¹ Yesu ho natianya niho lati ho niho lolohejehi ho ngete. ² Ojo ngete,"Itwenge lahegierok ho lati ho laharisak nihitwongi ho Muse. ³ Inaha nasinge na iwahatate igiama,igiamati sing ijifitete sing.Hejifitete nahigiemata hosing,otianye sing netenyita obe hati igiamariti sing. ⁴ Ee,obwoni sing ho namiajan huja irosiji to natingoto, ihuanahini sing niho lati.Sing to nakwanite hosing obu otirehini nehes hosing nitingitere sing. ⁵ Nehigiemita hosing fad,igiama sing ongida lati oteli sing.Ihuhumi sing niger hobongoji huja olalati. ⁶ Okwama namasik hohobuok nimasik ho lonyesere lohobwok itwenge nilomojereji, ⁷ cebu nahihata huja ongidari nimasik ho lohitenyangari ojo,ongida ongelese,'Rabbai, to lati. ⁸ Ati,ikie obu ohigelese ite ojo'Rabbai'ibwonatate ho lahetejianani abito,irahatate fad ahilasira. ⁹ Hengele lobo latuani tiji to fok ojo monye hoji,ibwanatate ho Monye hote abito la obwon nihide. ¹⁰ Cebu lahetejianani abito,ngete Kristo. ¹¹ Ikie latwani la obolo tohiji hote ora ahegiamani hote. ¹² Latuani la oting nakwan hongete inyahini hadi ngete,ngete la inyak nakwan ho ngete otingi hadi. ¹³ Ikie narohoji obwon nihote,lahegierok,laharisak,lahetononongak!Ikianahisi te nahang hohide niho lati.Obu te iruyosi kuya isiarahisi lati hula owahi iruyoriso. ^{14 15} Ikie narohoji obwon nihote,lahegierok cebu niho laharisak,lahetononongak!Ifwasi nihangite huja ola maji iyenete lati abito la iruk.Lobo leruk ele abito ite ehwanahisi ngete ora harik iferino to ho ite. ¹⁶ Ikie naro hoji obwon nihote,itehule laharihotok hangodok,ite hula ijimata,'Latwani la itina to netempulo obe ibwo singer.Nyuo hati latwani la itina to nasingati na omimil noho nitempulo atarahino ngete nihitina ho ngete.' ¹⁷ Ite hule lahangodok idatariti cebu,ana lobolo,nasingati na omimil ole na tempulo na isieri niho Najyok? ¹⁸ Latwani la itina to oltari,obu ibuo nepal.Nyuo hati latwani neyalita huja obwoni da,atwarahino ngete niho nahitina.' ¹⁹ Ite hule lati lahangodok,ani lobolo,neyalita ole naltari na osiarahinerete neyalita niho Najyok? ²⁰ Inaha,ngete latwani la itina to naltari itin ngete to ngete ho nariji huja obwoni da fad. ²¹ Ngete la itin to netempulo,itin to ngete ho la omanya niho netempulo. ²² Latwani la itina to nahide,etin ngete to nolohitwengere ho Najyok ho ngete la itwongo da. ²³ Ikie narohoji obwon nihote,lahegierok ho lati ho laharisak,lahetononongak!Ibete igiamata na nechihita-nangidari,namehino,ho nahiruk.Nareji hunya huja otum ite igiamati,ongida ibe idahisi hinihe. ²⁴ Ite hula laharihitok ha ngodok,ite hule imitaritati namayesi nyo hati idileretati najamel! ²⁵ Ikie narohoji obwon nihote,lahegegierok ho lati ho laharisak,lahetononongak!Nihote itinyilajatite niger ho kubaya ho nohohehomo idahisi nohotwa iboti. ²⁶ Ite hule laharisak naha ngodok,itinyilajata so nohotwa ho kubaya ho no ho narany,ongida niger onyila. ²⁷ Ikie narohoji obwon nihote,lahegierok,laharisak,lahetononongak!Ikialarite to ho nohosiereji huja onyilaji teger nyuo hati nihotwa ifuti ahoiyi ho lahayeyak ho nareji huja iboti fad. ²⁸ Ingidaratate teger nyuo hati nihotwa ifutata ho nebot. ²⁹ Ikie narohoji obwon nihote,lahegegierok ho lati ho laharisak,lahetononongak!Ifahatate nohosiereji ho laheramahitak ho hiramita,ito lokokorijoto nohosiereji ho lahangidarak. ³⁰ Ite ijimata,'Hara na obwon fa jie niholongi ho monye hojie,habu fa jie ohiruk nahifadariso laheramahitak ho hiramita.' ³¹ Inaha,ijianatate ni kwanite hote ojo ite lemusak ho hulo fa ifadari laheramahitak ho hiramita. ³² Itofutahisi cebu nepalita ho monye hote. ³³ Ite nariahu,lemusak ho hiriahu,hariji bate inamata to longotere ho haramita? ³⁵ Nolohichungi ho ngete fad ifwosu te rahan alati hula ijuhosi nahoto hangidarak nifok,ichak to hoto ho Sakaria iha Barachian,la ifadasi te nihiji ho loluahari ho altari. ³⁶ Ahiramahi ne ite natarihe,odwongi hunya reji fad niho hule ati. ³⁷ Yerusalem,Yerusalem,ite ngai lifadaya laheramahitak ho hiramita,ifadi hula osulahini nihote!Baya natubahita ho ne lemusak hote harabito,to ho itutufahinere nohohoro ngarinok nifuho hongete,nyuo hati ite obu iruhoto! ³⁸ Totialata,edahini nahaji hoji niho ji. ³⁹ Ajo ne niho ji,obu hadi te itialata ne to baya to ho nihatemeni,many ijimatate,'Ikie nakwatan obwon niho la olotu to nafure ho H-Lohobu."