1 Niho noholongi ile many hobe noholong ho anyasu, Yesu ho nalotiniso Beteny, namaji lofa obwonitere Lazaru, lofa itubuhu ngete to yeyi. 2 Sing ho nahihumahiso nangirang hotari nihongete, Marta fa igiama , ohori Lazaru obwoni hehule itwonge nibali harabito ho Yesu. 3 Tiye Maria ho nahiyaru nelata na owur ho nahifufusohiso nehejaha ho Yesu, ho nahituny to nafofi hongete; ifut fa nahaji ho to nelata na owur. 4 Yuda Iskariot, nolohejet hongete, lofa olotiniso hitafadariso, Yesu, hona jiman, 5 "Nanyu fa obe itenyangari anya ilata owur to namiya hutik denarii cebu ongida isarahini niho lahaparitak?'' 6 Tahanya fa ngete ho natianyan anya, nyuo obu to na jiman ipara ngete lahaparitak,nyuo hati ora fa ngete ahahohwalani: eduharu fa ngete najojoho horobia ce bu iyaru hinihe huja obwoni fa da hotwa hongete toho nikwan hongete. 7 Yesu ho najman, ''Idahi ngete otunahi nasinge na obwonitere ngete niho noholong ho nuhahinere ne. 8 Ibwanata hadi te ho lahaparitak tihitik, nyuo hati obu hadi ite ibwanata ho ne. 9 Tahanya fa lati hotuaniti ho Yahud ho na jianan ojo obwon fa Yesu da, sing ho na fwoniso, obu to na hiram ho Yesu ija, cebu ojo ongida sing ohitelu Lazaru, lofa itubuhu Yesu toyeyi. 10 Lolohitwaha ho padiri ho natianyahino harabito ojo ongida cebu ohifadaya Lazaru; 11 ora fa to ngete ojo ofwoni lati ho Yahud hula olwaji iruk niho Yesu. 12 To nahubanyi hongete nalohoi ho lati ho nafwoniso nilonyesere. No fa netiyirini sing ojo olotiniso Yesu toho Yerusalem, 13 sing fa ho nahiyaru namidila ho nafwoten nihongete ho natianya ojo, ''Hosanna! Ikie najwaha obwon nihongete la olotu tanafure ho Lohobu, Lohobu ho Isarail.'' 14 Yesu ho nahorihiso nologumar nahongarahiso ho nahitwongo nihorwong hongete; toho igierehinerete, 15 "Nahito ho Sayon; totiala, alotiniso Lohobu hoji, itwongo nipur noti ho logumar.'' 17 Tahanya nalohoi ho lati hulo fa obwoni ho Yesu lofa ongelesere ngete Lazaru telume cebu ho itubuhu ngete toyeyi,ho nahiramahiso hilihe. 18 Ora fa cebu tanya tianya ngete isiarahi nalohoi ho lati ofwe ihorihiso ngete tanyuo itiyirini sing ojo ehon ngete anya hitelehiso. 19 Laharisak ho Yahud toda ho najiman nihiji hokwanite hosing, ''Totialata, habu te ihwanata ibwo nasinge; totialata, alo nafok to nehalu hongete. 20 Tinya lati hilihe noho Greek hula fa obwoni nihiji hona daha many nilomojere nimaji ho eyom. 21 Ofwe fa hule ti niho Filipo, loho Batsaida na obwon Galileya, ho nahifi fa ngete, jiman, ''Lolohitahaji, ohiwak ijie itiala Yesu.'' 22 Filipo ho naloten hiramahiso Andiriya; Andiriya ho naloten ho Filip, ce bu sing ho nahiramahiso Yesu . 23 Yesu ho nahitarangahiso sing ho na jiman, ''Alotu noholong ho Iha Najyok ongida itokwati. 24 Tarihe, tarihe, ajo ne nihote, mayak nayuno nalihinyiti hogema odohi nifok oyee cebu, otongohi tona buruti hongete hama; nyuo hati hara oyee, hayisu do nahanger olwaji bebe. 25 Ngete la okwama nahisu ongotihi hadi;nyuo hati ngete la idaya nahisu hongete nihanya fok otun ba nngete niho nahisu na osio jik. 26 Nahilwak ne lobo latwani, ikie ngete ijijifino ne; namaji na obwonitere ne, obwon ba cebu lahegiamani ho ne da, negiama lobo niho ne obayang ba Monye ho ne ngete. 27 Amehino nolohailong ho ne: Tatali ba ne ajo? 'Monye, italahu ne niho anya holong'? Nyuo hatii tanya tianya alotu fa ne niho anya holong. 28 Monye, itokwate nafure hoji.'' Tiye namurut ho nalotiniso tohide ho najiman, ''Etokwat ne sing fad cebu etokwat ngete hari.'' 29 Tiye nalohoi ho lati hulo fa obotie tiye ho nahitiyiriniso ngete otianya ojo angor nahila. Hilihe ho najiman, ''Ateny anjelo niho ngete.'' 30 Yesu ho nahitarang ojo, ''Lohobu,obu anya murut olotu to nawahan ho ne,nyuo hati to nawahan hoji. 31 Tahanya ngete nahangotoni hohiramita hanya fok: Tahanya hatum lahito hohobu iduharii niger tinyi tofok. 32 Cebu ne, nahitingi ne nihide to fok, iduhu hadi lati fad nikwan ho ne.'' 33 Oteny ngete anya ongida itelehi tanihoi nayeyi hatum ngete oyeyejiere. 34 Nalohoi ho lati ho nahitarang ngete, ''Ahitiyir ijie niho nechihita ojo iwasihi ba Kristo jik. Tatali iji ijo, 'Ongida otingi Iha Najyok nihide'? Ngai ngete Iha Najyok?'' 35 Yesu tiye ho najiman niho sing, ati kai hobwon nafangan nihiji hote. 36 Todahati ohorihi ite ibwanata ho nafangan, ongida nedimele obe bu ohiyaru ite. Ngete la odaha nidimele obu ojien tahaji ngete adaha. Toho ibwanatate ho nafangan, iruhoto nifangan ongida ite ifwosu rahan imusak ho fangan.'' Oteny Yesu hunya hiramita ho naloten ho nahidimaru niho sing. 37 Dobu fa egem Yesu nalohoi ho reji huja olwe nihatemeni hosing,atii obu fa sing iruhi niho ngete. 38 Ongida natianya ho Isaya laheramahitani ho hiramita imudutahino, ojo ngete: ''Lohobu, ngete la iruk natianya hojie? Ho niho ngai nolohoyo ho Lohobu oleyo?'' 39 Tanya tianya obu sing iruhi, toho ojo Isaya harii, 40 ''Etongod ngete nohonyehite hosing, cebu etogol natajio hosing; hatum dwo sing otiale tonohonyehite hosing cebu igigile to natajio hosing, ebiele cebu, hatum ne etingidaru sing. 41 Oteny fa Isaya hunya reji tananyuo atel fa ngete nakwatan ho Yesu cebu otianya tongete. 42 Obu lora nalohichungi,dobu nalohoi ho laheririak eruhi fa niho Yesu; nyuo hati to nahiram ho lati ho Farise, abu fa sing iruhi ngete ongida obu itihihi sing to lomojere. 43 Okwame sing nahitoboloro na olotu niho lati ilany nakwatan na olotu niho Najyok. 44 Yesu ho nayo ojo, ''Ngete la iruk niho ne, obu ce iruk niho ne ijia nyuo hati cebu niho ngete lofa ohisulu ne, 45 cebu ngete la otelito ne otel ngete lofa ohisulu ne. 46 Alotu ne toho nafangan inyi nifok ongida la iruk niho ne obu otongohi nidimele. 47 Nitiyira lobo nahutuk ho ne obu hati inef sing, abu ne ongot ngete, abu ne alotu, ningotere nafok, nyuo hati nihitalahinere nafok. 48 Ngete la obu iruk netenyita ho ne obwonitere obwon ho ngete la ongoto nahiramita hongete: ngete natianya na ateny ne ngete hadi longot ngete nilohichungi hoholong. 49 Abu fa ne atianya tonohou ho ne.Nyuo ati, ngete fa Lamonye la ohisulu ne, lohisiarahi ne nanyuo ne hatum atianya. 50 Ajien ne ojo natianya hongete, ngete nahisu na osio jik; ongida nasinge na ateny ne- okwalare toho Lamonye lojo sing niho ne, ongida ne ateny sing.''