¹ Yesu fa lojo hunya reji; tiye ngete ho na tingingon nohonyehite hongete toho nihide ho najiman, ''Monye, alotu noholong; itokwata lahito hoji ongida ba Lahito itokwata hoji-- ² toho nofa isiarahinere iji ngete nahinefito niho nakwanite fad ojo ongida ngete ihisiarahi nahisu na osio jik niho lati fad ehule isiarahi ngete. ³ Ngete anya nahisu na osio jik: ongida sing ojieni iji,ojo iji Najyok hama la itirahi, ce bu ngete laja isulu feji, Yesu Kristo. ⁴ Ahitokwata ba ne iji inyi nifok, no mo ba natuhohi ne nahigiama nofa isiasrahi iji ne egem. ⁵ Tahanya, Monye, itokwata ne to na kwan hoji tonakwatan lofa obwonitere ne hoji many berien hobe nafok obieni nafok. ⁶ Eramahi ne nafure hoji noho lati hulo fa isiarahi iji ne tofok. Orahi fas ing alohoji; ce bu isiarahi iji sing fa niho ne, ce bu enefi sing nahiramita hoji. ⁷ Tahanya ajieni sing ojo nasinge na isiarahi iji niho ne olotu niho iji, ⁸ natianya na isiarahi ji ne,esiarahi ne sing hunya itenyita. Amojini fa sing cebu ajieni fa ojo alotu ne niho iji, cebu iruhi sing ojo iji lisulu ne. ⁹ Amojo ne tosing, obu ne amojo to nafok nxuo hati niho ehule fa isiarahi iji ne, toho orahi sing alohoji. ¹⁰ Nareji fad huja orahi alohone orahi aloho iji, hoce bu nareji hoji alohone; ahitokwatari ne niho sing. ¹¹ Abu ne abwon inyi nifok, hatii hobwoni hulati inyi nifok, cebu alotiniso ne niho iji. Monye lahanyilajani, iniafahi sing nifure hoji nofa naja isarahi iji ne ojo ongida sing orahi abito, toho anya orahitere ijie abito. ¹² Lofa habwon ne hosing, enef fa ne sing to nafure hoji lofa isiarahi ji ne; cebu etieu ne sing, cebu obe lobo niho sing oye,mayak iha Perdition, ojo ongida nabuhi ba lofe imudutahine. ¹³ Tahanya alotiniso ne nihote;nyuo hati atianya ne hunya hiramita inyi nifok ojo ongida sing obwoniterete ho nakwama ho ne na ifut nikwanite hosing. ¹⁴ Esiarahi ne nihosing natianya hoji; edaya nafok sing tananyuo obu sing orahi alati ho nifok, toho obu ne arahitere aloho nifok. ¹⁵ Abu ne amojo ojo ongida iji iyaru sing tinyi tofok nyuo hati ojo ongida iji itun sing niho nareji huja iboti. ¹⁶ Obu sing orahi anoho nifok, toho abu ne arahitere anoho nifok. ¹⁷ Iniafahi sing nikwan hoji to na tarihe; ora natianya hoji atarihe. ¹⁸ Isulu fe ji ne inyi nifok, cebu asulahi ne sing nifok. ¹⁹ To sing etinyilany ne nakwan ho ne ojo ongida sing to nakwanite hosing cebu itinyilaji nitarihe. ²⁰ Abu ne amojo tohunya hama, nyuo hati cebu to ehule ba iruhi niho ne to netianyita hosing ²¹ ojo ongida ba sing fad obwoni harabito,dobu iji, Lamonye, ibwon niho ne, cebu ne abwon nihoji. Amojo ne ojo ongida cebu sing obwoni nihojie ongida nafok ba iruk ojo esulu ji ne. ²² Nakwatan naja isiarahi ji niho ne-esiarahi ne niho sing, ojo ongida ba sing obwoni harabito, toho anya ohibwonitere jie- ²³ Ne niho sing, cebu iji niho ne; cebu itibiti ba sing nimaji abito; ojo ongida nafok ojien ojo osulu fa tie ji ne, cebu akwama ne sing, toho ikwamari ji ne. ²⁵ Lamonye lahangidarini, obu fa nafok ojien iji, nyuo hati ahijien ne iji; ojieni hule ojo isulu ji ne. ²⁶ Etasarahi ne nafure hoji nihosing, cebu esiarahi ne ngete ojieni ojo ongida nakwama to na ikwamari ji ne hatum ba obwon nihosing, cebu ne abwon nihosing.''