¹ Nolohailong Na- Onyila ho nahayaru Yesu netimere ofue itiama to laharohojani. ² Nofa netwong ngete noholongi nehejek ongon ho naharieji nehejek ongon na obe onya nangirang, obolo fa na niama niho ngete bebe. ³ Lahatiamani ho nalotiniso niho ngete ojo,"Nereji eha Najyok, ibielo hunya mori angirang." ⁴ Itarang Yesu ngete ojo,"Igierehini,'Obu latwani isu ta nangirang hama ati to natianya na olotu tohutuk ho Najyok." ⁶ Laharohojiani ho nahiyaru ngete nihang na onyila ho nahitotwongohiso Yesu nimaji nilolele ho haji na ohadu ⁵ ho najiman niho ngete,"Nereji eha Najyok,ipireye nakwan hoji nifok, to ho igierehini ojo, 'Iramahi hadi ngete anjeloji ho ngete ofuoni itunan iji; cebu, "Otingi hadi sing iji nihide to nehes ho sing, ongida iji obe ibehehi nehejiaha nimorwo." ⁷ Ojo Yesu niho ngete,"Igierehini ojo,'Hehwanahi Lohobu Najyok hoji nitiama.'" ⁸ Lahetononongani ho nahiyaru ngete nimaji na otod bebe ho nahitelehiso ngete nahangite nifok ho nareji fad. ⁹ Ojo,"Hunyareji fad isiarahi hadi ne nihoji, nomo nerugung iji nifok itokwata ne." ¹⁰ Yesu ho najiman,"Ilo niger tinyi hone,lahetenonongani. Igierehini ojo 'Ito kwata Lohobu Najyok hoji, ikiame niho ngete hama.'" ¹¹ Lohetononongani ho nahidahiso ngete, tianya nolohailongi ho nafuoniso hiluahiniso ngete. ¹² Nofa netiyir Yesu ojo atwarahini Yuwana, ngete ho nahigad to ho Galileya. ¹³ Idahi fa ngete Nasaret ho na loten hitwongo Kapernaume, niger ho hari ho Galileya nifok ho Sebuluna cebu ho Naptali. ¹⁴ Olotu anya tianya itetelihiso nofa hiram iramahini niho Isaya laheramahiteni ho hiramata na ojo, ¹⁵ "Nafok ho Sebuluna ho nafok ho Naptali, to ho nihari, many nihorwong ho Jordan, Galileya no paganoji! ¹⁶ Lati hula itwenge nidimele ateli sing nafangan nahituahaji, cebu niho ehule nihang holohailong ho yeyi, angirihi nafagan nihosing." ¹⁷ Nihene holong Yesu ho nahichak hitotoso ojo,"Iwahata, anyaha na lotiniso ho hide." ¹⁸ Nofa nadaha ngete nihari ho Galileya, ngete ho nateliniso Simone la ongelese ojo Peturu ho hilasi Andrea omwane nahaiyam niworoti, ituenge fa sing ahamwanak. ¹⁹ Ojo Yesu nihosing,"Ifuosu, ijifinete ne, ahihwanahi hadi ne ite ahamwanak ho lati." ²⁰ Sing ho nahidahiso nemwanita hosing ho nahijifaru ngete. ²¹ Loholong nadaha Yesu tiye ngete ho nateliniso, Juma iha Sebedee, ho Yuwana hilasi ho ngete.Obwoni fa sing nitigol ho monye hosing orife nemwanita ho haiyam. Ngete ho na ngeleniso sing, ²² sing ho nahidahiso natigol ho monye hosing ho nahijifaru ngete ²³ Ilur fa Yesu nafok ho Galileya fad nihitotosere nilomojiereji hosing, nihitotosere nabuk ho Najyok,ho nihitingidarari lahadiahak fad nihiji ho lati. ²⁴ Isarahi fa natianya ho ngete nihotwa ho hang ho Siria,lati ho nahiyeno niho ngete lahadiahak hula odiahe nediahidiahi hama-hama,hula omeji nakwanite,hula odiahe ho najiohi, hula oyeyite nolokolkol ho hula ongure. Itingidar Yesu sing. ²⁵ Nalohoi ho lati ho nahijifaru ngete to Galileya, Dekapoli,Yerusalem, ho Yudea, cebu hula ofwoni many to maji na olama ilany Jordan.