1 Lofa nayisini Yesu to Betelehem nihang ho Yudeya niholong ora hotere Herode ahobu, lati hula ikieni ho nafuoniso to lotulunere ho holong to Yerusalem ojo," 2 Tali ngete la oyisini a hobu ho Yahud?Ahitel ijie nahangeri to lotuluninere ho holong, ohifwonu ijie itokwata ngete." 3 Lofa netiyir Herode, ilongojita fa ngete bebe, lati ho Yerusalum fad. 4 Herode ho nahiyeno la padiriji fad ho la hetomojok hosing ho nahifiasu sing,"Aji namaji na oyiserete Christo? " 5 Ojimi sing niho ngete, "Di Beteleheme nifok ho Yudeya, nofa anya igierehi laheramahitani ho itenyata ojo, 6 Ite Betelehem nifok ho Yudaya,ebete irahata alohichungi nihiji ho lahabolorok ho Juda, tohiji hote olotu hadi lahaboloroni la olotu ijohito lati hone Isarayile."' 7 Herode ho nangeliniso lati hula ekieni ho nahifiasu sing noholong na oleyejiere nahangeri. 8 Ngete ho nasulahiso lati to Betelem,ojo,"Ifwasi totahate ngete angida. Nihorihisite ngete, iyinete niho ne natianya ongida cebu ne alo itokwata ngete." 9 Nofa nitiyiri sing niho lohobu,sing ho nahichak nadaha, nahangeri ho nahachak leyeji tolotulunere holong nihatemene hosing ho na botie nimaji na obwonetere lahito. 10 Nofa natelini sing nahangeri, sing ho nakwama 11 Sing honahiruyeriso nihaji ho nateliniso lahito ho hotenge. Sing ho narugungi nifok ho nahito kwata ngete. Sing ho nangan nolokoboli horobia ho nahisiarahiso ngete neyalita ho morwo na omimil, neheru, ho nelata na owur. 12 Najyok ho nahiramahiso sing nimininga ongida obu oyiteri niho Herode, sing ho nafoten to nehoi ibwo hama to ho nihang hosing. 13 Nofa nafwe sing, anjilo ho Lohobu ho naleyeji niho Yosefo nimininga ojo, "Todete, iyare lahito ho hotenge inamajiere to Ejip. Itwenge da many ahiramahi ne iji, otahito ba Herode lahito nohohifadariso." 14 Nihene harie, 15 Yosefo ho nadetino ho nahiyaru lahito ho hotenge to ho Ejip. Ngete ho nahitwongo da many oye Herode. Itufut anya nofa hiram iramahi Lohobu niho laheramahitani ho hiramita ojo, "To hang ho Ejip angeleu ne lahito ho ne." 16 Nofa natel Herode ojo ohitonongi ngete lati hula ekeni, ilongojita fa bebe. Ngete ho nasulahiso natianya ojo ongida ifadari lamusak ho liawa ho Betelehem ho nihangite huja onyihaji Betelehem hula horahi ningaji harik to ho nifok, niholong nofa iramahinerete lati hula ekieni. 17 Itufut anya nofa hiram iramahini ni Jeremiya laheramahiteni ho hiramata ojo, 18 "Itiyiri fa namurut to hang ho Ramah, nayoo ho nahitariha, Oyoo hadi Rachel to lemusak hongete, idaya ngete nata nito, to natuhohino ho sing." 19 Nofa naye Herode, anjilo ho Lohobu ho naleyeji niho Yosefo nimininga te Ijip ojo, 20 "Todete, iyare lahito ho hotenge Isarayile,hulo fati owahi ifadariso lahito ayeyi. 21 Yosefo ho nadeto ho natinginiso lahito ho nadaha to ho Isarayile. 22 Nofa nitiyir ngete ojo ara Arachelau ahaboloroni nifok ho Yudeya nimaji homonye Herode, ngete ho nabayangi naloten da. Nofa niramahi Najyok ngete nimininga,ngete ho naloten nifok ho Galileya 23 ho naloten hitwongo Nasaret.Itufut anya nofa hiram iramahini niho laheramahitani ho hiramita ojo, ogelese hadi ngete Nasarino.