¹ Tiye nihalu hengasi tomon ho ngon ne ho naloten hari many Yerusalem ho Barnaba, eyaru Tito ho ne. ² Alo fa ne nihide tona nyuo Najyok fa lohimwangahi ne ojo ongida ne alo. Ne fa ho neramahi ne nihosing nefanjielio na eramahita niho Paganoji, nyuo hati atianya fa ne hosing hama niho ehule hulo fa iyarite hilihe ojo ongida ne abu enamita, kuya enam naharus. ³ Hati cebu obu Tito, ngete lofa ohibwon hone, ngete lofa ora aloho Greek, arosohini fa nguton nakwan hongete. ⁴ Anya hiram odetino fa tona nyuo lahagesemok hohilasira hojie sing fa hula ofoni edidimito ho isabita na obwonitere ijie niho Kristo Yesu. Imane fa sing ojo ongida ohihoni ijie ahegiamak arus niho necihit. ⁵ Obu fa ijie ohibwon honahiruk niho sing adobu nasa abito, ongida naja natarihe hona tianya hohutuk na odwa kuya ongida iwasihi bwanan ana obu ibielo niho ite. ⁶ Hati ehule sing hula ojimi hilihe ojo lahenyiamitok fa obu ihuanahini ibwon nasinge niho ne. Toho nasinge na igemi fa sing obu ora ahiram niho ne. Obu Najyok iruk nahisisita holati. ⁷ Hati atum fa, sing oteli ojo awahitita mone hiramahiso natianya na odwa nigo ehule hobe onguti naburwo hosing. Ora ce toho Petur ngete heramahi fa niho ehule anguti naburwo hosing. ⁸ Toho niho Najyok, ngete lafa igemito niho Petur niho nahiramahitari hotianya hojyok niho ehule fa anguti naburwo hosng, cebu egemi fa niho ne tolati hula obu orahi loho Jews. ⁹ Nofa Juma, Cephas, Yuwane, sing hulo fa ojimi ojo sing ehule hula fa ifahi nakelesia, ojieni fa nangidari naja fa esiarahini niho ne, isiarahini fasing namojiniso hehene neteten ho Barnaba cebu hone. Ihoni fasing anya ojo ongida ijie ihifwo niho lati hula obu orahi aloho Jews, hoce bu ojo ongida sing obu ihifwo niho ehule sing hula anguti naburwo sing. ¹⁰ Owahi cebu sing fa ijie ojo ongida ohigigilo lahaparitak. Ne cebu fa lanyinyik nihigiamari ene singe. ¹¹ Tahanya lofa nalotu Cephas toho Antioch, ne honarianyahiso nihomom hongete nyuo ipalaya fangete. ¹² Many berien hobe hilihe lati fa ofwoni niho Juma, onyiesite fa Kefas harabito holati hula obu orahi aloho Yahud. Nyuo hati lofa nafono hulati, ngete hona hitobwoj cebu hinaloten tiye hehule ati obu orahi aloho Yahud. Obayangahi fa ngete tohulati sing hula owahi nanguto hoburwo. ¹³ Cebu hula latonge holati hilihe hona hitilahino niho anya tiana hogesemi ojo otirahi ho Kefa. Naleyeji hohiram fa na ojo adobu Barnaba ebwahare fa tohoda tona jiman hosing ojo ohijien sing. ¹⁴ Hati lofa naher ne ojo obu fatiadi sing ijifite natarihe hotianya na odwa, ne hojiman niho Kefa nihatemeni hosing fad, ''Nara ite Lati hoJews hati imanyati nihoi holati hula obu irahata loho Yahud hatum duo nimanya hehoi ho Jews, tatali ite irosete lati hula obu orahi aloho Yahudomanyie toho Yahud?'' ¹⁵ Ijie hula ohira aloho Yahud tonayisiniso hoce bu obu ''Alati hama hula lahepalak" ¹⁶ tojianata ojo obe lobo oherino fa to higemita noho nechihit. Nyuo hati otum, sing oleyeji tona hiruk niho Yesu Kristo. Ihifonu fejie tonahiruk niho Kristo Yesu ojo ongida ijie otum ohileyo niho nasinge na ohihon ijie to önahiruk niho Kristo cebu obu tonahigemita noho necihit. Noho toho nahigemita noho necihit obe lobo latwani oherino niho nasinge na ihon ngete. ¹⁷ Nyuo hati nara, nahorihi ijie lohitahito Najyok ojo ongida ohitelehi ijie niho nareji huja ohihuana ijie niho Kristo, ohihorihi cebu ijie nakwanite hojie ahepalak, ora cebu Kristo ahegiamani ohipal? Kuya habu ora ngete! ¹⁸ Toho nara ne lefak nabwanan hone hama nihinefitere nefihit, nabwanan hone hama na acirahine nifok, etelehini nakwan hone toho latwanj laja gjlani hechihita. ¹⁹ To nechihit ayeyehi fa ne niho nechihit, ojo ongida ne atum esu niho Najyok. ²⁰ Ahigurohini fane ho Kristo. Abu ora ne ngete ale amnya, hati Kristo lomanyitito niho ne. Namanya na tahanya na amanyari ne tonakwan hone amanyari ne tona hiruk niho lahito ho Najyok, ngete lofa ohikwama ne hoce bu isiarahi fa nakwan hingete niho ne. ²¹ Abu ne ihon tona biangan hongidari ho Najyok, toho hara fa napitan homanya losio to nechihit, hati tiye Kristo fa hayeyehi naharus.