¹ Nihene holong lolohejehi ho nafwoniso niho Yesu ho najiman,"Ngai lobolo nihaji ho Najyok?" ² Yesu ho nangeleniso lahito lahobuta,ho nahitobwojihiso ngete nihiji hosing ³ ho najiman,"Tarihe ajo ne nihote,mayak newahisi ifuosu to ho lemusak hula ho mutari,obu hadite iruhisi nihang ho Najyok. ⁴ Latwani la inyak nakwan ho ngete to ho ale hito,obolo hadi ngete nihaji ho Najyok nihide. ⁵ Cebu latwani la ifwotu lahito la ho muta to nafure ho ne ahifwotu ne. ⁶ Nyuo hati latuani la isiarahi lobo liho hule musak hula iruhi niho ne ipalari,otum otwarahini namorwo nahitwahajik nimurut hongete ho nahipirehiso nihotwa ho hari. ⁷ Ikie narohoji obwon nihote niho noholongi ho hohititihito!Ongida nihoholong ofwoni,nyuo hati ikie narohoji obwon niho latuani lofwoninerete huja holongi! ⁸ Nahiyaru iji nehene kuya neheju nepalita,tonguteye ho nahipirehiso niger.Ongida nihoji nihiruhunere nihisu na inguto ilany nakwan hoji nahipirehiso nahima na osio jik ho nehes fad kuya ho nehejiaha. ¹⁰ Totialati ikie lobo nihote obu inywara lobo niho hula musak.Ahiramahi ne nihote ojo nihide Anjeloji hosing otelite hadi no ho momite ho monye ho ne nihide. ¹¹ Olotu lahito ho Najyok italahiniso la olitaya. ¹² Nanyuo te igigilete? l-Labwon lobo latwani ho nihoriang namiya abito,nyo hati abito oletiya,habe ngete idahi nihejek matongon ho metongon ho nataharu ene abito ihoriang olitaya? ¹³ Nomo nahorihi ngete,tarihe ahiramahi ne ite ojo,ele twani okwama bebe tene ihoriang abito ilany nihejek metongon-ho metongon. ¹⁴ Obu lora nawahan ho Monye hote la obwon nihide ojo,ongida lobo liho hule musak humutara oyeyi ¹⁵ Lomo nepalaya hilasi hoji nihoji,ilo,itelihi ngete nepal ho ngete ite harik.Nitiyira ngete nihoji,elanyu ji hilasi hoji. ¹⁶ Nomo nedaya ngete nahitiyira,iyare ngete niho lobo haleteni hoji ongida tonahutuhe ho lati harik,netenyata otum ikekeyine. ¹⁸ Ahiramahi ne ite,nasinge na ituarahiji inyi nifok otwarahino hadi to hide.Nasinge na ilahahiji tinyi to fok olahahino hadi to hide. ¹⁹ Ahiramahi ne ite ojo,nomo neruhohinete harabito tinyi to fok,ihoni hadi cebu Monye ho ne nihosing nihide. ²⁰ Nomo natube lati harik kuya hutik harabito,abwon ne nihiji hosing." ²¹ Tinya,Petur nalotiniso niho Yesu ho najiman,"Lohobu,baya nenyahita hilasi ho ne hatum ipalaya niho ne,one ibalahi ngete?Nenyahita "metaharik? ²² Yesu ho najiman niho ngete,"Abu ne ahiramahi ji nenyahita metaharik,ati nenyahit nihejek metaharik ho nedahita metaharik. ²³ Inaha,nahang ho nihide okialare toho lobo lohobu la ifurasu niho lahegiamak ho ngete hula obwoni honamongijok . ²⁴ Nomo nechaha ngete ifurasu,honahiyeno niho ngete lobo lahigiamani ho ngete la obwon honamongijo nalif tomon. ²⁵ Tonabiangan hehoi nihongete nidumari,lohobu ho nahiramahiso ojo ongida itenyangari ngete ho ngoroi̱ho nemusak ho nareji ngete fad odumariti huja mongijok. ²⁶ Lahegiamani ho ngete ho nahuyari nifok, ho narugungi ho najiman,"Lolohituahaji,tobuqni ho nariajan niho ne,adum ba ne nahudumeji fad.' ²⁷ Lolohitwahaji hele lahigiamani ho nabwanan ho namehino,ho nalahahiso ngete ho nahipalahiso namongijok. ²⁸ Ile lahagiamani ho naloten niger ho nahorihiso lobo latwani la ohuroro niho ngete narobia namiya obito.Ngete ho nahinef namurut helerok to ho najiman,'Toduma narobia ho ne hunofa ihuroro ji.' ²⁹ Tomehine niho ne,adum ba ne narobia hoji.' ³⁰ Obu haleteni ho ngete iruk.Ho nahiyaru halteni ho ngete nilotwarari many odum ile abito twani narobia huja ohuru ngete. ³¹ Nofa natelini haletok nasinge na ihon haleteni hosing,ilongojite fa bebe.Ho nafwoniso hiramahiso niho olohituahaji hosing nareji fad huja idwongi. ³² Lolohitwahaji hele lolohejek ho nangeleniso ngete,ho najiman, 'Iji ale lahemomwalani,ebalahi ne namongijok fad to nahilelia hoji niho ne. ³³ Hebedwoji ibwon ho namehino niho haleteni hoji,to ho nofa amehinere ne niho ji? ³⁴ Ilongojita fa lolohitwahaji bebe ho nahisiarahiso ngete obehi many odum narobia fad huja ohuroro ngete. ³⁵ Ihon hadi ce bu Monye hone nihote to ho na,nebete ilahahisi hilasira hote.