1 Inaha, lahilasirak hula onyilaji, lati lahegiamak niho nangelese ho hide, itarahita Yesu, lehejifiteni ho lapadiri Lobolo to nahiwaha hojie. 2 Iruk fa ngete niho Najyok, la onyumu ngete, to ho iruhutari fa Muse nihaji ho Najyok. 3 Etarahi fa Yesu ahangidarani la okwat bebe ilany Muse, ora to latwani la ifak nahaji na ilany nahaji to nakwan hongete. 4 Nahayi fad ifahi to lati, nyuo hati latwani la ifak nareji fad ngete Najyok. 5 Ora fa Muse hegiamani la iruk nihaji ho Najyok fad, nihiramahitari nireji huja fa otum otianye to namoi. 6 Nyuo hati Kristo ngete lahito la inefito nahayi ho Najyok. Ohira ijie ahaji ho ngete kuya nihitum ijie ohiwasihi nigolon ho jie cebu nipufa ho ngolon. 7 Inaha, ora toho otianyari Nolohailong Na-Onyila, "Baya, lomo netiyirusute namurutu ho ngete, 8 Hetogoloto natajio hote to ho ihwanariti fa isarayil, niho lo fa holong idayanyerete , niholong notiamariti nitimere. 9 Ngete anya lo fa otiamariti fafairok hote ne, lo fa, ningaji nehejek ongon, sing ho natialan nahigemita ho ne. 10 Inaha abu fa ne akwama niho ene hulahaji. Ajo ne, 'Odahe sing niger to tajio hosing tihitik, obu sing ojieni nehoyiha ho ne; 11 To ho etinari fa ne nihilongojita ho ne: obu hadi sing iruhini nimaji ho lowiriasere ho ne." 12 To bwanata angida, hilasira, ongida ba ibwo nataji na orohojaya obu obwon niho lobo to hiji hote, nataji na ba olotu ibielehiso nohorwong niho Najyok la isu. 13 Nyuo hati, itogolote nakwanite hote tihitik, ongida lobo to hiji hote obu itogol ta nahitonononga hepalita. 14 Ahigiama jie ho Yesu harabito nahinef ijie tanagolon niho nihiruk hojie tolochifot many nilohichungi. 15 Tanya ojimi fa, "Baya, netiyiratite nimurut ho ngete, hetogoloto natajio hote, toho ihwanariti Isarayi nihidayajierete." 16 Ngai ngete la itiyiru Najyok cebu ifiri? Obe lora hulo fa inyamaru Muse to ijip? 17 Niho ngai fa Najyok ilongojita nengaji nehejek ongon? Obe lora niho hulo fa ipalari, hulo fa onuhahini nakwanite hosing nitimere? 18 Niho bongai fa Najyok itungo ojo obu hadi iruhini nilowirasere hongete, na bu fa ors fa niho hulo fa obu obayangi ngete? 19 Ohitel ijie ojo obu fa sing otum iruhuni nilowirasere ho ne tana biangan hosing hiruk.