¹ Tahanya lofa Yesu naringaya, ngete honatialan lobo latuani la osini la ongodo. ² Nolohejehi hongete hona hifi ngete, ''Lahetejianani hojie, ngai itorohoj, ale twani kuya Monyie hobeyiang hongete, ojo ngida oisini ngete la ongodo?'' ³ Yesu hona hitarang, obu ale twani kuya bomonye hobohotenge ipalari, hatii ongida nahigiama hojyok oleyo nihongete. ⁴ Ongida ijie ohigiama nahigiama hongete lo fa ohisulu ne many nohobayia. Alotiniso hanaharie ngete ohorihi lobo nabe igiama. ⁵ Habwon iji nifok, ne nafangan, hotodo.'' ⁶ Nihalu nofa Yesu natianya hunya hiramita, ngete hona mita nitodo homodie, ngete hona hinutuniso namodie hohamilak, hina juahan nohonyehite holangodoni tene modie. ⁷ Ngete hona jiman nihongete, "Ilo, tinyi niger to Siloam(na ojo 'orohori')." Tiye ele twani ho naloten niger,honahilalariso,hona yitiniso fa hari, la akeny. ⁸ Tiye lahanyihajak mo ho ele tuani hohulomo ateli ngete berien atuani lomomojito ajimi jiman, "Obu ngete ale lomo tuani ituongito omomojito cebu?" ⁹ Hilihe honajiman, "Ngete laa." Hilihe ajimi, "Obu, nyuo hatii ora tohongete." Hatii ojo fa ngete, "Ne alee." ¹⁰ Sing ho najiman nihongete, "Toda tatali fa nohonyiehite hoji ongase?" ¹¹ Ngete ho na hitarang, "Latwani la ongele Yesu lobieu namodie ho naferetehiso nihonyehite ho ne ce bu ho najiman niho ne, 'Ilo ilalase Siloame.' Ne honahinyahiniso nakianyan.'' ¹² Sing hona jiman niho ngete, ''Aji ngete?'' Ngete hona higamahiso, ''Abu ne ajien.'' ¹³ Sing hona hiyieno ele twani lomo lahangodoni niho habolorok ho Iarail. ¹⁴ Tahanya ora fa noholong hodomika ngete noholong nofa inutari Yesu namodie hona ngasere nohonyehite hongete. ¹⁵ Tinya laharisak ho Isarayile hari ho nahifiasu ngete tatali fa ngete efwotu nakianyan. Ngete ho najiman niho sing, ''Ngete ho nahihwanahiso namodie nihonyiehite ho ne, ne ho nahifufus, atiala ne tahanya.'' ¹⁶ Laharisak ho Isarayile hona jiman, ''Obu lamonye ale olotu tojyok nyuo obu ojien tuna noholong howiri(Dominika).'' Hilihe hona jiman, ''Tatali latuani la ora ahepalani otum ihon nakodi hona hiram?'' Tiye abwon fa nahuara nihosing. ¹⁷ Tiye sing hona hifi lahangodi hari, ''Tatali iji ijo nahiram hongete nyuo anga ngete nohonyehite hoji?'' Lahangodoni hona jiman, ''Ora ngete aprofeta.'' ¹⁸ Tahanya hobu falati ho Yahud iruhi tongete lafa angodo ho nahifwotiniso nakianyan many fa ongeleni sing monye hobeyiang hongete hula/huja omojini nafangan hongete. ¹⁹ Sing ho nahifi Monye ho hotenge, ''Ngete ale lahito hote lofa ijimatate oisini la ongodo? ''Tatali hati tinya ngete otiala?'' ²⁰ Tiye Monye ho hotenge ho nahitarangaso sing, ''Ohijien ijie ojo lahito hojie ale oyisini fa longodo. ²¹ Kuya tatali tahanya ngete otiala, obu ijie ohijien, ce bu ngai longa nohonyiehite hongete, obu ijie ohijien. Ifiata ngete. obolo ngete. Otum ngete otianya tonakwan hongete.'' ²² Monye heyang hongete lotianye hunya hiramita, nyuo obayangi fa sing lati ho Yahud. Toho niho lati ho Yahud eruhohini sing ojo neruk lobo ojo ora Yesu a kristo, ongida oduhari ngete niger to lomojere. ²³ Tananyuo to anya, Monye heyang hongete ho najiman, ''Abolo ngete. Ifia ngete.'' ²⁴ Tiye nohonenyiahita noharik sing hona ngialan ele tuani lofa la ngodoni hona jiman niho ngete, ''Isiarahi nakwatan niho Najyok. Ohijien ijie ojo ele tuani ora ahepalani.'' ²⁵ Tiye ele twani ho nahitagaminiso, Kuya ara ngete ahepalani, abu ne ajien. Nasinge abito na ijien ne: Harabito lofa ne hangodo, hoce bu tahanya atiala ne.'' ²⁶ Tiye sing hona jiman niho sing, ''Nanyu fa ngete igem nihote? Tatali fa ngete onga nohonyiehite hote?'' ²⁷ Ngete hona hitarangahiso, ''ahiramahi ne ite many berien, hoce bu obu ite itiyirati! ²⁸ Nanyuo te iwahata itiyira ngete harii? obu ite iwahata ifoniso alohejehi hongete ce bu, ite? Sing hona liteny niho ngete hona jiman, ''Ireji alohejik hongete, hatii ijie ohira alohejehi ho Musa. ²⁹ Ohijien ijie ojo ateny fa Najyok niho Muse, hatii tohoniho ale tuani, obu ijie ohijien tai ngete olotu.'' ²⁸ Sing ho nakenitere ngete ho najiman,"Ireji a lohejek hongete,nyuo hati ijie ohira ijie alohejehi ho Muse. ²⁹ Ohijien ijie ojo eteny Najyok niho Muse,nyuo hati niho ale twani, obu jie ohijien tai ngete olotu." ³⁰ Ele twani ho nahitarang ho najiman niho sing, ''Nanyuo, ora anya ahitehiso hosinge, ojo obu ite ijianata tai ngete olotu, nyuo hati anga ngete nohonyie hite ho ne. ³¹ Ohijien ijie ojo obu Najyok itiyira niho lahepalak, hnyuo hati nara lobo latwani ahamojoni ho Najyok cebu igiamari nawahan ho Najyok, itiyira Najyok nihongete. ³² Many tolochifot ho fok hobe fa itiyiri ojo anga lobo latwani nohonyehite ho twani la oyisini alongodo. ³³ Nabu ale twani olotu niho Najyok, habu dwongete ihon ibwo nasinge.'' ³⁴ Sing ho nahitarang ho najiman nihongete, ''Ohiyisini fa ite fad harabito nepalita, cebu tahanya etejiana iji ijie?'' Tiye sing ho narohoriso ngete tiye to haji ho lomojere. ³⁵ Yesu ho nahitiyiriniso ojo ahidayari sing ngete to to lomojere. Ngete ho nahorihiso ngete ho najiman, ''Iruk iji niho Iha Najyok?'' ³⁶ Ngete ho nahigaminiso ho na jiman, ''Ngai ngete, Lohobu, la otum ne eruk niho ngete?'' ³⁷ Yesu ho najiman niho ngete, '' Etelu iji ngete, ngete la itianyati hoji ngete.'' ³⁸ Ele twani ho najiman, Lohobu, eruk ne.'' Tiye ngete ho namojo ngete. ³⁹ Yesu ho najiman, ''To nangotere alotu ne niho anya fok ojo ongida ehule obu oteli ongida oteli cebu ojo ehule okenyi otum ongode.'' ⁴⁰ Hilihe lati ho Fatise obwoni hongete ho nahitiyiriniso hunya hiramita ho nahifi ngete, 'Ohingodo cebu jie?'' ⁴¹ Yesu ho najiman nihosing, ''Harado ingodetete, habu dwo te ibwanata ho nepalita.Nyuo hati, tahanya ejimatate, ''Ohikeny ijie,' nyuo hati nepalita hote iwasihini.