Nengat 20

1 Tanahubanyi berien nilohichahi ho holongi hometaharik, many herwok, Maria Madalina ho nalotiniso fa nihosiere; ngete ho nateliniso namorwo na iyoloro totodo helume niger. 2 Tiye ngete ho nahinam niho Simone Petur cebu niho lolohejek lofa okwama Yesu bebe, ''Eyare sing Lohobu telume, cebu obu jie ohijien aji sing onuhahini ngete.'' 3 Petur cebu hile lohejek abito ho nafwoten niger, ho nafwoten nilume. 4 Sing ho na hinamita harabito; lofa lohejek abito ho na hirwatahiso Petur ho nahisiahita nilume kerem. 5 Ngete ho nahiradariso ho nayifon dahotwa; ngete ho natialan nabobgo na onuhahinerete ogeto da, nyuo hati ngete obu iruyo nihotwa. 6 Simone Petur ho nahisiahita nihalu hongete honaringahiso nilume. Ngete ho natialan nabongo na onuhariti ogeto da 7 ce bu nabongo nofa obwon nihou hongete. Abu fa ilawe honenuhit hobngo nyuo hati obibirahino fa nitodo nimaji hongete tonakwan hongete. 8 Tiye ele lohejek cebu ho naloten da , ngete lo fa isahita nilume berien; ngete la otel iruk cebu. 9 Many nihene holong obu fa sing ojieni nabuk na ojo ongida itubuhuni Yesu hari. 10 Tiye nolohejehi ho na yiteriso hari toho nihai hosing. 11 Nyuo hati, obotia fa Maria niger ho hosiere oyio; lofa ngete oyio , ngete ho na hiradariso nihotwa helume. 12 Ngete ho na teliniso anjilio harik hulo opwori itwonge, abito toho nihou, abito tehejiaha, nimaji no fa onuhahinerete Yesu. 13 Sing ho najiman niho ngete, ''Ngorite, nanyuo ji iyio?'' Ngete ho natianya niho sing, ''Eyare sing Lohobu ho ne, abu ne ajien namaji na ihwanahiterete sing ngete.'' 14 Nofa nateny ngete anya,ngete ho nahibielo ho nateliniso Yesu obotia iyeje,nyuo hati obu ngete ojien ojo Yesu ele. 15 Yesu ho najiman niho ngete, ''Ngorite, nanyuo ji iyio? Ngai iji itahito?'' Egigilo fa ngete ojo monye ho mana laa, tiye ngete ho najiman niho ngete, ''Lolohitwahaji, nareji liyaru ngete niger, iramahi ne namaji na ihwanahinere ji ngete, ongida ne eyaru ngete niger.'' 16 Yesu ho najiman niho ngete, ''Maria.'' Ngete ho nahibiel nakwan honete, hona itianya niho ngete tona tianya ho Aramaik, ''Rabboni,'' na ongele ojo ''Lahetejianani.'' 17 Yesu ho natianya niho ngete, ''Hetir ne, hobu ne adok niho Lamonye;nyuo hati ilo niho hilasira hobne iramahi nihosing ojo adok ba ne niho Monye ho ne cebu Monye hote, Najyok ho ne cebu Najyok hote.'' 18 Maria Madalina ho nalotiniso hiramahiso nolohejehi, ''Atel ne Lohobu,'' oteny ngete hunya reji niho ngete. 19 Nofa nara atari, nihe ene holong, nilohichahi hoholongi ho metaharik, nekati hekiane namaji lofa idimiterete lolohejehi to nabayangi lati ho Yahud, Yesu ho na lotiniso ho nabwotia nihiji hosing ho najiman niho sing, "Ikie nayomo obwon nihote." 20 Nofa nateny ngete anya, ngete ho nahitelehiso nehes hongete ho namariti hongete. Tiye nofa nateli lolohejehi Lohobu, sing ho nakwama bebe. 21 Yesu ho natianya nihosing hari, ''Ikie nayomo obwon nihote. Toho osulunere ne Lamonye,tahanya ahisulariso ne ite." 22 Lofa nateny Yesu anya, ngete ho nawirita niho sing ho najiman niho sing, "Ifwotusu Nolohailong Na-Onyila. 23 Lepalaya lobo niho hoji s ibalahi, ebalahini sing nihosing ; lepalaya lobo nyuo hati ji itunahi nepal hongete nitaji, otunahine sing. 24 Thomas, lofa loho lolohejehi ho ngete tomon ho harik, la ongele fa ojo Didima, obu to da hosing laholong olotinere Yesu. 25 Ehule lohejehi hilihe nihalu ho najiman niho ngete, ''Ahitel ijie Lohobu." Ngete ho najiman nihosing, "Mayak natel ne nehes hongete ho nahaforo hogusmar, ehwanahi cebu nahafiala ho ne nimaji na ogurohinerete nagusmar, hoce bu itirehi nehes hone nimari hongete, obu ba ne iruk. 26 Nahalu ho holongi metohutik hari nolohejehi fa hongete obwoni nihotwa, ce bu Tomas obwon ho sing. Yesu ho na lotiniso nekati fa ikiane, ho nabotia nihiji ho sing, ho najiman, "Ikie nayomo obwon nihote." 27 Tiye ngete ho natianya niho Tomas, "Ihwanahi nahafiala hoji iji, cebu totiala nehes ho ne; totiro namariti ho ne, hebwon atwani la omuta nahiruk, nyuo hati iruho." 28 Thomas ho nahitarangahiso ho najiman niho ngete, 'Lohobu cebu Najyok ho ne.'' 29 Yesu ho najiman niho ngete, "Tanatialan hoji ne, eruk ji. Ikie najwaha obwon niho hula obu oteli, nyuo hati iruhi." 30 Igem fa Yesu nareji hinihe nalohoi huja oleyeji nihatemini ho lohejehi, nareji huja oleyeji huja hobe fa igierehine niho anya buk, 31 nyuo hati igierehini hunya reji ojo ongida ite iruhoto ojo ora Yesu a Kristo, Iha Najyok, cebu ojo ongida ite iruhoto, cebu ojo ongida te ibwanata ho nahisu nifure hongete.