Nengat 5

1 Inaha, igiamati to Najyok, lemusak ho ngete hula okwama ngete. 2 Todahati to nakwama to ho ohikwamari ite Kristo isiarahinere nakwan hongete to jie. Ora fa ngete ahiyalita, eheru na owuru niho Najyok. 3 Nasomon kuya ho nahibot kuya nahihaura ongida iramahini nihiji hote, ongida niho laheruhok. 4 Kuya ongida iramahini nadataru, natianyita huja orohoji, kuya nahilimita huja orohoji. Ikie nawa obwon. 5 Kuya ijimatate ojo obe nasomon, nahibot, kuya latwani la ihaura, ngete, nakilare naharus, obe obwon ho nalunyohiso nihaji ho Kristo ceNajyok. 6 Ikie lobo latwani obe ohitononong ite to netenyita huja obe otiri. Tohunya reji obolo nahilongojita ho Najyok na olotiniso niho lemusak ho laharohojak. 7 Itilahinete nihigiama hosing. 8 Ibwanata fa te nidimele, nyuo hati tahanya ebwanatate nifangan ho Hobu.Todahati emusaK ho fangan. 9 Na ngidari ho fangan obwon ningidarita fad,cebu nitarihe. 10 Tohorihisi nasinge na ongida niho Lohobu. 11 Heruhisi nihigemita huja obu ongidari no ho nedimele. Ati, itelesu sing niger. 12 Nareji huja igiame sing obe ojiani ora ariri nihiramahinere. 13 Nareji fad, netelini sing nifangan, aleyeji. 14 Nasinge neteleni ora afangan. Inaha, ojo, "Todete, iji la igeto, cebu idetino niho lahayeyak, cebu Kristo owulo hadi nihoji." 15 Inaha, todahati angida lobo nedahatite, hebwanata ahula obu ileferojoto nyo hati tobwanata ahula ileferojoto. 16 Italahusu noholong to nanyo, orahi noholongi aharohojak. 17 Hebwanata ahadatajok. Nyuo hati, tojianata nanyuo nawahan ho Lohobu. 18 Herumatitete nabalu,ohiyaru iji nirohoji. Ati, ifutata to Nolohailong Na-Onyila. 19 To tianyati nikwanite hote to nahiruhita ho na fureto ho lohailong. Iruhe cebu imojo to nataji hoji niho Lohobu. 20 Isiarahite na awa to nareji fad to nafure ho Lohobu hojie Yesu Kristo niho Najyok Lamonye tihitik. 21 Isiarahisi nakwanite hote nihiji hote to nabayangi ho Kristo. 22 Nangorwo isiarahisi nakwanite hote niho habiehin hote to ho niho Lohobu. 23 Ora laleya amonye ahouti niho nangorite to ho orahitere Kristo ahou ho kelesia. Ora ngete ahetalahini ho kwan. 24 Nyuo hati to ho obwonitere nakelesia nihene ho Kristo, ongida cebu nangorwo orahi to ho ja niho hebiehin hosing nireji fad. 25 Laliawa, tokwamati nangorwo hote to ho okwamari Kristo nakelesia cebu isiarahi nakwan ho ngete niyeyi to ngete(Nakelesia). 26 Ihon ngete anya ojo ongida nakelesia onyila. Ihon ngete anya to nahari hotianya. 27 Ihon ngete anya ojo ongida ngete esiarahi nikwan hongete nakelesia na okwat, na obe hebwo nepal nyuo hati na onyila obe hebwo nepal. 28 Ite naliawa, tokwamati nangorwo hote to ho ikwamaritite nakwanite hote. Latwani la okwama ngore,okwama nakwan hongete. 29 Hobe lobo latwani idaya nakwan hongete. Ati itoboloro ngete cebu okwama ngete, to ho okwamari Kristo nakelesia. 30 Ohira ijie akana ho kwan hongete. 31 "Tanya tianya idahi hadi laleye monye hongete cebu hotenge, ho nahitilahino niho gurunangete, sing ho nafwoni rahan abito nikwan." 32 Natianya anya na obolo na idimaru, nyuo hati atianya ne nihote to nakelesia. 33 Obu oroho, ikie ite ikwamati nangorwo hote to ho ikwamaritite nakwanite hote, cebu nangorwo ikie obayangi habiehin.