¹ Hilasira, nenifini latwani nihipalita hinihe, ite hula irahata aheruk ongida ilwahusu ngete ele twani to nalwaha ho ngidari.Totialata soni nakwanite hote, ojo ongida ite ibe ihuyarahinete nipalita. ² Totingoto nerohojita ho hilihe, cebu imudutahisi nechihita ho Kristo ³ Negigilo lobo ojo ara ngete nareji fad ngete hati obu ojien ibwo nasinge, itonwaga ngete nakwan hongete. ⁴ Ongida latwan otif nahigiama hongete,tinya ngete hati ba abwon ho napufa nikwan hongete,nebe itekialarahiso nakwan hongete ho lobo latwani. ⁵ Otingito hadi latwani nahirwosiji hongete. ⁶ Latwani etejieni fa natianya ongida ohwarahi nareji huja ongidari fad ho la hitejianani. ⁷ Ikie obu ohitonongi ite. Obu okeniterete Najyok. Nasinge na inujahi latwani, odengu hadi ngete cebu. ⁸ Ngete la oyihi nikwan hongete odengu hadi nahoho to kwan hongete,nyuo hati ngete la oyihi Nilohoailong, odengu hadi nahisu na osio jik. ⁹ Ongida ijie obu ohituma nahigiama na ongida, toho niholong na otirahi ohidengu hadi ijie nabu ijie ohichwarahi. ¹⁰ Tahanya, toho ohibwonitere jie ho nabahat egiamati na ongida niho lati fad, bebe niho hula to hang ho laheruhok. ¹¹ Totialata nahadori ho higierita huja egier ne nihote to nehene ho ne. ¹² Ehule owahi igiama na ongida nikwanite ohirosohini ite ningutere,ojo ongida obu itegemi sing to nahite ho Yesu na ikwala . ¹³ Obu ce ehule itunguti nakwanite hosing ijifite nechihita, nyuo hati , owahi sing ojo ongida ite ohinguti ojo ongida sing ohipufa nikwanite hote. ¹⁴ Hatum ngete ojo ongida ne abu apufa mayak to nahite na ikwala noho Lohobu hojie Yesu Kristo. Ora tongete ojo agurohini fa nafok nihone cebu ne nifok. ¹⁵ Toho obu ora nanguto hoburuti kuya nabiangan honguto hoburuti lora ebwo nasinge. Hatum duo, nangejuk hobieniso longida. ¹⁶ Niho sing fad hadi hula omanyariti anya icihit, ikie natomo hona Mehino obwon nihosing, ce bu niho Isarale niho Najyok. ¹⁷ Tobaya to ho nihatemeni ikie lobo obu ohitegiama ne, atingito ne nahaforo ho Yesu nikwan ho ne. ¹⁸ Ikie nangidari ho Lohobu hojie Yesu Kristo obwon nolohailong hote, hilasira.Amen.