¹ Yesu ho natianya nihosing hari to nohorwong hetenyita,ojo, ² "okialare nahang ho Jyok ho lobo lohobu la ihuhumahi nanyasu ho yama ho lonyi. ³ Osulahi ngete lahegiamak ho ngete ongida ongeleni lati hula iraramahi ngete nifwoniso naloyamari,nya hati obe ofuoni. ⁵ Nyuo hati ehule ti obu igiamariti nangeleso ho ngete. ⁶ Hilehe ho layiteriso nimanata hosing,ilihe oyiteri namasik ho lohigiamari hosing. Ilihe ogiemi lahegiamak ho hobu na orohojaya many ifadari. ⁷ Ilongojita fa lohobu.Ho nasulariso lasengere ho ngete ongida ifadari lati hula ifadari lahegiamak hongete ho naswahariso nahang hosing. ⁸ Ngete ho najiman niho lahegiamak hongete,'Ehuhumahino nayama,nyo hati lati hula iramahini ongida ofwoni orohoji. ⁹ Ifwasi nihoi to ngelesu lati olwaji ikie ofwoni niloyamari.' ¹⁰ Lahegiamak ho ngete ho nafoten nihoi ho nahitutufuniso lati hula ohorihini sing,hula ongidari ho hula orohoji ho hula ongidari.Ifuti fa lati nihaji ho layamari. ¹¹ Loholong la lotu lohobu itiala lati hula ofwoni,ngete ho nateliniso lobo latwani la obu ijiafahi nabongo ho lati hula ofuoni neloyamari. ¹² Lohobu ho najiman,'Morite ho ne,tataliji ilotu iji obe bongo?'Obu fa ele twani otum itianya. ¹³ Lohobu ho najiman niho lahegiamak hongete,'Totwarata nihes ho nehejiaha hale twani,ipirehisi ngete nimaja na irok,namaji na obwonitere nayo ho na hwanya ho hala.' ¹⁴ Olwaji lati hula ongeleni nyo hati obotari hula onyumuni." ¹⁵ Farise ho na ihuhumahino nihinefinere Yesu to natianya ho ngete. ¹⁶ Ho nasulahiso niho ngete lolohejehi hosing harabito Lati ho Herodian. Sing ho najiman niho Yesu,"Lahetejianani,ohijien iji ojo itianya ji natarihe,cebu ite jiana nahiram ho Jyok na obit.Obu ji igiamari netenyita ho lati,obu cebu ji igegiala lati. ¹⁷ Iramahi nihojie,nanyo ji igigilo?Ongida naduma namochoro niho Saesar ole obu?" ¹⁸ Yesu ho najianan nepal hosing ho najiman,"Nanyuo te itiamati ne,ite hule latononongaK? ¹⁹ Itetelehisi ne narobia ho mochoro."Sing ho na hiyeno nadinari niho ngete. ²⁰ Yesu ho najiman nihosing,"Noho ngai anya kialare cebu nafure?Sing ho naj ²¹ iman noho Cisar."Yesu ho najiman nihosing, "Isiarahisi niho Saesar nasinge na ora noho Saesar,oniho Najyok nasinge na ora noho Najyok." ²² Lofa nitiyiri sing,sing ho nagugunuta ho nafoten niger. ²³ Nihene holong hile lati ho Yahud ho nafwoniso niho ngete,hula ojimi ojo obe nahibuhuniso.Ifi sing Yesu ojo,"Lahetejiani, ²⁴ ojo Muse,'Laye latwani obe oyisu lemusak ikie hilasi oyem ngore ongida oyisu lahito ho hilasi.' ²⁵ Obwoni fa lati metaharik hula ihilasiri.Oyem lokang ho nayeyi obe oyisu lemusak. ngete ho nahidahiso ngore niho hilasi. ²⁶ Loloboi oye obe hito,lodai oye obe hito olo many niho lolohalu. ²⁷ Nofa natuhere sing fad,nangorite ho nayeyi. ²⁸ Niholong ho hibuhuniso,ngurungai ngete niho ehule ati metaharik?Toho ene amanyariti sing enerok fad." ²⁹ Yesu ho nahitarang sing ojo,"Epalasite fad,to nanyuo obute ijianata natianya ho Najyok kuya nagolon ho Najyok. ³⁰ Niholong ho hibuhuniso obe nayama to da.Orahi lati anjeloji. ³¹ Nihiram ho hibuhiniso to yeyi,hobu te ikianata nofa tianya iramahi Najyok nihote,ojo, ³² 'Ne Najyok ho Abramo,Najyok ho Isako cebu Najyok ho Yacob;.Obu Najyok ora Ajyok ho lahayeyak,ati niho lehesujok." ³³ Nofa nitiyiri sing,obayangi fa sing nihitejiana ho ngete. ³⁴ Nyuo hati laholong natiyiri laharisak ojo etining Yesu lati ho Yahud,sing ho nahitutufahino. ³⁵ Lobo tohiji hosing oro atuani ikien nechihita,honahifi Yesu,otiama fa ngete ojo, ³⁶ "Lahetejianani,anichihit lobolo nichihita?" ³⁷ Ojo Yesu niho ngete,"Ongida iji ikwama Lohobu Najyok hoji to nataji hoji fad,to nolohailong hoji fad cebu to negigilita hoji fad.' ³⁸ Ngete anya nechihit na obolo ora cebu alohichiahi niho nechihita. ³⁹ Nechihit noho harik,'Ongida iji ikwama lati hula omanya niger hoji to ikwamariji nakwan hoji.' ⁴⁰ Niho huja chihita harik otuhuni nichihita fad ho laheramahitak ho hiramita." ⁴¹ Lofa lati ho Farise ho tube,Yesu ho nahifi sing. ⁴² Ngete ho najiman,"Nanyo te igigilete to Kristo?Iha ngai ngete?"Ojimi sing niho Yesu,"Iha Davide." ⁴³ Yesu ho najiman nihosing,"Tatali hati Davide Nilohailong ongeleso ngete ojo Lohobu, ⁴⁴ 'Otianya Lohobu niho Lohobu ho ne, "Itwenge niteten hehene ho ne many ehwanahi ne namerok hoji aloriasere hoji." ⁴⁵ Nangele Davide Kristo'Lohobu,'tatali hati ngete ora eha Davide?" ⁴⁶ Obu lobo otum itarang ngete,obe lobe otum ifi ngete ibwo nahifasu hari.