¹ Lofa natuhohoi Yesu natianya hunya itenyita,ngete ho naloten to Galileya ho naloten to nikori ho Yudeya many ogalihi Nahari Jordano. ² Nalohoi ho lati ho nahijifaru ngete,ngete ho nahitingidara sing da. ³ Farise ho nafwoniso niho ngete,otiame ngete,ojo,"Ongida niho laleye nirohojiere ngore tebwo nahiram?" ⁴ Yesu ho nahitarang ojo,"Hobete ikianata ojo tolochifot,obieu ngete laleya ho nangorite? ⁵ Ngete ho najiman,'Tanya tianya idahi hadi laleye monye hongete ho hotenge ho nahitilahino ho ngore,sing ho nafuoniso nakwan abito? ⁶ Abu sing orahi harik,ati nakwan abito.Inaha,nasinge na edilahi Najyok,ikie lobo latwani obe itasaraya." ⁷ Sing ho najiman niho ngete,"Nanyuo hati Muse ihiramahi ojo ongida ijie ohisiarahi newaraga noho jaha ho narohoriso ngete niger?" ⁸ Yesu ho najiman nihosing,"Tanagolon ho tajio hote iruk Muse ite irohoritati nangorwo hote nyo hati to lochifot obu fa ora to hoja. ⁹ Ahiramahi ne ite,latwani la ojak ngore mayak to nahiram hosomon oyemu ibwo,abwon ngete ho nepal.Ce bu latwani la oyem nangorite na ojahi,obwon he nepal." ¹⁰ Lolohejehe ho nafwoniso niho Yesu,"Nara ngete na nahiram nileye hongore,obu ongida latwani oyama." ¹¹ Yesu ho najiman nihosing,"Obu lati fad mayak anya hite jiana,nyo hati hula isieri iruhi. ¹² Obwoni laliawa hula itwenge atamoti many to hotuasi ho hotenge.Obwoni laliawa hula ogeleti atamoti to lati.Obwoni laliawa hula isieri nakwanite hosing atamoti to nahiram ho hang no ho nihide. Latwani la ofwotu anya hitejiana,ikie ngete ifwotu." ¹³ Iyene fa ilihe lemusak ho mutari niho ngete ojo ongida ngete omojohi to narwehiso hehes nihosing, lolohijehi ho nahireng sing. ¹⁴ Yesu ho najiman,"Idahisi lemusak hula homutari,heriamariti sing nifuonere niho ne,ora nahide ano hosing." ¹⁵ Ngete ho naruehiso nehes hongete nihosing,ho naloten tiye. ¹⁶ Lobo latwani ho nalotiniso niho Yesu najiman,"Lahetejianani,ana singe na hatum ihon na ongida nibwanare nahisu na osio jek?" ¹⁷ Yesu ho najiman niho ngete,"Nanyuo ji ifiasu ne nasinge na ongida?Nasinge abito longida,nomo nebwon iji ho nahisu na osio jek,to tuna nechihita ho Najyok." ¹⁸ Ile twani ho najiman niho Yesu,"Ahuni hichihita?"Yesu ho najiman,"He fadaya,hegetere nguru tuani,hehoholiso,hetianya to nagesimi nilongotere ho hiramita, ¹⁹ itokwate iyang hoji ho monye hoji,to kwame lati hula imanye niger hoji to ho ikwamari ji nakwan hoji." ²⁰ Ile twani ho najiman,"Huja reji fad eruk ne.Nanyuo ne ha wak hari?" ²¹ Yesu ho najiman niho ngete,"Newak ji itipitan,ilo itenyangeye nabarita hoji fad,ho nahisiarahiso niho lahaparitak,ohorihi hadi ji niparita nihide. Iji ho naloteniso hijifito ne." ²² Nofa neteyir ele twani natianya ho Yesu,ngete ho naloten tiyer na ilongojita to nabwanan ho ngete ahaparini. ²³ Yesu ho najiman niho lolohejehi ho ngete,"Ajo ne nihote,ogol niho lahabarani nihiruyojiere nihide. ²⁴ Ahiramahi ne ite hari,onyiha niho nasingira nihiruyojiere hara nalibira ilany lahabarani nahiruyoriso niho Najyok nihide." ²⁵ Lofa netiyiri lolohejehi,obayangi fa sing ho najiman,"Ngai hati hadi italahini?" ²⁶ Yesu ho natiala nihosing ho najiman,"Niho lati ogol anya tianya nyo hati niho Najyok onyali nareji fad." ²⁷ Petur ho nahitarang ngete ojo,"Totiala,ahidahijie nareji fad ho nahijifito iji.Ohibwon hati beje ho nanyuo?" ²⁹ Lati fad hula idahini nahai,hilasira,hotienge,lemusa kuya nafok to nafure ho ne,ohorihini hadi sing namia abito cebu olunyohini nahisu na osio jik. ³⁰ Nyuo hati,lati hula orahi alochifot ofwoni hadi rahan alohichungi,lati hula orahi alohichungi ofwoni hadi rahan alochifot.