¹ Lemusak, to bayangata monye hote hiyangirok hote niho Lohobu, ongida anya. ² "Tobayanga monye hoji he iyang hoji"( nechihit nolohichahi anya ho nahitina), ³ "Ongida olotu ngidari nihoji cebu imanya hadi iji tek inyi nifok." ⁴ Cebu ite monyie,hesiarahisi lemusak hote ilongojite. Ati, itobolorusu sing to nariajian cebu nitenyita ho Hobu. ⁵ Lahegiamak, to bayangata lolohitaha hote hula obwoni iji nifok to nabayangi na obolo ho nahihihira, to na ngiadari ho tajio hote. ⁶ To bayangata sing to ho ibayangaritite Lohobu. Hebayangata ce nomo nabwoni lolohitwaha hote iye nihi tokwamari sing. Ati, to bayangata to ho irahatate ahegiamak ho Kristo. Igiama nawahan hon Najyok to nataji hoji. ⁷ Igiama to nataji hoji fad, to igiama iji niho Hobu obu lati. ⁸ Ongida iji ijien ojonasinge na ongida ihon latwani, ohorihi hadi ngete neyalita niho Lohobu, kuya ora ngete apiti kuya obu. ⁹ Ite lolohitwaha, ihwanati nasinge na okialare niho lahegiamak hote. Hetabayangati sing. Ijianatate ojo lolohitwahaji hosing ho lohote obwon nihide. Ijianatate ojo obe nahigegiala niho ngete. ¹⁰ Nilohichungi,togoloto niho Lohobu cebu niho nagolon hongete. ¹¹ Ijiafahisi nateregel ho Najyok, ongida ite ibotiati na ogol nihigiama ho laharohojiani. ¹² Obu nangalasu hojie ora noho nakwan ho nohoto. Nyuo hati, ora nangalasu noho gala cebu nolohailongi ho lahabolorok ho lati hula ilanyi nihanya hang horohoji noho idimele, nangalasu niho nalohailongi huja orohoji huja obwoni nihide. ¹³ Inaha, ijiafahisi nateregel ho Najyok ongida ite ba ibotiati angida niho nagalasere ho laharohojiani nihanya holong orohojaya. Ihwanata nareji fad, huja otum ohisieri ite ibotiati angida. ¹⁴ Inaha, tobotiati angida. Ihwanata anya nomo nituhohisi te natwarahiso netorit hongagwo hotarihe cebu netorit hohik ho taran. ¹⁵ Ihwanata anya nomo nehuhumahisi te nehejiaha hote nihi totosere ne Efanjelio ho yomo. ¹⁶ Nirohojita fad, iduho nabuhu ho hiruk, na ba igiarariji nateria ho laharohojiani. ¹⁷ Cebu ijiafahi natarabuk ho hitalahino cebu nanyaliru ho Lohailaong, ngete natianya ho Najyok. ¹⁸ Niho namaojo cebu nahifisita , tomoje noholongi fad niho Nolohailong.Tanya, totiala to nariajian cebu nimojita ho laheruhok fad. ¹⁹ Tomoje to ne, ojo, ongida natianya isieri niho ne nomo nanga ne nahutuk ho ne. Tomojie ojo ongida ne eramahi to nahingereji natianaya nofa idimaru noho Efanjelio. ²⁰ Ora to nefanjelio ngete anya larahitere ne ahatianyani nilotwarari, ojo ongida nihosing ne atianaya to nahingereji to ho awahitere ne itianyari. ²¹ Nyuo hati, ongida cebu iji ijien nemanyita ho ne cebu tatali ne abwon,Tichikus, lahilasi, cebu lahegiamani la iruk niho Lohobu, iramahi ba nihoji nareji fad. ²² Asulahi ne ngete nihoji tanya higiama, ojo ongida iji ijien nareji hojie, cebu ongida ngete iterebij natajio hote. ²³ Ikie nayomo obwon niho lahilasirak cebu nakwama to nahiruk niho Najyok Lamonye cebu Lohobu Yesu Kristo. ²⁴ Ikie namehino obuon niho hula fad okwame Lohobu hojie Yesu Kristo to nakwama na obu oye.