¹ Tiye Pilato ho nahiyaru Yesu ho nabehon ngete. ² Lasegere ho nahiri negita na ora ekwa. Sing ho nahitejiafahiso nihou ho Yesu cebu itejiefi ngete to nabongo na opwor. ³ Sing ho nafwoniso niho ngete ho najiman, ''Toboloro, lohobu ho Yahud!'' sing ho nanagan ngete tonehes hosing. ⁴ Tiye Pilato ho naloten niloke hari ho na jiman niho lati, ''Totialati, eyieniso ne ale twani niloke nihote ojo ongida ite ijianata ojo obu ne ahorihi ibwo nepal niho ngete.'' ⁵ Yesu ho nalotiniso niger; ngete la ijiefito negita hekwa ho nabongo na pwor. Tiye Pilato ho najiman niho sing, ''Totialata, ale twani!'' ⁶ Lofa nateli lolohitwaha ho padiri ho ho lolohitwaha ho segere Yesu, sing hona higworita jiman, Togurohisi ngete,togurohisi ngete!'' Pilato ho najiman niho sing, ''Iyariti ngete to nakwanite hote igurohisi ngete, obu ne ahorihi ibwo nepal niho ngete.'' ⁷ Lati ho Yahud ho nahitarangahiso Pilato, ''Ohibwonitere ijie nechihit, tene ichihit ojo ongida ngete oyee nyuo ihon ngete nakwan hongete ojo Eha Najyok.'' ⁸ Nofa netiyir Pilato anya hiram, obayang fa ngete bebe, ⁹ cebu ngete ho nahiruhiso nihaji harii ho najiman niho Yesu, ''Tai iji ilotu?'Obu Yesu itarang ngete. ¹⁰ Pilato tiye ho najiman niho ngete, ''Obu iji iwak itianya niho ne? Obu iji ijien ojo abwon ne ho nagolon nilahajiere iji, cebu nahifirang noho gurohinere iji?'' ¹¹ Yesu hona hitarang ngete, ''Habu ji ibwon ho nahifirang nihidayarijiere ne mayak nesiarahininiho ji. Ngete latwani la ohiyieno ne niho iji obwon ho nepali na obolo bebe. ¹² Niho anya ohitarangi, Pilato ho natiaman ilahahiso ngete, nyuo hatii lati ho Yahud ho nahigworita bebe jiman, ''Nelahahiji ale twani, obu ji ira amorite ho Saesar: latwani la itarak nakwan hongete ahobu nakwanite otianya narohojaya niho Saesar.'' ¹³ Lo fa netiyir Pilato hunya hiramita, ngete ho na hiyieno Yesu niloke ho nahitwongo nifok nihitwongi holongotere nimaji na ongele Natabak, nyuo hatii to Hiburu, Gabbatha. ¹⁴ Tahanya ora fa aholong ho ihuhumahino ho nyasu hebune na obengi nabula,ara favniholong hele. Pilato ho najiman niho lati hovYahud, ''Totialati, ale lohobu hote!" ¹⁵ Sing ho nahilulwo, ''Ifadaye ngete, ifadaye ngete; togurohi ngete!,Pilato ho najiman nihosing ''Ikie ne agurohi Lohobu hote?'' Lahabolorok ho padiri ho na hitarangahiso ojo, ''Ohibe ijie ohibwon holobo Lohobu mayak Saesar.'' ¹⁶ Pilato ho nahitebielehiso Yesu tohonihosing ojo ongida ogurohini. ¹⁷ Tiye sing ho nahiyaru Yesu, ngete ho loten niloke, ho nahitingoro nahite na ikwala tonakwan hongete, nimaji nofa ongele Namaji hohoyihato tanatianya ho Hiburu ongele ojo Golgotha. ¹⁸ Sing ho na gurohiso Yesu da, ngete ho lati harik, abito opar angati, Yesu obwon nihiji. ¹⁹ Pilato cebu igierehi ibwo natianya ho na hihwanahiso . igierehino fa: ²⁰ YESU HO NAZARET,. Lalohoi holati ho Yahud ho na hiken ene higiero tananyuo onyiha fa ene nihang nahitwahijik. Obwon fa ene higieri ta natianya ho Hiburu,cebu to Latin(Natianya ho lati Roma, cebu to Grik. ²¹ Tiye lahaboloroni ho Padiri loho lati ho Yahud ho najiman niho Pilato, ''Hegierehi ojo Lohobu ho Yahud, 'nyuo hati to ho ojo ngete,' Ne Lohobu ho Yahud.''' ²² Pilato ho nahitarangahiso, ''Nasinge na egierehi ne egierehi ne.'' ²³ Nihalu lo fa nagurohini lasegere Yesu, sing ho nahiyaru natolbongo hongete ho nahihohor many ongon, namaji jbwo loho lasegere; cebu nabongo noho nilochwolo. Obe fa ene bongo ho nilocholo ho nologureti, orifahini nitodo hongete fad. ²⁴ Sing ho najiman nikwanite hosing, ''Abiangata chiran ngete itasarariso,nyuo hati ipirete niwaragaji ongida ohitialari ngai ba lonyumu.'' Idwong anya fa ojo ongida nabuk otuhohino toho ojimiterete fa, ''Ohohori fa sing natolbongoji ho ne nikwanite hosing, cebu nibongoji ho ne sing fa ibibirehini newaragaji.'' ²⁵ Ihoni fa lasegere hunya reji. Iyang ho Yesu, hinasi ho hotenge Yesu, Maria nguru Klopas, cebu Maria Madalina-hunya ngorwo obotie fa niger ho hite na ikwala noho Yesu. ²⁶ Lofa natel Yesu iyang hongete ho lohejek hongete lofa owak ngete hona botia angati, ngete ho natianya niho iyang hongete, ''Ngorite, totiala, lahito hoji ale!'' ²⁷ Tiye ngete ho najiman niho lolohejek, ''Totialati, iyang hoji anya!'' Tene holong ele lohejek ho nahiyaru ngete nihang hongete. ²⁸ Nihalu hanya Yesu,tanajianan hongete ojo nareji fad atuhohi ne, ongida ihon nabuk olotu natarihe, otianya, ''Ahinyasu ne nahifiriyong.'' ²⁹ Namoti nefut ho nabalu ihumahini fa da, nyuo hati sing ho na hihwanahiso negole ho balu ho nadutohiso nihutuk hongete. ³⁰ Lofa namat Yesu anya kiani hohite, ngete ho najiman, ''Atuhohino.'' Ngete ho nachumo toho nifok ho nahisiarahiso Nolohailong hongete . ³¹ Ora fa ehuhumahino, cebu ojo ongida nakwanite obu otongohini nihite na ikwala niholong howiri(niho ene holong howiri ongida fa bebe), lati ho Yahuda ho na hifiasu Pilato ojo nehejiaha ho lati hula efadari ojo ongida igigili, cebu ojo nakwanite hosing otum itingirini nifok. ³² Tiye lasegere ho nafwoniso ho nagilan nehejiaha ho hatemeni ho twani ho loharik sing lati hulo fa ogurohini ho Yesu.Lofa nafwoni sing niho Yesu, ³³ sing ho natialiniso ojo ayee ba dwo ngete, sing hanabiangan ngilan nehejiaha hongete. ³⁴ Nyuo hati fa, lobo lasegere ho nachuhon namari hongete tonafere, tiye nohoto ho nahari ho nahitihiniso niger. ³⁵ Ngete lofa otel anya ara ahapiahani, cebu nateliniso hongete ora atarihe. Ojien ngete ojo nasinge na atiany ngete otirahi ojo ongida ite cebu iruhoto. ³⁶ Ofwoni hunya idwong ojo ongida nabuk otum imudutahino, ''Obu ojo ongida ibwo nohoyito hongete obwara.'' ³⁷ Hari, ibwo nabuk ojo, ''Oteli ba sing niho ngete la ochuhi sing.'' ³⁸ Nihalu ho hunya reji Yosefo loho Arimatia, many fa ngete hora alohejek ho Yesu, harada taji hongete tanabayangi ho lati ho Yahud , ho nahifi Pilato ojo hatum ja ngete eyaru nakwan ho Yesu niger. Pilato ho nahisiarahiso ngete iyaru. Yosefo ho nalotiniso iyaru nakwan hongete. ³⁹ Nikodemo cebu ho nalotiniso, ngete so noberin nalotu niho Yesu to naharie. Ngete iyieno nelataji huja ihaharute. ⁴⁰ Tiye sing ho nahiyaru nakwan ho Yesu ho nabuburahiso ngete nihotwa hobongo nahimuhi, toho orahitere fa amanya ho Yahud ninuhari nakwanite. ⁴¹ Nimaji lofa ogurohinerete ngete obwon fa namana; ce bu niho ene mana obwon fa nangejuk hohosiere na hobe onuhahini lobo latwani da. ⁴² Tananyuo ora fa aholong hohihuhuma niho lati ho Yahud cebu tananyihaji fa hohosiere, sing ho na nuhahiso Yesu da hotwa hongete.