¹ Obu lati olwaji ofwoni rahan ahetejianak, hilasirak ho ne. Ohijien ijie ojo ohihorihi jie nangoto nobolo bebe. ² Ohitwamahita ijie nihoyiha huja olwaji. Nabe lobo otwamahita nitenyita, abolo ngete otum otun dobu nakwan hongete fad. ³ Tahanya nahihwanahi jie kai nihutuhe ho singiraji ojo ongida sing ohibayangi ijie, hatum cebu ijie ohiramahi nakwanite hosing fad. ⁴ To jianata cebu ojo natigoli, dobu ohadori sing cebu nolobwangi na ogol ohutatita sing, itipite ngete tenengole la omuta toho nimaji na ohitere lahangwajani ho tigol. ⁵ Ora cebu toho nangadief nangati na omuta nikwan, nyuo hati iyeno nareji huja obolori. To jianata tatali nahima na omuta oswaha natimere na obolo. ⁶ Ora cebu nangadief ahima, nafok hepalita na oswahahini nikwanite ho jie. Itobot nakwan fad ho nahiduhiso nahima to nahisu. Ngete to nakwan hongete iduhuni nihima to iferino. ⁷ Itetieji natiyangi ho niwaha fad, nakeny, natiyangi huja ikudarak huja imwahe ho natiyangi huja omanye nihari to latwani. ⁸ Nyuo hati niho nangadief, obe lobo tohiji ho lati hatum iteriej nangadief. Obu ngete itihino. Ifut ngete ho nahiyeri ho yeyi. ⁹ Tongete ohitokwata ijie Lohobu ho Lamonye, cebu tongete ohipitari jie lati, hula obieni nikialare ho Najyok. ¹⁰ To nahutuk abito olotu najwaha ho nahipita. Hilasira ho ne, ikie hunya reji obu idwongi. ¹¹ Hatum nolotifang ijuhuno niger to lobwarari na oyiyil ho na odwar? ¹² Hatum nakiana ho ngaboli, hilasira ho ne, ongiju nangoros? kuya nekududum, angaboli? Kuya nahari na ora amile otum olotu itiyitiniso nahari huja oyiyili. ¹³ Ngai lilefere cebu itiyira to hiji hote? Ikie ele twani itelehi nahisu na ongida ta nahigemita hongete niho nariajan ho lofero. ¹⁴ Nyuo hati nebwon ji ho nahayini na orohojaya cebu niwahita nitaji ho ji, hetadara cebu igesm na orohojaya niho natarihe. ¹⁵ Obu anya ora alofero na olotu to fok nihide. Nyuo hati ora noho nifok, na ibot, noho johi. ¹⁶ Namaji nabwoniterete nahayini ho niwahita, obwon nahigongworita ho nahigemita huja iboti. ¹⁷ Nyuo hati nolofero na olotu to hide, onyila, irebi/nayomo, orie, inefito, ifut ho namehino ho nahangeri na ongida, na obu oniama cebu natarihe. ¹⁸ Nahangeti ho pitan obwon niyomo nihiji ho hula obwoni ho nayomo.