¹ Yesu ho naloten niger to tempulo ho naloten to nehoi ho ngete. Lolohijehi hongete ho nafwoniso niho ngete ho nahitetelehiso ngete natempulo. ² Yesu ho nahitarang ojo sing ojo,"Ibete itialata hunyareji fad?Ajo ne nihote,obe ba ibuo namorwo inahino na obe ibieli." ³ Lofa netwongo ngete nidenge ho Olife,lolohejehi hongete ho nafwoniso niho Yesu ho najiman,"Iramahi nihojie anuhunya reji idwongi?Nanyuo hadi itetelehi nalotiniso hoji ho nolohichungi ho fok?" ⁴ Yesu ho to nahitarang sing ojo,"Totialati ongida ojo ikie lobo latwani ohiyaru ite nepal. ⁵ Olwaji hadi hula ofwoni to nafure ho ne.Ojimi hadi sing,'Ne Kristo;Eyaru hadi ne lati olwaji niger. ⁶ Itiyirata hadite neremita ho nahiramita heremita.He hihirati,oduongi ba hunya reji;ati hebuha nolohichungi. ⁷ Ongalase hadi nahang ho nahang,nahang ho hobu ho nahang ho hobu.Obwon hadi nahure ho nelihilihiji nimasik fad. ⁸ Orahi hunya reji fad alochifot ho yisiniso ho miajan. ⁹ Ohisieri hadi sing ite nilongotere ho hiramita cebu ohifadari. Oliwe hadi nahangite nihote to nafure ho ne. ¹⁰ Olwaji hadi lati hula otwamahite cebu itenyangarite haletok. ¹¹ Ofwoni hadi lahagesemok ho hiramahita ho hiramita iyaru lati olwaji niger. ¹² Tanyuo oyisehine nepalita,nakwama ho lati hula oluaji ba erebi. ¹³ Latwani la oduhu many nilohichungi,italahini hadi. ¹⁴ Itotose hadi anya buk nifok fad ahiramahiso niho nahangite fad. Nolohichungi ho nalotiniso. ¹⁵ Inaha,etialatate narahoji ho hipalariso,nofa otianya Daniele laheramahitani ho hiramita,obotia nimaji na onyila(ikie lahekianani ojien), i ¹⁶ kie hula obwoni Yudea inami to ho nidenge, ¹⁷ ikie ngete la obwon niger hohang obu olo iduhuniso ibwo nasinge na obwon nihaji, ¹⁸ ikie ngete la obwon nimana obu oyitu iyaru nabongo hongete. ¹⁹ Nyuo hati ikie narohoji obwon niho huja obwoni ho lahito cebu niho huja itanahe nihehue holongi! ²⁰ Tomojete ojo natiyara hote iko be obuon to nahameu kuya tetaliji. ²¹ Obwon hadi narohoji,nahobe idwong many to lochifot ho fok hotahanya,ho be,kuya hatum hari. ²² Mayak netusuhu ehue holongi,obe hadi ibwo nakwan na italahino.Ati,to lati hula onyumuni,itusuhi hadi ehwe holongi. ²³ Najo lobo latwani nihote, 'Totialati,Kristo ale! kuya,'Kristo ele!'heruhoto. ²⁴ Ofwoni hadi Kristo lahegesemok ho laheramahitak ho hiramita hule ogesemi ho nahihwana nahigemita hosing nihiyajiere lati niger domu hula onyumuni. ²⁵ Ahiramahine ite ho be ine holong olotu. ²⁶ Inaha,najimi sing nihote, 'Totalata,obwon Kristo niloleng;hefwasi.Kuya'Totialati,obuon ngete nihotwa ho haji;heruhoto. ²⁷ To ho nomo nemedek nahila to lotulunere ho holong ho nawulori to ho nilodoyojiere ho holong,ora hadi nalotiniso heha Najyok. ²⁸ Namaji na oyeyehinere natiang,ofurohine nataruha da. ³⁰ Oleyo hadi nalotiniso ho iha Najyok to hide,olume hadi namaniti fad to fok nalocholoji hosing.Oteli hadi sing iha Najyok olotu te dis ho hide to nagolon ho nakwatan. ³¹ Osulu hadi ngete anjeloji ho ngete to nakwatan ho totolu,itutufahini hadi sing lati hula onyumuni to lobwangi ongon,nangati holohichungi ho holong many niho ibwo. ³² Itejienisu naho nangaboli.Nofa nayohoji nakana ho naruruotiso namene,ijianatate ojo anyiha nafurat. ³³ Nomo cebu hunya reji fad,tojianata ojo anyiha ngete,abuon niger ho bwata. ³⁴ Ojo ne nihote,obu hadi hule hule ati otuhere,many iofwoni hunya reji idwong. ³⁵ Nahide ho nafok otuhere hadi nyo hati natianya ho ne osio hadi jik. ³⁷ Toho nofa niholongi ho Nowa,ora hadi nalotisi heha Najyok. ³⁸ To ho niho ehwe holongi hobe nebwaling,onyese fa sing omate,oyame,isiarahite ngarinok niloyamari many nihlong lofa neruhi Nowa nitigol, ³⁹ obe sing ojieni ibuo nasinge many lofa nalotu nibwaling ho nawororo sing niger-ora hadi nalotiniso Heha Najyok te he ne. ⁴⁰ Obwoni hadi lati hari nimana,iyare hadi abito,abito otong nihalu. ⁴¹ Obwoni hadi ningorwo harik huja iriese,iyare hadi abito,obito hadi idahini. ⁴² Inaha,totialati angida,obute ijianata aniholong Lohobu hote olotu. ⁴³ To jianata anya,natum monye ho hang ojien ani holong lahahohwalani olotu,habe ngete itieso ongida lahahualani ohohol nahaji. ⁴⁴ Inaha,ihuhumahinete,olotu hadi iha Najyok niholong na obute ijianata. ⁴⁵ Ngai laheruhoni,lahegiamani la ilefere,la isiarahi monye ho hang ahatialani nihisiarahitari nangirang nihosing na ongida? ⁴⁶ Ikie najwaha niho lehegiamani laba ohorihi monye ho hang nasinge na ongida nomo na lotu. ⁴⁷ Ahiramahi ne ite isiarahi hadi monye ho hang nareji fad. ⁴⁸ Nyuo hati latianya lobo laharohojiani to taji ho ngete ojo,'Esieri monye ho hang ho ne olotu nihalu;ho nahichak ibeho haletok, ⁴⁹ ho nanyasu ho namata ho laharumak, ⁵⁰ monye hele lahegiamani hadi ho nalotiniso niholong na obu lahegiamani ojien. ⁵¹ Ingungut hadi monye ngete amasik harik ho nahi giem niho ngete to lahetononongani,namaji na obwonitere nayo ho nahwanya ho hala.