¹ Ce bu nihalu ho hunya reji Yesu ho na wahan loten toho Galileyo, toho niho ngete obufa owak loten toho Judeya nyuo lati ho Jews ehuhumahine nohifadariso ngete. ² Tinyia neyom holati ho Yahud, nekwamari hohayi, anyiha fa. ³ Hilasira hongete toda ho najiman niho ngete, "Irwatahi anya maji iji ilo toho Yudeya, ongida nolohejehi hoji ce bu oteli nasinge huja ihwana ji. ⁴ Obe lobo ihon ibwo nasinge hama nahorihi ngete to nakwan hongete ongida ojien na olwa. Nehon iji hunya reji, itelehi nakwan hoji nifok.'' ⁵ Hati ce bu hilasira hongete obu fa bu iruhi niho ngete. ⁶ Yesu toda hona jiman niho sing, ''Hobe noholong ho ne olotu, hati noholong hote otero noholongi fad. ⁷ Obu nafok oswa nihote, nyuo hati oswa niho ne berien ateline tongete ojo orahi nahigemita ongete ahuja iboti. ⁸ Ifwasi many niyiom; Obu ne alo niho anya iyom nyuo hobe noholong hone otumohino.'' ⁹ Nihalu lofa nateny ngete hunyya hiramita nihosing, ngete ho na hitwongo Galileya. ¹⁰ Hatii ce tangati, nihalu olofa naringari hilasira hongete niyom, tiye ngete ce bu hona loten nihide, obu tonehiji omiji hatii tona yulariso. ¹¹ Lati ho Jews hona tahito fa ngete nihene iyom hona jiman, ''Aji ngete?'' ¹² Obolo fa nafurasu niho nalohoi holati tonahiram hongete. Ilihe ojimi, ''Ngete latuani la ongida.'' Hilihe ojimi, ''Obu, inyiamito nalohoi holati tebwo nehoi hama.'' ¹³ Nyuo hati obe lobo oteny la oleyo to nahiram hongete nabayangi holati ho Yahud. ¹⁴ Nofa neyom nasuk tona tuhohino, Yesu hona loten Nitempol hona hiciak hitejiana. ¹⁵ Lati ho Jews fa hona bayangahiso hona jiman, ''Tatali otum namonye ale ojien bebe? Obe fa bu iken.'' ¹⁶ Yesu hona hitarangahiso sing hona jiman, ''Nahitejiena hone obu no hone, hatii noho ngete lofa ohibatu ne. ¹⁷ Kuya lawak lobo ihwana naja na ongete ene, many ojien ngete anya hitejiana, kuya olotu niho Najyok kuya na atianya ne tonakwan hone. ¹⁸ Latuani la otenyito tokwan hongete otahito nakwatan hongete, toho laja otahito nakwatan hongete lofa osulu ngete, otirahi ele tuani, ce bu obe hone palita niho ngete. ¹⁹ Obu fa Muse ohisiarahi ite nicihita? Hati obe lobo hote igiamari necihita. Nanyuo ite iwahata hifadariso ne?'' ²⁰ Nalohoi homimji hona hitaranginiso, ''Ibwon iji ho najohi. Ngai lo wak ifadariso iji?'' ²¹ Yesu ho nahitarangahiso hona jiman niho sing, ''Egem ne nasing abito, hoce bu ite ibayangahisi tongete. ²² Esiarahi fa Musa ite nanguto hohutuk hokwan(obu ojo ngete niho Muse, hatii niho fafaiyirok), ce bu todomika ite engutoto laleye. ²³ Ahatii nefwotu laleye nanguto howuru hongete todomika ojo ongida necihita ho Musa obu ogile, nanyu nahilongojita hoji hone nyuo ehuhumahi fa ne laleye ongida tur todominika? ²⁴ Hebe igen ce tona leyeji, hatii tongoto tona tirahiso.'' ²⁵ Hilihe nihosing to Jerusalem hona jiman, ''Obu ngete ale la ojimi ohitahito sing nohefariso? ²⁶ Ce bu totiala, otianya ngete la olwa, hoce bu obu sing ojimi obwo nasinge niho ngete. Habu otum ojo lahabolorok hati lojieni ojo ngete ale Kristo, hatum ngete? ²⁷ Ohijien jie tai ale tuani olotu. Lofa nalotu Kristo, hatii ce bu, obe lobo ojien tai ngete olotu.'' ²⁸ Oyio fa Yesu ni tempol, itejiana ce bu jiman, ''Ite fa ijianata ne ho namaji na alotinere ne. Obu ne lalotu tona kwan hone, hatii ngete la ohisulu ne fa tarihe, hoce bu obu ite ijianata ngete. ²⁹ Ajien ne ngete tananyuo alotu ne toda hongete hoce bu ngete fa lohisulu ne.'' ³⁰ Sing fa hona tiaman tuaran ngete, hatii obe lobo otirehi nehe nihongete nyuo hobe bu noholong hongete olotu. ³¹ Nyuo hati, nalohoi hula ifure iruhi nihongete. Sing ho najiman, ''toho lomo nalotu Kristo, hatum ngete ihon nareji huja oleyeji bebe ilany anya ihon ale twani?'' ³² Lati ho Farise honetiyiriniso nalohoi holati omwange hunya hiramita to Yesu, ce bu lohobwok holapadiri hona sulahiso lahegiamak ongida otorine ngete. ³³ Yesu tiye hona jiman, ''Hatii to ho ne habwo ne kai hote, ce bu tiye ba nalone niho ngete lofa ohisulu ne. ³⁴ Itahata bete ne obu hatii ihorihisi ne; namaji na alojiere ne, obu ite itumata ifosu.'' ³⁵ Lati ho Yahud toda hatii hona jiman nikwanite hosing, ''Hatum namonye ale olo aji tohojo ngete ojo obu babu ijie ohitum ohorihi ngete? Oloba ngete niho Lati ho Yahud hula fad hula tehiji ho Grik hona hitejiana sing Grik? ³⁶ Ani hiram anya fa ngete oteny ojo, 'Itahata bete ne hatii obu ihorihisi ne; namaji na alojiere ne, obu babu ite itumata ifwosu'?'' ³⁷ Tinyia nohicungi hoholong, niholong ho eyom ho Isarail nobolo bebe, Yesu ho na botia hona iyio, jiman, ''Kuya nanyia nahifiriyong lobo, ikie ngete olotu niho ne ongida omat. ³⁸ Ngete la iruk niho ne, toho otianyari Nabuk, tinyi hongete itihite ba haria huja isujii.'' ⁴⁰ Nalohoi holati hilihe, nofa netiyiri hunya hiramita, jiman, ''Ngete ale tur lahayenitani hohiramita.'' ⁴¹ Hilihe ajimi, ''Ngete ale Kristo.'' Hatii hilihe ajimi, ''Nanyuo, Kristo halotu to Galileya? ⁴² Obu nabuk jiman ojo olotu ba Kristo tomaji ho Davide hoto Bethleheme, nihang lalokude na obwonitere fa Davide?'' ⁴³ Tiye abwon fa napiaha nihiji homiji nyuo tongete. ⁴⁴ Hatum hilihe otori fangete, hatii obe lobo otirehi nehene hongete niho ngete. ⁴⁵ Ngete fana lahegiamak hona yitiniso niho lohobu ho Padiri holabolorok ho Isarail, ngalojo nihosing, ''Nanyuo ite obe iyienete ngete?'' ⁴⁶ Lahegiamak hona hitarangahiso, ''Obe lobo otenyu toho anya berien.'' ⁴⁷ Lahabolorok ho Isarayile toda hona hitarang sing, ''Ahinyiamare fa ite ce bu tenehoi noroho? ⁴⁸ Eruk lobo niho lahabolorok niho ngete, kuya lobo hohobwok ho Isarail? ⁴⁹ Nyuo hati hule hilahaji obu ojieni nechihita epitari sing.'' ⁵⁰ Nikodemu hona jiman niho sing(ngete lofa olotu niho Yesu berien, kuya ora ahobu ho Isarail), ''Igiamari necihit hojie ningotere nahiram ⁵¹ hotuani many hati netiyiru ngete todi hongete hoce bu ojien nanyuo ngete ihuana?'' ⁵² Sing ho nahitarangahiso ce bu najiman niho ngete, ''Iji ce bu noho Galileya? totaha ce bu iher ojo obe lobo laheramahitani hohiramita olotu to Galileya.''