¹ Ora to nahisabita Kristo ohisiarahi ijie ohisabita.Inaha, tobotiati ha angida hesiarahisi otwarahini ite hari nilotwararj. ² Totialati, ne, Paulo, lazianya nihote ojo ahula nengotetete , obu hadi Kristo ohisiarahi ite niho ibwo nihoi. ³ Hari, atujwohine niho latwani niho lati fad hula anguti naburuti ho kwan ojo alotu ngete igiama to nechihita fad. ⁴ Apiahari sing niho Kristo, ite fad hula itahitete ojo ongida ohitingidari tenechihit '' Ehuyasi te niger tongidari. ⁵ Hara Nilohailong hoto nahiruk , ohitilasu ijie nihiruk hongidari. ⁶ Niho Kristo obu nanguto kuya nabiangan inguto itelehi ibwo nasinge nyuo hati nahiruk ijia ligiama to nakwama. ⁷ Inamitete fa te angida. Ngai fa lohitobwoj ite niho nabayangi ho tarihe? ⁸ Nahituguliasu nihihwanari ene obu olotu niho ngete la ohingelesito ite. ⁹ Nabula dei ipalari nemwak fad. ¹⁰ Abwon ne ho nahiruk niho te niho Lohobu ojo obu hadi te igigilete niho nehoi ibwo. Ngete la ohitafarangito ite ohorihi hadi narohoji hongete, ngete laja. ¹² Hilasira,heramahita ne nahiramita honguto, nanyuo hati hohitegiame ne?Itelehi ojo ongilari hadi nahititihiteni ho hite na ikwala. ¹¹ Egigilo ne ajo ehule ohitubunyari ite ikie ofwe nihatemeni cebu ongeleti nakwanite hosing . ¹³ Ahingeleu ite Najyok, hilasira, niho nahisabita.Helimariti nahisabita hote. Hegiamariti nahisabita hote niho newahita ho kwanite hote,nyuo hati to nakwama tolwahiti nakwanite hote. ¹⁴ Itusuhi nichihita fad nichihit abito, niho "Tokwame latwani la iliha nihoji toho nakwan hoji.'' ¹⁵ Nyuo hati nehwanyatite nakwanite hote, totialati ojo obu te itilahinete harabito. ¹⁶ Ajo ne, todahati to Nolohailong, obu ba te ituhohisi newahita ho kwanite. ¹⁷ Owak nakwan nerohojita ho Lohailong cebu Nolohailong idaya newahita ho kwan, obu hunya iriamahine many ba isiarahi ite ihwanata nareji huja obu te iwahata igiama. ¹⁸ Nyuo hati nahinyamito ite Nolohailong, obu te ibwanata niho nechihit. ¹⁹ Tahanya oleyeji nahigemita ho kwan. Orahi sing nohijiejiasu, nahibot, nahasomon, ²⁰ namojok hodengetio, lahamomwalak, lahangalak, lahakwarahitak, lahaswak, lahahautak, laharigak, laharisak, lati hula igigile ojo sing fad lohilany, ²¹ lamerok, laharumak, hula arahi, ho nanareji hinihe huja orahi tohohunya. Ahireng ne ite, toho ahariangari ne fa ite berien, ojo ehule igiama hunya reji obu hadi olunyohini nahang ho Najyok. ²² Nyuo hati nahangeri ho Lohailong ngete nakwama, nakwama bebe, nahiruk, ²³ nahitilasu, nariajan, natuna-ho kwan.Obu nechihita idayari hunya reji. ²⁴ Ehule orahi aloho Yesu Kristo agurohini nakwanite hosing ho ningatita cebu ho nawahita huja iboti. ²⁵ Nahisu ijie to Nolohailong, ikie cebu ijie ohidaha to Nolohailong. ²⁶ Ikie ijie obu ohipufa,ongida ijie obu ohisuswa nakwanitebhojie, kuya ohiswa nikwanite hojie.