¹ Tarihe, tarihe, ajo ne nihote, ngete la obe iruhi hara nilokoli hehoriangi, nyuo hhatii odok hara nichel, ora ele twani ahahohohwalani ce bu aharujutoni. ² Ngete la iruhi hara nilokoli ngete lahejwahani ho ehoriangi. ³ Niho ngete ongasu lahetieseni hekat. Itiyira hehoriang namurut hongete, hoce bu ongele nehoriangi hongete to nafureto ce bu iyaru sing niger. ⁴ Nofa neyieno ngete nohongete, ho naloten many berien,nehoriangi ho nahijifito ngete, to najianan ho sing namurut hongete. ⁵ Habu sing otum ijifi latwani lobo hama nyuo hatii idayari ngete, to nabiangan hosing ojianan namuruto ho lati hula obwoni hama.'' ⁶ Otianya Yesu anya horwong ho tianya nihosing,nyuo hati obu fa sing ojieni nanyuo hunya reji lotianya ngete nihosing. ⁷ Tiye Yesu ho najiman nihosing ahari, ''Tarihe, tarihe, ajo ne nihote, ne ale nekat hehoriangi. ⁸ Niho hulo fa fad ofwoni many berien niho ne orahi ahahohwalak cebu aharujutok, nyuo hati nehoriangi obu itiyere nihosing. ⁹ Ne alee nolokoli. Neruhi lobo hara niho ne, italahino ba ngete; olo ba ngete nihotwa cebu oyitu niger many olohorihiso nanyiasu. ¹⁰ Obu lahohwalani olotu mayak tanahoholiso, nohohifadarisk, cebu nahitorohojariso. Alotu ne ongida sing obuniterete ho nahisu obolo bebe . ¹¹ Ara ne ahejwahani hehoriangi la ongida. Lahejwahani la ongida isiarahi nahisu hongete niho nehoriangi. ¹² Ngete lahegiamani la inyangini, la obu ora ahejwahani, la obu otun nehoriangi, natel nolowoho olotu ho nachwarahiso nehoriangi ho nahiluny. Nolowoho ho na tingon sing ho nahitasarihiso sing. ¹³ Ngete ho nahinam niger tananyuo ora ngete lahegiamani la inyangini ce bu otiala nihalu hehoriangi. ¹⁴ Ne ale lahangidari hohijuahak, cebu ajien ne noho ne, lohone ce bu ojien ne. ¹⁵ Ojien Lamonyie ne, ce bu ajien ne Lamonyie, hoce etahine namanya hone niho nehoriangi. ¹⁶ Abwonitere ne hinihe nehoriangi huja obu obwoni niho anya pore. Ehwe, cebu, many eyeno ne, cebu ityiri ba namurut hone ojo obwon ba napore hole jwahani abito. ¹⁷ Ngete anya lohikwamari ne Lamonye: Etingirehi ne namanya hone na obe bune eyaru ngete harii. ¹⁸ Obu lobo iyaru ngete tinyi hone, hatii itingirune ngete tona kwan hone, ce bu abwon ho nahifirang ho itingirinere ngete, ce bu abwon hona hifirang nohiyiajiere ngete harii. Efwotu ne anya icihit niho Monye ho ne. ¹⁹ Abwon nahuara hokwanite nihiji ho lati ho Jews nyuo tohunya hiramita. ²⁰ Nalohoi hosing hona jiman, "Obwon ngete honolohailong na ibot ce bu na imomwala. Nanyuo iji itiyira niho ngete?" ²¹ Hilihe hona jiman, "Obu netenyita ho twani huja la obwonitere nehoihiha huja iboti. Hatum laharojiani onga nohonyiehite holangodoni? ²² Tiye alotu neyiom nofa owira jierete noholongi hutik Yerusalem. ²³ Ora fa to na hameu, hoce bu odaha fa Yesu Nitempulo hohou hohaji ho Solamone. ²⁴ Tiye lati ho Yahud ho nakudan ngete cebu ho najiman nihongete, "Many hanubeji idaya ijie? Nara iji Kristo, iramahi ijie na olwa." ²⁵ Yesu ho nahigamahiso nihosing, "Ahiramahi fane ite, hatii obu ite iruhoto. Nahibiama na egiama ne nifure homonye hone, itelehini hunya tone. ²⁶ Nyuo hati ite ebe iruhito tonabiangan hote narahan ehoriangi ho ne. ²⁷ Itiyire Nehoriangi hone namurut hone; ajien ne sing. ²⁸ Esiarahi niho sing nahisu na osio jik; obu babu oyeyi, ce bu obe lobo orujoro sing tehene hone. ²⁹ Monye ho ne, la esiarahi sing niho ne, la ilany lati fad, cebu obe lobo otum ipihu sing tehene ho Najyok. ³⁰ Ne ojo Monye ho ne ohira ijie abito ." ³¹ Lati ho Jews ho nahibung namori harii nohohifada ngete. ³² Yesu ho nahitarangahiso sing, ''Ahitelehine ite nalohoi henegemita huja ongidari loho lamonye. Toho niho ehwe higemita ifadati cebu ite?" ³³ Lati ho Yahud hona hitaragahiso ngete, "Obu ijie ohifada iji to nahigiama na ongida, nyuo hati to narohoji , nyuo iji, laleye,la ihon nakwan hoji Najyok." ³⁴ Yesu hona hitangahiso sing, "Obu igierehino niho nabuk necihit, 'Ajo ne, "Ite lebwanak"'?" ³⁵ Narahatii ngete longele sing ojo nebwanak, niho ngai nautuk ho Najyok olotu(Habu nahiramita ho buk otum ongili), ³⁶ Itianyatite ngete laja fa onyumu Najyok ce bu osulu inyi nifok, 'Irahatate aharohojiak; nyuo ajo fane, ' ara ne ahito ho Najyok'? ³⁷ Nabune egiama nahigemita homonye hone, heruhoto ne. ³⁸ Nyuo hati, nehwana ne sing, adobu obu ite iruhoto ne, iruhoto nahigiama ongida ite ijianata hoce bu ijianata angida ojo obwon Lamonye nihone hoce ojo abwon ne niho Lamonye.'' ³⁹ Sing hona tiaman harii hipwoloriso Yesu tona hifirang, hati ngete hona loten tehes hosing. ⁴⁰ Yesu ho naloten hari olang Jordan niho namaji lo fa ijuherete Yuwane berien, ngete hona hitwongo da. ⁴¹ Nalohoi holati hona foniso niho Yesu. Iwasihini tianya, ''Obu fa bu Yuwane oleyo, hatii nahiramita fad huja fa ojo Yoana to ale twani otirahini.'' ⁴² Nalohoi ho lati ho nahiruk Yesu to da.