¹ Nahalu ho anya abwown fa neyiom niho Yahud, cebu Yesu ho na loten many Yerusalem. ² Tahanya abwon nihotua ho Yerusalem nekat homaji holobarari hehoriang, na ongele to Hibru, Betesaida(Nahaji na omehino). ³ Nelohoi holati hulo fa odiahe, ongode, ongure, kuya ce bu hula oretie aretia obwoni fa niho hunya kedi. ^{4 5} Obwon fa lobo latwani da lofa epalaru niho nangasi noho nehejek ongon hometohutuk. ⁶ Nofa natelu Yesu ngete ogeto, hoce bu nihalu nofa negigilu ngete ojo alamajaya fa ngete da bebe, ngete hona jiman niho ngete, "Iwak iji buanan angida?'' ⁷ Ngete lahadiahani hona hitagaminiso, "Ale, Abune abwonitere lobo latwani, niho lomo neguguri nahari tohonihide, nihi huanahinere ne nilokwangari. Natiama ba ne, angiroyo bane tohonifok kerem.'' ⁸ Yesu hona jiman niho ngete, ''Todete nihide, totingere hona biris hoji, hona daha.'' ¹⁰ Tiye lati ho Yahud hona jiman niho ngete lofa ale ehuhumuno, ''Ora aholong howiri, obu otum iji itingito hona biris hoji.'' Ngete hona higaminiso, '' ¹¹ Ngete lofa ale ohiduanyu ne angida lojo niho ne, 'Totingu nabiris hoji ho nadaha.''' ¹² Sing hona hifi ngete, ''Ngai ngete latuani la ojo niho iji, 'Totingu negetitit hoji hona daha.''' ¹³ Nyuo hati latwani lofa odwanyi abu ojien ngai fa ngete, tananyuo atuloyo fa Yesu, olwaji fa lati da nihene maji. ¹⁴ Nihalu hongete, Yesu ho nahorihiso ngete nihotwa hotifine ho najiman niho ngete, ''Totiale, ebwon iji angida! Hepalaya hari, kuya nara ibwo nasinge iparu bebe niho iji.'' ¹⁵ Ele twani ho naloten tiye ho na hiramahiso niho lati ho Jews ojo Yesu ngete lohihuhumu ne angida. ¹⁶ Tahanya to hunya reji etegemi Jew Yesu,nyo hati ihon fa ngete hunya reji tetaleji. ¹⁷ Yesu ho nahiramahiso sing,"Igiama Monye ho ne dobu tahanya,cebu ne,egiam ne." ¹⁸ To anya tianya,Jew ho natahito nehoi nihifadajiere ngete nyo obu ngete ongil noholong Heteleji hama,cebu ongele ngete Najyok Amonye hongete,ihwanahi nakwan hongete okialare ho Najyok. ¹⁹ Yesu hona hitarangahiso sing, ''Tarihe, tarihe, otum lahito habebu ihon ibwon nasinge tonakwan ho ngete, ijia ce ojo na otialatito ngete Monye hongete igiama, ihala ngete ce bu ihonitito hunya reji. ²⁰ Okwama Lamonye lonyi, ce bu ngete itelehita ngete nareji fad huja ihwana ngete tonakwan hongete, hoce otum ngete itelehi ngete nareji huja ilanyi bebe ongida iji ibayangahi. ²¹ Toho lamonye itedetinita lahayeyiak isiarahits ce bu niho sing nahisu, ce bu lonyi isiarahita ce bu nahisu niho hula ojo ngete. ²² Toho niho Monye obu ongoto nahiram holobo, atii esiarahi ngete nangoto hohiramita niho lonyi ²³ ongida ora fad lobayangi lahito toho obayangariti Monye. Ele lobo la obu obayang lahito obu obayang la monnye lofa osulu ngete. ²⁶ Toho obwonitere Lamonye nahisu nikwan hongete, esiarahi ngete niho lonyi cebu obwon ho nahisu nikwan hongete, ²⁷ cebu Lamonye isiarahi niho lonyi nahifirang noho nangotere ho hiramita tananyuo ora ngete Eha Najyok. ²⁸ Hebayangahisi ha ba niho anya, toda obwon ba noholong noho hula obwoni nilumeji itiyiri ba namurut hongete ²⁹ olotu ce bu niger: niho ehule ihoni nangidari noho nahibuhuniso homanya hce bu ehule igemi nare huja iboti nihonahibuhuniso hogoto hohiramita. ³⁰ Otum ne obu ehon ibwo nasinge tonakwan hone. Toho etiyir ne, angot ce bu ,hoce bu nangoto hohiram hone na opit tona nyuo obwone latahito tonawahan hone hatii tonawahan hongete la fa ohibatu ne. ³¹ Hara duo ne latuju tonakwan hone hama, nahiteteleso hone habebu otirahi. ³² Obwon ce bu lobo la iteteleso tone, ce bu ajien ne ojo nahiram huja itetelehi ne otirahi. ³³ Esululaya iji niho Yuwana, hoce itelu ngete natarihe. ³⁴ Nyuo hati , nahitelehiso hohiram na efwotu ne obu niho latuani. Ajone niho hunya sang otum ite italahinete. ³⁵ Ora fa Yuwana alomo nosuahahini ofarang ce bu, ce bu iwahata ce bu kwama noho nenga na obwon nifangan hongete. ³⁶ Nyuo hati nahiramita huja abwonitere ne ilanyi huja ho Yuwana, niho nahigiama nofa isiarahi Lamonye ne ongida emudutahi, ngete nahigiama na ehuanane, etelehine ojo Lamonye lohisusulu fa ne. ³⁷ Lamonye lofa ohibatune tonakwan hongete atem nabuanan hone. ³⁸ Habu te itiyirata namurut hongete kuya ce tialan nabwanan hongete niho ibwonoholong. Obu ite ibwanata honahutuk hongete na otongohi nihote, nihote obu ite iruhohisi niho ngete lofa osuluni. ³⁹ Totahata te nibuhi to nanyuo iggigiletete ojo niho sing ibwanatate hona hisu na osio jik, hoce hunya higierita okialare itelehi tone, ⁴⁰ ce bu ite obu iwahata ifwoniso niho ne ongida ite ba hona hisu. ⁴¹ Obu ne efwotu nahitokwama niho laliawa, ⁴² hatii ajien ne ojo obu ite ibwanata hona kwama ho Najyok nikwanite hote. ⁴³ otune inyi tona tona fure homonye hone, hoce bu ite obu ifuotusu ne. Kuya nalotu ba lobo tanafure hongete, ifwotusu ba ite ngete. ⁴⁴ Tatalite hetumata hiruk, ite hula nihote hula iruhoto nahitokwata na olotu niho lati nyohati ibe itahitete nahitokwata na olotu niho Najyok? ⁴⁵ Hegigilete ojo ne tonakwan hone lahituob hadi ite nihatemeni ho Monye ho ne. Latuani la ohituob ba ite ngete Muse, niho la igienehisi ite. ⁴⁶ Kuya neruhutati fete ngete Muse, otum ba ite iruhutati ne tona nyuo igiero fa ngete tone. ⁴⁷ Nabu ite iruhoto nahigierita hongete, tatali bete ifwasi hiruk nahiramita hone?