¹ Nihalu hohunya sang, Yesu hona loten tiye toho nitodo hosi ho Galileya, ce bu ongele nasi ho Tiberias. ² Nalohoi ho lati fa ijifite ngete tona nyuo otiale fa sing nasinge na olwa na lofa ihwana ngete niho ehule fa lahadiahak. ³ Yesu ho naloten toho ningati hodenge hona hitwongo nifok da hono lohejehi hongete. ⁴ (Tanyia fa noholong nofa obu Najyok ifada jiere laragan ho Jews, honeyiom ho Jews, na anyiha.) ⁵ Nofa neriri Yesu toho nihide hona tialan nahohoi holati nalotiniso toho niho ngete, ngete hona jiman niho Pilip, "Ajijie ohifuo hinyianga nebune ongida hule ofwe nyasu?" ⁶ Hatii ojo Yesu anya nitiamari pilip, niho ngete ejien fa tonakwan hongete ojo nanyu hadi ngete olo igem.) ⁷ Pilip hona hitarangaso ngete, "Obuba namiya harik noho nebuneji otumi noho hulati abito abito adobu dei." ⁸ Lobo lohejek abito, Andrew,hilasi ho Simon Petur, hona jiman noho Yesu, ⁹ "Obwon lobo lahito inyi la obwon honebuneje miyiet hona hayem hari, hati ba tatali hunya nalohoi holayi?" ¹¹ Tiye Yesu honahiyaru nebuneji nofa ngete najok, hona hihohuarahiso niho ehule ati ituonge. Ngete tiye hari hona huarahiso nahayem tehene hoi, toho owahiterete bebe. ¹² Nofa nefuti lati,ngete hona jiman niholohejehi hongete, "Ikukurohisi huja obubunyere natonge abito maji, ongida ibwo nasinge obe odianyaru. ¹³ Tinyia sing ho nahifurohiso sing fad ce bu hona hitufutahiso nagufaji tomon hoharik hohuja oruruere nifok niho nebuneji miyet- niho natonge ho lati hula anyie, ¹⁴ Tinya lofa natelini lati anya hitelehiso ihon ngete, sing hona jiman, "Ngete ale lolojayio(laporofeta) la olotiniso inyi nifok." ¹⁵ Nofa Yesu nagilu ojo anyiha nafoniso hosing iyaru ngete tanaroso ongida ihuanahini ngete ahobu, ngete hona yiteriso hari nidenge tona kwan hongete. ¹⁶ Nofa nalotu natari,nolohejehi hongete hona hijuru toho nahari nahituahaji. ¹⁷ Sing hona hiruhiso nitigol,hona daha tona sii toho Capernaum. (Idimele fa niho anya holong, hocd bu Yesu fa hobe olotu niho sing.) ¹⁸ Toho tinyia ahuta fa nolobwangi nefirang, hona todo hohari arohojaya. ¹⁹ Tiye nofa nehohori nolohejehi otum nehejek harik-homiyiet kuya nehejek hutik nalamaji(nakilomita), sing hona teleiniso Yesu odahino toho nitodo hohari niger hotigol, ce bu sing hona bayangahiso. ²⁰ Nyuo hati, Yesu ho najiman niho sing, ''Ne alee! ²¹ Sing ho nahiruk fa nihifuotinere ngete nihotua hotigol, hoce bu tiye tiye natigol hona hisiahita nifok niho lofa namaji ifwojerete sing. ²² Nofa hohubanyi, natuaniti naja fa obotie angati hosii loteli ojo obe fa ibwo natigol toda ce ene abito hoce bu nahobe Yesu iruhi niho ngete honolohejehi hongete hatii ojo nolohejehi hongete aringari hama. ²³ (Anyuo hatii, obwoni fa hinihe natigoli huja ofoni to Tiberias onyihaji nimaji nofa onyeserete sing nebune nihalu isiarahinere hobu ojo awaa.) ²⁴ Nofa natifini nalohoi homiji ojo obe Yesu kuya nolo hejehi ngete toda, sing tona kwanite hosing hona hiruhiso nitigol ho nafwoten Capernaume tahito Yesu. ²⁵ Nihalu nofa nahorihini sing Yesu tangati hohari(nabahar), sing hona jiman nihongete, Lahetejianani, hanu feji ilotu inyi?'' ²⁶ Yesu hona higamahiso sing, jiman, ''Tarihe, tarihe, etahatate ne, nyo obu ce tonatialan hote nalwa, nyuo enyata fate nebune huja ifuti. ²⁷ Itobuojiata nihigiama niho nanyasu na obe nahisu, hatii igiamati niho nanyasu na obuon nadihan noho namanya na osio jik notum ba lahito hojyok ohisiarahi ite, toho Najyok Lamonye ipidahinere niho ngete.'' ²⁸ Tiye sing hona jiman niho ngete, ''Nanyu ijie ohihon, ojo otum ijie ohihon nahigiama hojyok?'' ²⁹ Yesu ho najiman niho ngete, ''Ngete anya nahigiama ho Najjyok: laja ongida ite iruhoto niho ngete lofa osulu ngete.'' ³⁰ Tiye sing hona jiman niho ngete, ''Nyuo singe na olwa beji ihon, naja ba ohiteli ijie hati ohiruhutari iji? Na otum iji igem? ³¹ Monye hojie anye fa nebune towahatari, toho igierehinerete, 'Isiarahi fa ngete Nebune tohide noho nyasu.''' ³² Toda Yesu hona higamahiso niho sing, ''Tarihe, tarihe, obu fa Muse ngete lohisiarahi ite Nebune tohide, hatii Monye hone ngete la osiarahita ite Nebune noho nihde. ³³ Niho Nebune hojyok ngete na olotinita nifok hoce bu isiarahita nahisu nifok.'' ³⁴ Sing hona jiman niho ngete, ''Alee, isiarahite ijie anya ibune noholongi fad.'' ³⁵ Yesu hona jiman niho sing, ''Ne nakwan hohisu, ngete la olotu niho ne obubabu inyahure, ce bu ngete la iruk niho ne obu nahifiriyong onya. ³⁶ Ati ce bu, ajo ne nihote ojo etialatate ne, ho ce bu hobe ite iruhoto. ³⁷ Hula fad isiarahi Lamonye nihone ofoni ba niho ne, ho ce bu la olotu niho ne ongida obu opuso niger. ³⁸ Tohoniho ne alotu ne tohide, obu olotu ihuana nawahan hone, hatii nawahan hongete la fa ohibatu ne. ³⁹ Hoce bu ngete anya nawahan hongete la ohibatu ne, ojo ngida ne angotihi sing fad hulofa isiarahi ngete ne, hatii ongida itedetu sing nihide many nilohicun ⁴⁰ gi hoholong. To anya ngete nawahan ho Monye hone, ojo lati abito abito hula otelite lahito ce bu iruhi niho ngete ongida obwoni hona manya na osio jik; ce bu etedetu ba ne ngete nihide niho nilocungi hoholong. ⁴¹ Tiye lati ho Jews hona ngungunuta nahiram hongete nyuo tona jiman hongete, ''Ne alee nebune nalotu nifok tohide.'' ⁴² Sing ho najiman, ''Obu ngete alee Yesu iha Yosefo, monye hongete ho iyiang hongete huja ohijien ijie? Tatali ngete tiye hajo, 'Angiru ne tohide'?''' ⁴³ Yesu ho nahitarangahiso sing ojo, jiman nihosing, ''Itobwajata na ngungunuta nihiji hokwanite hote. ⁴⁴ Obu otum lobo olotu niho ne nabu lora Lamonye lofa ohibatu ne lohipihito ngete, hoce bu iting ba ne ngete niho noholong holocungi. ⁴⁵ Igierehini nibuk ho Porofetaji, 'Itejieni ba Najyok sing fad.' Niho abito abito hula etiyiri hoce bu ojien niho Lamonye ofoni ba nihone. ⁴⁶ Obu ce ojo lati fad ateli Lamonye, ce ngete la obwon niho Najyok- ngete lotel Najyok. ⁴⁷ Tarihe, tarihe, ngete la iruk obwon hona hisu na osio jik. ⁴⁸ Ne alee nakwan hohisu. ⁴⁹ Monye hote fad anye Nebuneji towaha, hoce bu ayeyi. ⁵⁰ Ngete anya nakwan na ongiru nifok tohide, ongida latuani onyau kai ce bu obe oyee. ⁵¹ Ne alee nakwan na isu na olotu fa tohide. Nanya ba lobo anya kwan kai, isuba ngete jik. Nebune naja ahisiarahi ba ne ite ngete natiang hokwan hone noho namanya hotodo.'' ⁵² Lati ho Ya hona hilongojita nihiji hokwanite hosing hoce bu honahicak risa, jiman, ''Tatali otum ale tuani ohisarahi ijie natiang hongete ohinya?'' ⁵³ Yesu tiye hona jiman niho sing, ''Tarihe, tarihe, nabu ite inyata nakwan(natiang) heha Najyok hoce bu imatata nohoto ngete, obu bete ibwanata hona hisu nikwanite hote. ⁵⁴ Ngete latwani la onya nakwan hone ce bu omat nohoto hone obwon hona hisu na osio jik, ce bune atingoro ngete niholohicungi hoholong. ⁵⁵ To natiang ho ne ngete natarihe honyasu, ce bu nohoto hone ngete natarihe homata. ⁵⁶ Ngete la onyesito nakwan hone ce bu omatito nohoto hone iwasihi nihongete,hoce bu ne ewasihi niho ngete. ⁵⁷ Toho Lamonye la osuu lohibatu fa ne, ce bu amanya ne nyuo to Lamonye, ngete na latwani la onya ne, omanya ba tonahiram hone. ⁵⁸ Ngete anya nakwan na ongiru tohide, obu lofa onyie bo Monye hona yeyi. Ngete latwani la onyia kwan osio ba jik many jik.'' ⁵⁹ Otianya fa Yesu hunya hiramita to nilomojere(sinagog) ohorihi ngete itejiana Capernaum. ⁶⁰ Tiye nalohoi holohejehi hongete, nofa netirini anya, jiman, ''Nahitejiana anya na ogol; ngai lotum iruk ngete?'' ⁶¹ Yesu, nyuo ajien ngete tonakwan ngete ojo nolohejehi hongete fa angungunute niho anya hiram, jiman nihosing, ''Otum anya ohitepek ite? ⁶² Tinyia hati netialatate Iha Najyok odohiniso tomaji lofa obwonitete ngete berien? ⁶³ Ngete nolohailong na isiarahi nahisu. obe natiang hebwo nasinge. Nahiramita huja ateny ne nihote nt/gete nolohailong, hofe bu namanya. ⁶⁴ Hatii hoboni hilihe hote hula hobebu iruhi." Toho niho Yesu ojien many tolocifot ojo bongai hule hadi obe iruhi hoce bu ngai tafadaya ngete. ⁶⁵ Ngete hona jiman, "Nyuo hati to anya ajone nihote ojo obe lobo ongida olotu nihone many hati nahiramahi iji Lmonye." ⁶⁶ Nihalu ho anya, nalohoi ho lohejehi hongete hona yiteriso ho nabiangan da hongete. ⁶⁷ Yesu tiye hona jiman niho ehule tomon hoharik, "Obu ite iwahata da niger, obu ite?" ⁶⁸ Simone Petur ho nahitaranginiso ngete, "Lohobu, niho ngai bejie ohifwo? iji hati ibwonitere ho nahutuk noho nahisu na osio jik, ⁶⁹ afwonu ijie hiruk hoce bu jianan ojo ireji Ahanyilajani ho Najyok." ⁷⁰ Yesu ho najiman nihosing,"Abe fa ne ahinyumu ite, tomon hoharik,abito twani ora aharahojani?" ⁷¹ Toho niho Yesu ojien many tolocifot ojo bongai hule hadi obe iruhi hoce bu ngai tafadaya ngete. ngete hona jiman, "Nyuo hati to anya ajone nihote ojo obe lobo ongida olotu nihone many hati nahiramahi iji Lmonye."