¹ Tai nahigogworita ho narisa olotu niho nehiji hote? Obe ngete olotu niho newahita hote huja orohoji eneje ongalasu niho nehiji hote? ² Iwahatate nasinge nobe nihote. Efadayadi te cebu ijifitete nasinge na obe otum ite ihorihisi. Ingalasetete cebu igogworitati, nyuo ati ibe ihorihisi tanabiangan hote ifi Najyok. ³ Ifisetete nyuo hati obu ihorihisi to nahifiasu hote nareji huja orohoji, ojo ongida te ituhohisi sing niho newahita hote huja orohoji. ⁴ Ite lasomok! Obete ijianata ojo nahitomorit nafok ora omereni niho Najyok? Inaha, latwani la owak rahan amorite ho nafok itarak nakwan hongete amereni ho Najyok. ⁵ Kuya igigiletete ojo orohojaya nabuk nomo natianya ngete ojo Nolohailong na ihwanahi Najyok nihojie efut bebe nihojie? ⁶ Nyuo hati isiarahita Najyok namehino na obolo bebe, ngete naja lojo nabuk, "Idaya Najyok napufa, nyuo hati isiarahi namehino niho lahariajak." ⁷ Inaha, isiarahi nakwan hoji niho Najyok, cebu idaye laharohojani inam ba ngete niger nihoji. ⁸ Kwo tang niho Najyok, ihuti ba cebu ngete nihoji. Itinyilajata nehes hote, ite lahepalak, cebu itinyilajata natajio hote, ite hule orahi nahegigilita harik. ⁹ Toyete cebu ilongijitati! Ibieloto nakenita hote ahilongojita, cebu toye! Ibielo nakeneta hoji orahi elongita ceb nakwama hote, ahimujuta. ¹⁰ Iteriajata nakwanite hote nihatemeni ho Lohohobu cebu ngete otum ohiting ite nihide. ¹¹ Hetianyati na orohojaya nikwanite hote, hilasira. Latwani la otianya norohojaya niho hilasi kuya ongot hilasi hongete otianya na orohojaya niho nichihita cebu ongoto nechihita ho Najyok. Nomo nengototote nechihita, obu te ibayangata nechihita, nyuo hati ji ahangotoni hongete. ¹² Ora lahesiarahitani hechihita abito cebu lahangotoni, Najyok, ngete la italahu cebu i papalaya. Ngai iji lingoto lati hula onyihaji nihoji? ¹³ Itire, iji lejo, ''Baya kuya hubanyi, oyihifo ba nihanya hang, hocebu oyituhohi nenga da, cebu oyitianyanga, cebu oyihorihi nohosi.'' ¹⁴ Ngai lojien nanyu otum obwon hubanyi hocebu nanyu nesu hoji kuya? Toho ikialareji toho nedis nomo oleyo niho noholong lomuta cebu ngete hona litari. ¹⁵ Nyuo hati ongida ite ijimata, ''Nirk Lohobu, ohisu ba jie cebu otum be jie ohigem anyani kuya enejie.'' ¹⁶ Nyuo hati tahanyani ipufatite to nahigigilita hote. Huja pufita fad orohoji. ¹⁷ Inaha, niho ngete la ojien nahigiama na ongida nyuo hati obe ihon ngete, niho ngete ora epal.