¹ Okialare nahing ene to ho hide ho monye ho fok, la olo tanahubanyi berien itaharu lati hula ofue higiama mana nangete. ² Nofa neruk ngete naduma lahegiama to dinara niholong abito,ngete ho nahirasulariso sing nimana ho ngete. ³ Ngete ho naloten nigolohita holong noho hutik ho nateliniso hilihi lahegiamak obotie nimaji na itenyangarite. ⁴ Ngete ho najiman,'Ifwasi nimana higiama,ahisiarahi ba ne ite nasinge na iwahatate.'Sing ho nafwoten higiama. ⁵ Nigolohita holong ile,monye ho mana ho naloten,hari nigolohita ho holong metongon ihon ngete tehine. ⁶ Ningolohita ho holong tomon habito olo ngete ho nahorihiso hilihe obotie. Ngete ho najiman nihosing,"Nanyuo te ibotiati naharus?'Sing ho najiman niho ngete,'Obe ba lobo latwana ohiyaru ijie nilohigiamari.' ⁷ Ngete ho jiman nihosing,Ifwasi higiama nimana.' ⁸ Lofa nara atari,monye ho mana ho najiman niho lahatialani ho ngete,'Tongeleu lahegiamak nidumahinere narobia hosing, ichaha to lohichungi ilotu niho lahatiemok.' ⁹ Lofa lofuoni lahigiamak hula ongeleni nagolohita ho holong tomon habito afwoni isiarahiso sing nadinar abito,abito,abito fad. ¹⁰ Lofa nafwoni lahegiamak hula ichahi ngeleniso afuoni,igigile fa sing ojo isieri ba nihosing olwaji,ati isieri nihosing nadinari abito abito sing fad. ¹¹ Nofa namojini sing narobia hosing,sing ho nanenengita niho monye ho mana. ¹² Ojimi sing,'Igiemi hula hilihe nangolohita ho holong abito ijie,iji idumahi sing huja okialare hojie,omeji nakwanite hojie nihigiamari dony nihiji ho holong na onok.' ¹³ Itarang monye ho mana niho abito twani tohiji ojo,"Morite,abe epalaya ibuo nasinge na orohojaya nihoji.Ibe dwo iji iruk niho nahigiama nimana ho to nadinar abito? ¹⁴ Tomoju nasinge na ora anohoji ilo niger.Ora awahan ho ne nihisiarahinere hula lahigiamak angeleno ne nilohichungi narobia ahuja okialare to ho nohoji. ¹⁵ Obe otirahi niho ne nihihwanari nasinge na awak ne ihwana nereji huja orahi anoho ne?Kuya orohoji nohonyek hoji to nangidari ho ne?" ¹⁶ Naha,ora hadi lolochifot ho twani alohichungi,lolochungi ho tuani olotu rahan alochifot ¹⁷ Lofa nadaha Yesu to Yerusalem,ngete ho nahiyaru ho lolohejehi ho ngete tomon ho harik,nihoi ngete ho najiman nihosing," ¹⁸ Ohidaha to Yerusalem,ofwe ba isiarahiso lato ho Najyok niho lahetomojok ho lahegierok. ¹⁹ Ongotohini hadi sing nayeyi niho ngete ho nahisiarahiso ngete niho paganoji ongida sing okeniterete,obehi ngete cebu ogurohini ngete.Niholong ho hutik ibuhu hadi toyeyi." ²⁰ Iyang ho lemusak ho Sebedee ho nalotiniso niho Yesu ho lemusak ho ngete.Ho narugungi nihatemeni ho Yesu ho nahifiasu ibwo nasinge niho ngete. ²¹ Yesu ho najiman niho ngete,"Nanyuo iji iwak?"Ngete ho najiman, "Isiarahi hule musak ho ngete itwenge,abito niteten hehene hoji abito nihajong hehene hoji nahang hoji." ²² Itarang Yesu ojo,"Obu ji ijien nanyo ji ifiasu.Hetum ite imatati to nehobo na amatari ne?"Sing ho najiman niho ngete,"Ohitum ijie." ²³ Ngete ho najiman niho sing"Nehobo ho ne tarihe hemataritite.Nyuo hati nihitwengere niteten hehene ho ne ho nihajong hehene ho ne obulora ne latum esiarahi,ora nehule oterehini to Monye ho ne." ²⁴ Lofa natiyiri lolohejihi ho ngete tomon anya hiram,obu fa sing okwame niho hilasira hosing harik. ²⁵ Yesu ho nageleniso sing niho ngete ojo,"Ijianatate ojo lati lahabolorok ho paganoji igegiale sing, cebu lati hosing hula owari sing obwoni ho nagolon nihosing. ²⁶ Ati ikie obu ora tanya ihoi niho te. ²⁷ Latwani la owak bolori tohiji hote ikie ora ahigiamani. ²⁸ Latwani la owak italino abito to hiji hote ikie ora ahigiamani hote.To obu iha Najyok olotu ojo ongida igiame niho ngete ati olotu ngete higiama,ho nihisiarahiso nahisu ho ngete ahetalahani ho lati hula olwaji." ²⁹ Lofa nadahi sing to ho Yeriko, nalohoi ho lati ho nahijifaru ngete. ³⁰ Sing ho nateliniso lahangodoni itwongo niger.Nofa nitiyiri lahangodok ojo olo Yesu hara niger hosing,sing ho nahi gworita ojo,"Lohobu,iha Davide,tomehine nihojie." ³¹ Lati hulo fa odahe ho Yesu ho nahireng sing ojo ikie ininge.Lohangodok ho nayo bebe ojo,"Hobu,iha Davide,tomehine nihojie." ³² Yesu ho nadeto ho najiman niho sing ojo,"Nanyuo te iwahata ne ehon nihote?" ³³ Ojimi sing niho ngete,"Hobu,ikie nohonyehite hojie ongase." ³⁴ Yesu ho namehino nihosing,ho natiron nohonyehite hosing. Sing ho natiala ho nahijifaru ngete.