¹ Nofa nara ahubany, lolohitwaha ho lahetomojok ho laragang ho namwanga nahifadariso Yesu. ² Otori sing ngete, ho nahiyaru ngete niho Piloto lolohitwahaji ho gala. ³ Nolofa natel Yuda la itenyangaya ngete ojo ongida ofwe ifadariso Yesu, ngete ho nahiwa, ho nihijiahahiso narobia nihejek hutik niho lolohituha hetomojok ho larangak ho nofa itenyangahinere ngete Yesu, ⁴ ho najiman, "Epalaya ne to nihitenyangariso nohoto na obe ipalaya. "Sing ho najiman, "Nanyuo naja nihojie?Totiala to nakwan hoji. " ⁵ Ngete ho nahipirehiso narobia nitempulo, ho naloten niger ho nagororo. ⁶ Lolohitwawaha ho padiriji ho nahiduhuniso ehwe robia ho najiman obe ongida nitunahinere hunya robia nilokobol, nyuo orahi sing ahinyangata hohoto." ⁷ Sing ho natianya ene hiram ho noho robia harabito ho nahinyanginiso nafok no onuhariti lahatomonok. ⁸ To na tianya, ongelese ene fok, "Nafok ho hoto" Hotahanya. ⁹ Itelehi anya nofa tianya iramahi Yeremia laheramahiteni hetenyita, ojo, "Iyare sing norobia nihejek hutik, nanyangi na ihwanahini lati he Isarayile to ngete, ¹⁰ sing nahisiarahiso niho lahabiani ho motiongo to ho iramahinere Lohobu ne." ¹¹ Obotie fa Yesu nihatemeni ho lolohitwahaji ho gala lolohitwahaji ho nahifiasu ngete, "Ireji a hobu ho Yahud?" Yesu ho nahitarang ngete, "Etenyi ji tarihe." ¹² Nyuo hati la holong hetwobi ngete lolohitwaha ho padiriji ho larangak obu ngete otenyu ibwo natianya. ¹³ Pilato ho najiman niho ngete, "Ibe ji itiyir hunya tenyita ongotohini niho ji?" ¹⁴ Obu ngete itarang dobu natianya abito, lolohitwahaji ho gala ho nahilongojita. ¹⁵ Niholong nahitwahaji ora a manya hosing niho lolohituahaji ho gala nilahahinere latwani la onyumuni lati. ¹⁶ Nihene holong otwara fa lobo latwani la isita bebe nafure ho ngete Barnaba. ¹⁷ Nofa nafurohine sing harabito, Pilota ho na hifiasu sing ojo, "Ngai te iwahata ongida ne alahahi? Barnaba kuya Kristo?" ¹⁸ Ojien ngete ojo iseri Yesu niho ngete to nahilongojita. ¹⁹ Ngete hetwongo nikurus ho lahangotoni ho heramita, ngore ho nasulunmiso niho ngete natianya ojo, "Hehon ibwo nasinge niho latwani obu ojien ibwo nasinge. Ahorihine nahitegiama bebe baya nimininga to ngete." ²⁰ Lolohetwaha ho Padiriji ho larang ho nahitugulihiso lati ojo ongida olahahini Barnaba ifadari Yesu. ²¹ Lolohitwahajhi ho gala ho nahifiasu sing, "Ngai tohiji ho hula ati harik te iwahata ojo ongida ne alahahi? Sing ho najiman, "Barnaba." ²² Piloto ho najiman nihosing, "Iwahatate ne ehon nanyu niho Yesu la ongelese Kristo?" Itarangi sing fad ojo, "Togurohi ngete." ²³ Ngete ho najiman, "Nanyuo, ani rohoji ngete ipalaya?" Sing ho nahigworita bebe," Togurohi ngete." ²⁴ Nofa natel Piloto ojo habu ngete atum ehon ibuo nasinge na orohojaya niho Yesu, lati ho nahchang nahigogworita, ngete ho nahiduhuniso nahari, ha nafinareso nehes ho ngete nihatemeni ho lati, ho najiman, "Abe ne abwon ho nahiram nihoto hale twani. Igiamati to nakwanite hote." ²⁵ Lati fad ho najiman, "Ikie no hoto ho ngete obwon nihojie ho lemusak hojie." ²⁶ Ngete ho nalahahiso Barnaba niho sing, ho nahisiara hiso Yesu nihosing nigurohinere. ²⁷ Lasengere ho nahiyaru Yesu namaji na omanyarite lolohitwaha ho gala ho nahiforohiso heletok. ²⁸ Sing ho nabeho ngete ho natwaran to no hofito. 29Ho nahiri negita hekwa ho nahitubuchahiso nihou ho ngete ho nahisiarahiso ngete inef namedek to neteten hehene ho ngete. Sing ho narugungi nihatemeni ho ngete ho nakenitere ngete ojo, "Toboloro,lohobu ho Yahud!" ³⁰ Sing ho namita niho ngete, ho nahiduhuniso namedek ho nabehon ngete nihou. ³¹ No fa natuhohini sing ikenitere Yesu, sing ho nalahiniso nahofito niho ngete, ho natwarahiso nabongoji ho ngete nikwan hongete ho nahiyaru ngete nigurohinere. ³² Nofa nafwoni sing niger, sing ho nahorihiso lobo latwani loho Sirene nafure ho ngete Simone, sing ho narosoro elerok ongida olo hosing ongida olo tingon nahite ho ngete na ikwala. ³³ Sing ho nafwoniso namaji na ongelese Golgota,na itelihi ojo, "Namaji ho Hohou." ³⁴ Sing ho nahisiarahiso neho ngete nabalu ongida omat. Nofa nemang ngete, ngete ho nabagan matan. ³⁵ Lofa nagurohini sing Yesu, sing ho nahwaran nabongoji hongete tom nawala ho hewaragajii. ³⁶ Sing ho nahitwongo nahitiesiere Yesu. ³⁷ To hou hongete igierehini sing ojo, "Ngete ale Yesu, Lohobu ho Yahud." ³⁸ Ogurohini fa ngete ho lahahohwalak harik, obito niteten hehene ho ngete abito nihajong hehene ho ngete. ³⁹ Lati hula odahe hara enamaji omori ngete, inininge no hosi ojimi," ⁴⁰ Iji ale lofa ilo ibonyoriso nitempulo ifak to noholongi hutik, italahu nakwan hoji!Nereji eha Najyok, tongiro nifok to hite na ikwala!" ⁴¹ Okeneterete fa cebu lolohituaha ho padiriji ho lahegiero ho laragang ngete ojimi, ⁴² "Italuhu ngete lati helihe nyuo hati obe italahu nakwan ho ngete. Ngete lohobu ho Isarayile. Ikie ngete ongiru nifok to hite na ikwala ijie hati ahiruk. ⁴³ Iruk ngete niho Najyok. Ikie Najyok olwahu ngete ta hanya nawak ngete, to ho ojo ngete, "Ne iha Najyok." ⁴⁴ Lahahohwalak hulo fa ogurohini ho ngete cebu ho natianya nimorita to ho ehue otianya ihule ati logurohini sing. ⁴⁵ Irwok nidemele nangolohita ile many laholong nalotu na ngolohita ho metongon. ⁴⁶ Ningolohita holongo metongon, Yesu ho nayo to namurut na okwat ojo, "Eli, Eli, lama Sabatani?" Na itelihi najiman, "Najyok ho ne,Najyok ho ne, nanyuo iji idahi ne?" ⁴⁷ Nofa netiyiri hilihe hulofa obotie niger hongete sing ho najiman, "Ongeleso ngete Elija." ⁴⁸ Lobo nihosing ho nahinan ho nahiduhuniso nabomgo na onanawuk, ho nawohiso nibalu no odwar, ho nahihwanahiso nimedek hemujung ho na siarhiso ngete omat. ⁴⁹ Haletok ho najiman, " Idahi ngete hama." Atialati kuya olotu ba Elija italahiniso ngete." ⁵⁰ Yesu ho nayo hari to namurut na okwat ho nahisiarahiso nolohailong ho ngete. ⁵¹ Nabongo ikianahite sing nitempulo ho nachira tehiji ijik to do many nifotiri. Nafok ho nahililiho, namori ho nabunyo tehiji. ⁵² Nohosiereji ho nangasu, nakwanite ho lahanyilajak hula olwaji hula ogetere ho nahitubuhuniso. ⁵³ Odetini sing telumeho nihalu hohibuhuniso ho Yesu, neruhi ngete nihang na onyila ho naleyeji niho lati olwaji. ⁵⁴ Lofa latel lolohitwahaji ho singere ho lati hulo fa obwoni itiala Yesu nelihilik ho nareji huja iduongi, sing ho nabayangi bebe ho najiman, "Tarihe iha Najyok kira ba duo ale." ⁵⁵ Otiale fa nangorwo huja ijifare Yesu to Galileya nitialari ngete no lolamaje. ⁵⁶ Nihiji hehwe ngete, obwon fa Maria Madalina, Maria iyang ho Juma ho Yosefo, ho iyang he lemusak ho Sebedee. ⁵⁷ Lofa nara atari, lobo lahabarani ho nalotinis; to Arimateya, nafure ho ngete Yosefo, lo ora a lohejek ho Yesu. ⁵⁸ Ngete ho naloten niho Piloto ho nahifiasu nakwan ho Yesu. Pilato ho nahiramahiso ojo ongida isieri niho ngete. ⁵⁹ Yosefo ho nahiyaru nakwan ho Yesu, ho natwaran to nabongo na onyila, ho nahihwanahiso nilume nangejuk na ihuhumahi ngete nimorwo. ⁶⁰ Ngete ho nahimuhohiso namorwo na hitwahajik nitodo ho hosiere ho na loten. ⁶¹ Obwoni fa Maria Madalina ho Maria abito da, hitongo niger ho hosiere. ⁶² Tonahubanyi, noholong nituhohino ho hihuhumahino hosing, lolohitwaha ho padiriji ho laharisak ho natubahino ho Pilato. ⁶³ Sing ho najiman, "Lolohitwahaji, ahihuyau jie ojo laholong hesu lofa lahetononongani, ojo, ngete, 'To noholongi hutik ebuhu hadi ngete hari.' ⁶⁴ Naha, isiarahi nelume obwon angida many noholongi hutik. Ofwoni ba lolohejehi ho ngete ohohwalaru ngete ho najiman niho lati, 'Ebuhu to yeyi.' Nahitonononga ho ngete olotu hadi rohoji ilany anya. ⁶⁵ Pilato ho najiman nihosing, "Iyarite lahetieseni. Ifwasi, ihwanahi namaji na ongida." ⁶⁶ Sing ho nafoten ihwanahiso nilume na ongida, ho nahimuhohiso namorwo ho nachihahiso lahetiani.