¹ Laharisak ho Sadducee ho nafwoniso itiama Yesu ojo ongida Yesu iramahi nasinge na itelehi no hide. ² Yesu ho nahirang sing ojo,"Nomo nara atari,ite ijimata oyak nafok,odo nahide, ³ Nomo nara tonahubanyi ite ijimata, idis nafok baya, imuhoyo nedis nahide.' Ijianatate nahiramahita nakodikodi ho hide nyo hati habute iramahisi nakodikodi ho holong. ⁴ Laharohojani ho lahagetereni ho ngorwo ho lati otahito nahitetelihita, nyuo hati isieri hadi nihosing nahitetelehiso nofa isieri niho Yona. "Yesu ho nahidahiso sing ho naloten niger. ⁵ Lolojehi ho nafwoniso niho angati to do, nyuo hati aluluere sing hiyaru ho nangirang. ⁶ Yesu ho najiman nihosing, "Tobwanata angida ce bu igoloto nabula ho Farise ho Sadducee. " ⁷ Lolohejehi ho nahigigilo nihiji hosing ho najiman, "To nabiangan hojie iyieno nangirang. " ⁸ Ajien fa Yesu negigilita hosing ho najiman, "Ite hula omuta nahiruk, nanyuo ite igigilete nihiji hote ojo nabiangan hote iyaru nangirang? ⁹ Ibete ihuyasu huno fa nabuneji miyet niho lati nalif miyet, obaya fa nangerieji huja ifuti? ¹⁰ kuya nebuneji metaharik niho lati nalif ongon, baya fa nangerieji huja ifuti? ¹¹ Tatalite ibe ijianata ojo atianya ne nihote to nahiram ho ngirang?Tobwanata angida ce bu itialati nabula ho laharisak ho Saddusee." ¹² Sing ho najienan ojo obu ngete otianya nihosing ojo ongida sing ohitiala nabula he bune,ati ongida ijie ohigol nahitejiana ho laharisak ce bu Sadduse. ¹³ Nofa nalotu Yesu to ho nengati ho Kaesarea Filippi, ifi ngete lolojehi ho ngete ojo, "Ijimatate ngai iha Lalaye? ¹⁴ Ojimi sing," Ilihe ojimi Yuwana Batista;hilehe, Elija, hilihe ojimi, Yeremia laheramahitani ho hiramita. " ¹⁵ Ngete ho najiman nihosing, "Ijimata hati te ngai ne? ¹⁶ Petur ho najiman nahitarang ojo, "Iji Kristo, iha Najyok." ¹⁷ Yesu ho najiman niho ngete, "Ikie najwaha obwon nihoji, Simone Iha Yuwana, ibu nakwan ho nohoto liramahini nihoji, ati Monye ho ne la obwon nihide. ¹⁸ Ajo ce bu ne nihoji, iji Petur, nihanya morwo efahahi hadi ne nakelesia ho ne ¹⁹ Esiarahi hadi ne nihoji nengata ho nihide. Nasinge na etwarahi tinyi to fok otwarahino hadi to hide, nasinge na ilahahiji tinyi to fok olahahino hadi nihide. " ²⁰ Yesu ho nahiramahiso lolohejehi ojo ongida obe iramahini lobo latwani ojo ngete Kristo. ²¹ Nihe ne holong Yesu ho nahichak iramahite lolohejehi hongete ojo ongida ngete alo to ho Yerusalem, ipadati to nareji huja olwaji nehes ho lolohitwaha ho lolohitwahi ho padiri ho lahegierok, ohifadari, cebu ohitubuhuni to yeyi nihisu niholong ho hutik. ²² Tinya Petur ho nahiyaru ngete niger ho nahireng ngete, ojo, "Ikie anya oloma nihoji; Ikie anya obu idwong nihoji." ²³ Nyuo hati Yesu ho nangolo ho najiman niho Petur," Toyiteye nihalu ho ne, Lahesuswani! Itwongo ji ahetitihiteni niho ne, obu ji igigilo to nareji ho Najyok, nyuo hati to nareji ho lati. ²⁴ Yesu ho najiman niho lolohejehi ho ngete, "Lawak lobo ijifito ne, ikie ngete ibalahi nakwan ho ngete, ho natingoro nahite na ikwala ho nahijifito ne. ²⁵ Latwani la owak ituna nahisu ho ngete ongotihi hadi, latwani la ibalahi nahisu ho ngete to ne,ohorihi hadi. ²⁶ Ani ngidari latwani ohorihi nomo nabwon ngete ho nareji ho nifok fad nyuo hati ipalaya nahisu ho ngete? ²⁷ Olotu hadi Iha Latwani to nakwatan ho Monye ho anjeloji ho ngete. Odum hadi ngete lati to nahigemita ho sing. ²⁸ Ahiramahi ne ite natarihe, obwoni lati helihe hula obotie inyi,hula obu hadi imangi niyeyi many oteli nalotiniso heha Najyok nihoji ho ngete."