¹ Lahadatajieni ho ho Galatia, nadiama hongete na ohitorohoc iji? obu fa lora Yesu Kristo itelehi ala ogurohini nihatemeni hohonyiehite hote? ² Awak ce ne jianan anya tinyi hote. Efwotusu fa te Lolohailong tanahigiama hechihita kuya nahiruk nafa itiyirusu ite? ³ Ibuyangati hati ite? Icifoto fete nilohailong ijia niho natuhohinere tahanya nikwan? ⁴ Ohiniamito fe ji bebe niho nalohoi horeji naharus, nara tarihe orahi fa sing naharus? ⁵ Inaha, igiama ngete la isiarahita Nolohailong niho te nahigemita noho nahifirang ohigiama nihiji hote nihihwana ngete to nahigemita noho nechihita kuya to nahitiyira ho nahiruk? ⁶ Abramo ''iruk fa niho Najyok ho nahitarak fa ngete ahangidarani,'' ⁷ to jianata, ojo sing hula iruhi orahi sing lemusak, ho Abramo. ⁸ Otel fa newaraga many berien ojo itingidar Najyok paganoji to nahiruk. Iramahini fa to nefanjelio many berien niho Abramo-" Nihote fad ojohi hadi nafohi fohi.'' ⁹ Ojo ehule, obwoni ho nahiruk ojwahahini hadi ho Abramo, ngete laja fa obwon ho nahiruk. ¹⁰ Ehule hula iwasihini nihigemita henechihita ipitari hadi sing,"Ipitari latwani la obu ijifito nareji huja igierehini nibuk hechihita, ''Nihigiamari ngete fad.'' ¹¹ Tahanya aleyo ojo obu Najyok itingidaru lobo to nechihita, to ''Omanya hadi lahangidarak to nahiruk.'' ¹² Obu nechihita ofwoni to hiruk, nyuo hati, ''Ngete la ihon hunya reji nichihita omanya hadi to nechihita.'' ¹³ Italahu Kristo ijie to hificheriso hechihita lofa nalotu ngete rahan ahigicho nihojie, igierehini, ''Ikie nahificho obwon litwani la ogororo nikiani.'' ¹⁴ Nahiram fa anya ojo ikie najwaha lo fa obwon niho Abramo olotu niho paganoji niho Kristo, ongida ijie ohimoju nangatan ho Lohailong to na hiruk. ¹⁵ Hilasira, atianya ne netenyita ho lati.To ho natianyahini ho lati , obe lobo itik ngete kuya ofunahi niho ngete. ¹⁶ Tahanya eramahini fa nengatita niho Abramo cebu niho lahito hongete. Obu ojo, ''niho lemusak,'' iramahiso niho nalohoi, nyuo hati otianya niho abito, ''niho lahito hoji,'' ngete Kristo. ¹⁷ Tahanya ateny ne anya.Ojien Najyok nayomo many berien obu owak nengatita hongete itihi to nechihit na olotu niho nangaji namiya abito ho nehejek hutik(430)nihalu. ¹⁸ Nabwon nalunyohita to nechihit,habu dwo otum olotu to nangatan,nyuo hati isiarahi Najyok nalunyohita niho Abromo naharus tanangatan. ¹⁹ Nanyuo hati fa necihit obwon? Tanahilongojita afunahini fa ngete, many nalotu lahito ho Abramo niho ehule hulo fa ongatahini ngete, anjilo ho nahihwanahiso fa nechihit tona golon to nehene ho jayo. ²⁰ Tahanya abu lajayo ora latwani abito, nyuo hati Najyok ora abito. ²¹ Idaya nechihit nenagatita ho Najyok? Obu tur!Nesieri fa nechihit lo fa otum iyeno nahisu, hatum dwo nangidari olotu tenechihit. ²² Nyuo hati, otwarahi nabuk nareji fad nipali.Nangatan ho Najyok hojie ngete nihitalahinere ijie to nahiruk niho Yesu Kristo isieri fa niho ehule iruhi. ²³ Nyuo hati fa berien hobe nahiruk olotu niho Kristo, ohitwara fe jie cebu ohitihite to nechihit many niholong ho leyeji ho hiruk. ²⁴ Alotu fa nechihit rahan nihojie ahetejianani nihiyenere ijie niho Kristo, ojo ongida ohitingidari ijie to nahiruk. ²⁵ Tahanya alotu nahiruk, obu jie ohibwon niho lahetejianani. ²⁶ Erahatati fad emusak ho Najyok to nahiruk niho Yesu Kristo. ²⁷ Ite fad hulo fa ohijuhohi niho Kristo imuhohisi nakwanite hote niho Kristo. ²⁸ Obe lobo ora loho Grik,lahegiamani kuya lahesabitani, laleye kuya nangorite, toho ibwanatate fad abito niho Kristo Yesu. ²⁹ Nerahatate noho Kristo, irahatate loho lemusak ho Abramo, lololunyot toho ojo nangatan.