¹ Niho ehwe holongi Yuwana Batista ho nalotiniso itotoso lati nilong ho Judeya ojo, ² "Iwahati, anyiha nalotiniso ho hang na obwon nihide." ³ Ngete ale lofa otianya Isaya lahiramahitani ho hiramita,ojo, "Ongeleso lobo latwani nilong, 'Ihuhumata nihoi ho Hobu,ihuhumata nihoiha opiti." ⁴ Ijiafahi fa Yuwana nabongo na ora afofi ho longumar ho natorit ho ngagu na ora akieni ningagu hongete. Onyasu fa ngete namayesi ho nesio. ⁵ Lati fad noho Yerusalam, Yudeya ho nahangite fad huja onyihaji nihari ho Jordano ho nafwoniso niho ngete. ⁶ Yuwana ho nahitofwotiniso sing nabatisimo nofa newahari sing nepalita hosing. ⁷ Nyuo hati, lofa natelu ngete lati laharisak ho lahamwangak ofwonise niho ngete nihifwotinere nabatismo hula olwaji,ngete ho najiman nihosing,"Ite lemusak ho hiriahuji huja odwari nahiyiriji, ngai lihiramahi nihote ojo inamata niho namiajan na olotiniso? ⁸ Tobwanata ho natajio ho hiwaha. ⁹ Hegigilete nikwanite hote ojo,'Ohibwon ijie ho Abramo amonye hojie' Ajo ne nihote ojo hatum Najyok itoboloru lemusak ho Abramo niho hunya mori. ¹⁰ Eterehini narafal noho namori ho kiana. Nakiani na obu ongiji nahanger huja ongidari ongutori nifok ipirehini nihima. ¹¹ Ahitofwoto ne ite to nahari ho hiwaha nepalita. Nyuo hati la olotiniso nihalu ho ne obolo ohilany ne obu ne atum ating nahamuk ho ngete.Ohitofwoto hadi ngete ite to nolohailong Na-onyila ho nahima. ¹² Obwon nahijili ho ngete nihene ho ngete na ijilaya nahayu niger fad itutufahi nalihiny ho ngamang niraga. Iduoyo hadi ngete nahayu to nahima na obu otum itudunyi." ¹³ Yesu ho na lotiniso to Galileya to ho nihari ho Yordan nihifwotinere nabatisimo niho Yuwana. ¹⁴ Yuwana ho nahitoboj ngete ojo,"Awak ne iji itofwotu ne,iji cebu ilotu niho ne?" ¹⁵ Itarang Yesu ngete ojo, "Ihwana tohoja tahanya, ongida ijie ihitufut nengidarita fad. "Yuwana ho nahiruk nihitofwotinere ngete. ¹⁶ Nofa netofwotini ngete, Yesu ho nalotiniso kerem to hari,nahide ho nangasu niho ngete. Ngete ho nateliniso Nolohailong ho Najyok olotiniso niho ngete to ho awolo cebu nafangan niho ngete. ¹⁷ Natianya ho na lotiniso to hide ojo,Ngete ale iha ne. Akwama ne ngete bebe."