Nengat 5

1 Ifwosu tahanya, ite hula isamata, toyete na okwat tanamehino na olotiniso nihote. 2 Nasaman hote amudangi cebu nabongoji hote anye namayeji. 3 Namorwo hote na ora abilet cebu nabilet nopur abwoni ahuja orohoji, cebu narohoji hosinge otum iramahi tarihe na orohojaya to te cebu onya natiang hote toho nahima. Etunahisi te nesamita hote nilohichungi ho holongi. 4 Totialati, naduma ho lahegiamak - hula odengi namanata hote,hula obu te idumata, oyo niger!Cebu esiahita nayo ho lahadengok nijohe ho Lohobu ho segere. 5 Emanyatate niho nareji huja ogoli nifok cebu ipulohisi nakwanite hote. Etifirijotote natajio hote niholong hongoto. 6 Egiamata fa te norohojaya cebu ifadasi lahangidarani,la obu idayarita. 7 Ina tobwanata ho nariajan, hilasirak, many nilotiniso ho Lohobu, toho itilasere laharemeni nadenginiso na nongida noho nafok, itilasito tanarian to ngete, many hadi nilohichahi cebu nilohicungi ho sasu ho huju. 8 Ite cebu tobwanata ho nariajan; ihuhumahisi natajio hote, alotiniso Lohobu. 9 Hengungunutati, hilasira, nikwanite hote, tojo ongida ba obu ohingoti ite. Totialati, obotia nikat. 10 Toho netetelehiso, hilasirak, ihuyawusu nahipadata cebu nariajan ho laheramahitak ho hiramita ho Najyok hula otianye tanafure ho Lohobu. 11 Totialati, ohingele ijie hula odihini, ''Lanyilajak.'' Etiyirusu fa te nadihiniso ho Ayub, cebu ijianatate nasinge nawahan ho Lohobu niho Ayub, tatali Lohobu ifut ho namehino. 13 Obwon lobo abito nihiji hote la ipadata? Ikie ngete omojo. Obwon lobo abito nihiji hote lobwon nakwama? Ikie ngete iruho tana tokwata. 14 Obwon lobo abito nihiji hote lodiaha? Ikie ngete ongele lolohitwuha honilomojere, cebu ikie lolohitwuha omojohini niho ngete, ilala ngete to nelata tana fure ho Lohobu, 15 cebu namojo to nahiruk otum olwak latwani lodiaha, cebu ongida Lohobu oting ngete nihide. Nomo n nepaliya ngete, otum Najyok omehino niho ngete. 16 Tinya iwahe nepalita hoji niho lobo, cebu tomoje abito niho lobo, ongida iji ibwon honayahan. Namojo holangidarak obwon hona golon 17 Elijah okialere far tohoje. omojo fa ngete tanagolon ojo ongida obu osasu cebu abu fa ngete osasu nifork niho nengaji hutink cebu nayafaji ile. 18 Cebu hari Elijah honamojo, cebu nahide ho nahjuniso nahuju niho nafok cebu nafork honaisiniso nadengo. 19 Hilasira hone, labwon lobo nihiji hote lolo niger niho notirahi, nyohati ikie lobo inyahu ngete hari, 20 ikie ngete ojien ojo latwani la inyahu lepalani niger niho norohoji, italahu nahisu hongete toyeyi nolohailong hongete niho yeyi cebu otum imuk nepalita huja oluye bebe.