa te ojo,' Nohonyek to nohonyek, ce bu nahale to nahale.' ³⁹ Nyuo hati ajo ne nihote'hebayangata laharojani. Nahinang iji lobo latwani niteten holongel, isiarahi ibielehi abito longel. ⁴⁰ Lajo lobo latwani ahiyaru iji nilokiho cebu iyaru nabongo hoji, ikie ngete iyaru hebwo nasinge hoji na ongida bebe. ⁴¹ Nahirosoro iji lobo latwani nidaharu ho ngete lobo ibwo namaji kai, to funahi niho noho ngete cebu no ohadu kai. ⁴² Isiarahi liho latwani la ifiasu,hebielehi nohorwong niho latwani la owak ihuru niho ji. ⁴³ Itiyirata fa te ojo,'Tokwame latwani la inyihajata hoji to swe niho lamereni hoji. ' ⁴⁴ Ati ojo ne nihote, tokwamati lamerok hote ce bu imojete to lati hula ohitegiame ite, ⁴⁵ ongida ite irahata omusak ho monye hote la obwon nihide.Isiarahi ngete noholong onok niho laharohojayak ho lahangidarak ce bu isiarahi nahuju osasu niho lahangidarak ho laharohojayak. ^{48 5} Nomo nemojetete, hekialare to ho lahapufak, okwame sing namojo no lobotie nikelesia ho nihoiha oo ongida lati oteli sing. Ahiramahi ne nihote ojo ahorihini sing neyalita hosing. ⁶ Nyuo hati ite,nomo nemojietete,iruyosi nihaji.Ikianahisi nekat, ho namojo niho monye hote la idimaru. Tinya monye hote la otel, iyalahi hadi nihote. ⁷ Nomo nemojo ji henyenyahata nemojita hoji to ho ihoniterete paganoji,igigile sing ojo itiyire ba sing to natianya hosing bebe.