¹ Okialare hadi nahang ho nihide to ho nemusak hongorwo tomon huja hobe laliawa otiri huja iyare nihimaji hosing nihifwotinere lahetaramak hosing. ² Obwoni miyet nihosing huja odatare cebu miyet huja ilefereji. ³ Laholong neyare ihue lodatare nahimaji hosing obu iyare ho nelata. ⁴ Nyuo hati ihwe ilefereji miyet iyare ho elataji hosing. ⁵ Laholong hengurie lahayamak hosing,sing ho nahijingita ho nagetoro. ⁶ Nihiji ho harie, natianya ho nalotiniso ojo, 'Totialati, lahayamani!Ifwasi niger nihiriamari hongete.' ⁷ Ehule musak fad ho nadeto ho nahihuhumahiso nahimasi hosing. ⁸ Ihwe nahadatajiok ho najiman niho hwe ilefereji ojo, 'Isiarahisi nihojie ibwo nelata, otuhohine nohojie.' ⁹ Neheleferojok ho najiman,' obu ba otum ijie hote ifwasi ihinyanginiso to maji na itenyangariti. ¹⁰ Lofa nafwe ihwe nahadatajiok inyanga, lahayamani ho nalotiniso, huno fa ihuhumane ho nafwoten niloyamari ho nahikainahiso negat. ¹¹ Nihalu,ehwe nahadotajok miyet ho nafwoniso, ho najiman, lolohitwahaji'to ngahi ijie.' ¹² Ajo ne nihote, abu ne ahijien ite. ' ¹³ To bwanata angida obute ijianata noholong. ¹⁴ Okialare to lobo latwani la owak loten nihemwo nahang. Ongeleu ngete lahegiamak hongete ho nahisiarahiso sing nebarita hongete. ¹⁵ Niho abito twani ngete isiarahi narobia miyet, niho lobo isiarahi narobia harik, niho lobo narobiati hutik. Isiarahi ngete latuani to nahigiama hosing ngete ho naloten. ¹⁶ La isieri miyet ho naloten itiyiso noho ngete ho nahitiyisiniso miyet. ¹⁷ Lofa cebu ohorihi harik ho nahitiyisiniso harik. ¹⁸ Lofa ohorihi abito ho nahiyaru, obok nafok ho nanuhahiso noho ngete. ¹⁹ Laholong neyaru nengaji oluaji, lolohitwahaji hosing ho nalotiniso hifiasu sing. ²⁰ Lahegiamani la isieri narobia miyet ho nahiyeno ho nohosi hosing miyet, ho najiman niho lolohitwahaji,'Lolohitwahaji, isiarahi ji niho ne narobia miyet. Etiyisu ne nohosi hosing miyet.' ²¹ Lolohitwahiji ho ngete ho najiman, 'Akwama ne, iji lahegiamani la ingida!Irieji nareji ho huja omutari. Ahisiarahi ba ne iji itiala nareji huja olwaji. Iruhi niho nakwama ho lohitwahaji hoji.' ²² Lofa lehegiamani isieri narobia harik ho nalotiniso ho najiman, 'Lolohitwahaji, etiyisu ne harik nohou ho ho nofa robia harik isierahi ji ne.' ²³ Lolohitwahaji ho ngete ho najiman, 'Akwama ne, iji lahegiamani la irie! Iririe ji nareji hula omutari. Ahihwanahi ba ne iji itiala nareji huja olwaji. Kwo niho nakwama ho lolohitwahaji hoji.' ²⁴ Lahegiamani lohohutik ho nalotiniso ho najiman, 'Lolohitwahaji, ajien ne ojo itwongo ji atwani la ijifito nareji bebe. Idengoji nimaji na obuji iremehi. ²⁵ Abayang fa ne, alo ne ho nanuhahiso narobiati ho ji nifok. Kai nasinge na ora anohoji.' ²⁶ Lolohitwahaji ho ngete ho nahitarang ngete ojo, 'Iji ale lahalanani, ijien iji ojo adengo ne nimaji na obwon ne ayihi. ²⁷ Naha, hatum dwo iji isiarahi ne narobiati ho ne niho lahatunak ho robia, nilotiniso ho ne hatum dwo ne a horihi ho nohosi hosing. ²⁸ Ho nahiduhuniso narobiati niho ngete isiarahisi nihele orahi no ngete tomon. ²⁹ Latwani la obwonitere noho ngete olwaji ofunahini ba olwaji. Latwani la obe obwon hebwo,iyare ba niger. ³⁰ Ipiresi lahegiamani la obe igiama nidimele, namaji na obwonitere nayo ho nahwanya ho hala.' ³¹ Nalotu iha Najyok to nakwatan ho ngete ho anjeloji fad, itwongo hadi ngete nilohitwengere ho ngete na okwat. ³² Itutufiahine hadi nahangite fad nihatemeni hongete, ngete hadi ho nahigegiala lati fad, toho igegialari lahejwahani nehoriangi to hide. ³³ Ihwanahi hadi ngete nihoriangi niteten hongete nahine he hajong hongete. ³⁴ Lohobu ho najiman nihe hule itwenge niteten hongete, ' Ifwosu,ite hula ahijok Monye ho ne,to lunyohisi nahang na ihuhumahini to te many to lochifot ho fok. ³⁵ Ohinyasu fa ne nahure, ite isiarahisi ne nangirang, ohinyasu fa ne nahifiriyong, ite isiarahisi ne nahari; arafane a hatomononi, ite iyarite ne nihaji, ³⁶ adaha fa ne longature, ite itejiafahisi ne nabongo; adaha fa ne ite itialati ne; abwon fa ne nilotwarari ite ifwosu iwaja ne.' ³⁷ Lahangidarak hadi ho nahitarang ojo, 'Lohobu, Anu fe jie ohihorihi iji iniama ho nahure ijie ohisiarahi iji nangirang? Kuya nahifiriyong ohinyasu iji,ijie ohisiarahi iji nahari? ³⁸ Anofa jie ohitel iji ahatomononi ijie ohiyaru iji nihaji?Kuya ohihorihi iji idaha langature ijie ohitejiafahi iji nabongo? ³⁹ Anu fa jie ohihorihi iji idiaha ijie ob ohiwaj iji, kuya ibwon nilotwarari ijie ohifwonu nihoji? ⁴⁰ Itarang had lohobu sing ojo,' Nasinge na ihon iji niho hilasi ho ne lolokude tinyi tofok, ihon iji niho ne.' ⁴¹ Ngete hadi ho najiman niho ehule obwon nihajong ho ngete ho najiman, 'Ifwasi tinyi ho ne, ite hula ahipitari, nihima na ihuhumahini niho laharohojak ho lolohejehi hosing, ⁴² ohinyasu fa ne nahure obu te isiarahisi ne nangirang; ohinyasu fa ne nahifiriyong obu te isiarahisi ne nahari; ⁴³ ara fa ne ahatomononi obu fa te isiarahisi ne nahaji; adaha fa ne longature obu te itejiafahisi ne nabongo, adiaha ce abwon nilotwarari obu te itialati ne.; ⁴⁴ Itarangi hadi sing ojo, 'Hobu, anu fe jie ohihorihi iji iniama ho nahure, kuya iniama ho nahifiriyong, kuya ira ahatomononi, kuya idaha langoture, kuya idiaha, kuya ibwon nilotwarari ijie obe ohitel iji? ⁴⁵ Itarang had ngete nihosing ojo, 'Taraihe ahiramahi ne ite ojo, nasinge na obu ji ihon niho hule musak, obu ji ihon niho ne.' ⁴⁶ Ofwe hadi hule nihima na osio jik.