1 Inaha, ahatwarani ho Hobu, elelia ne niho te ojo ongida ite idahati ahula inyilata niho nangeleniso na ohingelenere ite Najyok. 2 Tomanyati to nariajan na obolo cebu nangidari. Ifwotusu nakwanite hote to nakwama. 3 Igiamati harabito to nolohailong noho nangidari ho yomo. 4 Ora nakwan abito cebu Nolohailong abito, to ho ohingelenerete fa ite niho nahiruk ho wahan hongeleso hote. 5 Cebu obuon Lohobu abito, nahiruk abito, nabatisimo abito,b 6 cebu Najyok abito cebu Monye ho lati fad, la ora ngete ilanyu fad, to nareji fad ho niho fad. 7 Esieri nihojie neyalita to netemit heyalita ho Kristo. 8 Nabuk lojo, "Lofa nadok ngete nahadori, iyaru ngete lahatwarak nilotuarari. Isiarahi ngete neyalita niho lati." 9 Nanyuo nafotiri ho "Adok ngete, "mayak ojo angiru ngete nifok? 10 Ngete la ongiru ngete la latwani abito lodok nihide. Ihon ngete anya ojo ongida ngete etofut nareji fad. 11 Isiarahi Kristo neyalita to hoja: lahejifitok, laheramahitak, lahetotosok, ho hiramita, cebu lahetejianak. 12 Ihon ngete anya ojo ongida laheruhok obwoni ho nagolon nihigiamari, niho nabia ho kwan ho Kristo. 13 Ihwana ngete anya many ohisiahita ijie fad nihitilahino ho hiruk cebu noho gianyan heha Najyok. Ihwana ngete anya many nahibolo jie toho hula esiahite nibolori ho Kristo. 14 Ora anya ojo ongida ijie obu ohira to lemusak. Ora anya ojo ongida ijie obu ohisulari. Ora anya ojo ongida obu ohikwarare ijie to nolobwangi ho hitejiana, to nahitonononga ho lati. 15 Nyuo hati, ohitianya ba ijie natarihe niho nakwama cebu ohibolo nihoiha fad niho ngete la ora ahou, Kristo.b 16 Eruhi Kristo nihiji ho laheruhok harabito. Iniafahino harabito to namori ojo ongida nakwan fad obolo cebu obiehi nakwan ho ngete to nakwama. 17 Inaha, tojimata anya,ohitokwat ba ne ite niho Najyok: ikie ite obu idahati to ho odahariti paganoji to narohoji hegigilita hosing. 18 Irwohi nahigigilita hosing. Inami sing niger niho namanya ho Najyok to nabiangan hosing jianan to nagolon hotajio howing. 19 Obu sing obwoni ho nariri. Isieri sing nakwanite hosing nikwamita ho higiemita huja iboti, te nehoiha huja oluaji. 20 Nyuo hati obu lora nihoi naja na nihoji na otum iji ijianari Kristo. 21 Egigilo ne ojo etiyiri iji ngete. Egigilo ne ajo ahitenyieni iji niho ngete, to ho obwonitere natarihe niho Yesu. 22 Iduhasi nimajita hote huno fa ho berien, latwani laragangani. Latwani laragangani ngete lohitumudangariso niger to newahita he tononongita 23 Ongida ohitelengejuhi iji niho nolohailong ho hou hoji, 24 ongida iji ijiefitete latwani langejuk, la obieu Najyok ningidari ho ninyilaji ho tarihe. 25 Inaha,iduhasi nagesemi niger." Totianya natarihe, latuani ho latwani la onyihite ho ngete," nyuo ahira ijie harabito." 26 Ilongojita ati hepalaya." Hedahi noholong odoyo iji helongojita. 27 Hesiarahi laharohojiani namaji. 28 Latwani la ohoholiso ongida obu ohoholiso hari, nyuo hati,ongida igiama, igiama angida to nehes hongete, ongida ngete otum ihwarahiso niho latwani la owak. 29 Ikie ibwo natianya na orohojaya obu olotu tohutuhe hote. Nyuo hati netenyita huja ongidari nihitobolorinere hilihe toho owahi sing, nihisiarahinere sing nihosing hula itiyire. 30 Hetolongojitati Nolohailong Na-Onyila noho Najyok, ora to ngete lohisiarahi ite ohitinyilaji niholong ho hitalahino. 31 Ongida ite iduhasi niger, nahilongojita, nahigogworita, cebu nahimomoro, ho nareji huja orohoji fad. 32 To riajata nikwanite hote. Ikie natajio hote irebiji.Tolahahisi nepalita ho hilasira hote to ho olahahinere Najyok niho Kristo ite.