¹ Nofa nanyihaji Yesu ho lolohejehi ho ngete Yerusalemu ho nafuoniso Betefase, nedenge ho Olife,Yesu ho nasulariso lolohejehi ngete harik, ² ha najiman,"Ifua niho angati hang,ihorisi bate nologumar otuara da ho ngarini.Tolahihusu iyenete sing niho ne. ³ Nahifasu ite lobo latuani,tojimata,'Lohobu lowak sing;ohisulahi ba ite eletuani kerem." ⁴ Alotu anya itufut nofa hiram otianye niho laheramahitani ho hiramita. Ojo ngete, ⁵ "Iramahisi nahito ho Sion,totiala,olotiniso Lohobu hote, Inyahata nakwanite toyirinite nolongumar, honahito ho logumar,lahito hologumar." ⁶ Lolohejehi ho nafoten higem to ho iramahinere Yesu sing. ⁷ Iyene sing nologumar ho lahito ho lahito ho logumar totuarihisi nabongoji nihosing Yesu nahituongo da. ⁸ Lati ho nafiatahiso nabongoji hosing nihoi, ilihe ogwasini nabene to kiana ho nafiatahiso nihoi. ⁹ Lati hulo fa ofwe tonahatemeni hoYesu ho hula ijifare ngete,ho nahigworita, "Osanna niho iha Davide! Ohito kwata ijie iji la ilotu nafure ho Hobu. Osanna na obwon nihide!" ¹⁰ Lofa nalotu Yesu Yerusalemu,ihihira fa nohotwa ho hang fad,"Ngai ale?" ¹¹ Lati ho nahitarang ojo,"Ngete ale Yesu laheramahitani ho hiramita lo ho Nasarin no ho Galileya." ¹² Yesu ho nahruyoriso nitempulo ho Najyok. Ngete ho narohoroso lati hula itenyange nihotwa ho tempulo.Ho nahibial nahitenyangita hosing nahitwongita ho lahitenyangak ho woloji ho gala. ¹³ Yesu ho najiman nihosing,"Igierehini ojo,"Ongelese hadi nahaji ho ne a haji ho lomojere;ite ihwanata alohitwengere ho lahohwalak." ¹⁴ Lahingodok ho lahangurak ho nafwoniso niho ngete nitempulo,ngete ho nahitingidar sing. ¹⁵ Lofa natrli lahetomojok hula obolori ho lahegierok nareji huja ogoli ihon Yesu cebu itiyiri lemusak igworite nitempulo,"Osanna niho iha Davide,"olongojite fa sing bebe. ¹⁶ Ho najiman niho Yesu,"Itiyir iji nanyo hulati atianya?"Yesu ho nahitarang sing ojo,"Ee!Ibete ikianata ojo, "To hutuhe helemusak ho lemusak hula ho nahe obwon namojo na opit?" ¹⁷ Yesu ho nahidahiso sing ho naloten to ho nihang ho Betefani ho nageto da. ¹⁸ Tonahubanyi lofa nayitiniso ngete to ho nihang, onyasu fa nahure ngete.Ngete ho nsteliniso nangaboli niger hehoi.Ho nadahahino da,obu ngete ohorihi naturuhak. ¹⁹ Ngete ho najiman niho nakiani,"Ikie iji ibe ingi hari."Ene kiani ho nayohoji. ²⁰ Lofa natelini lolohejehi ho ngete,obayangi fa sing ho najiman,"Tatali nangaboli oyohojoyo?" ²¹ Yesu ho nahitarang ojo,"Ahiramahi ne ite natarihe,nemwon iji ho nahiruk na obolo ibe irisa,obu ce ji itum ihon nihanya ngaboli hama,dobu ijo ji nihale denge,'Ikie iji ohiyare niget ohipirehini nihari;otum ihoni. ²² Nareji fad huja ifiasu iji to namojo nyuo hati iruk,ihorihiji." ²³ Nofa nalotu Yesu nitempulo,lahetomojok ho laragang ho nafwoniso niho Yesu ngete itejiana ojo,"Tani golon iji igiama hunya reji?Ngai lohisiarahi iji anya golon?" ²⁴ Yesu ho nahitarang ojo,"Ikie cebu ne ahifi ite nahifi abito.Neramahisi te ne. ne ba cebu ahiramahi ite nagolon na egiamari ne hunya reji. ²⁵ Tai nabatisimo ho Yuwana olotu,to hide kode to twani?"Sing ho tianya hama ho najiman," ²⁶ Nahijo bejie 'To hide,ojo ba nihojie,'Nanyuo hati te ibe iruhoto ngete?"Nahijo cebu jie,'To tuani;ohimayang ijie lati,nyo otiala sing Yuwana ahiramahitani ho hiramita." ²⁷ Sing ho nahitarang Yesu ojo, "Obu jie ohijien."Yesu ho najiman nihosing,"Abe cebu ne ahiramahi ite ta ni golon ne igiama hunya reji. ²⁸ Nanyuo hati te igigilete?Obwon latwani ho labusak ho ngete harik.Ngete ho naloten nilokang ho najiman,'Iha ne,ilo igiama nimana baya.' ²⁹ Lonyi ho najiman,'abu ba ne alo,nihalu ngete honahigaiyir nohoi hongete ho naloten. ³⁰ Monye hosing naloten niho lonyi ho nahiramahiso inetianya abito. Loboi ho najiman ojo,'Alo be ne,' nyo hati obu olo. ³¹ Ali niho hule musak ligiam nahigiama na iramahi monye hosing?"Sing ho najiman,"Lolokang."Yesu ho najiman,"Ahiramahi ne ite natarihe,laheduduhak ho nahasomok iruyori hadi nihide nihatemeni ho Najyok ho bete iruyosi. ³² Olotu Yuwana nihote to nehoi nohopitan,nyo hati obute iruhoto ngete,laheduduhak ho mochoro ho nahasomok ho nahiruk niho ngete.Nomo netialatate anya idwong hefwosu hiwaha ojo ongida iruhoto niho ngete. ³⁴ Itiyirati nahanya noho ibwo nohorwong ho tianya.Obwon fa lobo latwani,latwani la obolo nafok ho ngete bebe.Inujahi fa ngete nakiana, ho nahitinyilany niger,ho nabwahan namaji na ijuhohitariti natorohak,ho nahifahahiso nolohitiesere,ho nahisiarahiso niho lahenujak ho kiana.Ngete ho naloten niho ibwo nahang. ³³ Lofa neliaha nahidediasu ho toruhak ho kiana,ngete ho lasulariso lahegiamak niho monye ho kiana nihiyenere naturohak ho ngete. ³⁵ Lahenujak ho kiana ho lahinef lahegiamak ho ngete ho nabehon abito,ifadari lobo,ho nahifad lobo. ³⁶ Elerok ho nasulahiso lahegiamak ho ngete hilihe olwaji ilany lahatiemok,lahenujak ho kiana ho nahigiem to ho nodu oberien. ³⁷ Monye ho fok ho nasulahiso lanyi nihosing,ojo,'Ohibayangi ba iha ne.' ³⁸ Lofa natelini Lahenujak ho kiana iha monye ho fok,sing ho natianya ojo,'Ngete ale la olunyohiso. Ifwosu,efadasi ngete ongida ijie ohilunyohi anya fok. ³⁹ Sing ho nahiyaru ngete ho nahipireriso to hotwa ho mana,ho nahifadariso ngete. ⁴⁰ Nofa nalotu monye ho mana,nanyuo fa ngete ihon niho ehule lahenujak ho kiana" ⁴¹ Sing ho najiman niho ngete,"Ifadaya ba ngete ehule ati na orohojaya,ho nahisarahiso ine mana ojure.Latihula otum odumi natoruhak nomo nadori. ⁴³ Inaha,ajo ne nihote,nahang ho Najyok iyare hadi nihote isieri niho ibwo nahang na oromo na mana. ⁴⁴ Latwani la ohuyarahino nihanya morwo ogila hadi many isarahi.Niho latwani la ohuyarehine,obwara." ⁴⁵ Nofa natiyiri lahamojok ho Farise nohorwongite hetenyita , sing ho najianan ojo otianya fa Yesu to sing. ⁴⁶ Otemi fa sing narwehiso nehes hosing niho ngete,obayangi fa sing lati,nyo itarahi fa lati ngete aheramahitani ho hiramita.