1 Otianye fa Petur ho Yuwana niho lati, lapadir ho latwani le i nefito netempulo cebu niho lati lagesemok ho nafwoniso niho sing. 2 Abwoni fa sing bebe ho nahilongojita to nahitejiana ho petur ojo Yoana lati to Yesu cebu iramahite nahibuhuniso ho Yesu to yeyi. 3 Hanahinef sing ho hanahihwanahiso sing nilo twarari many hubanyi, toho ara fa atari. 4 Nyuo hati niho lati hula etiyiri nahiram iruhi; laliawa hula iruhi orahi fa sing nalif miyet. 5 Loboholong hongete, lahabolorok hosing, laragang, cebu lahegierok, ho nahifurohino harabito Yerusalem. 6 Obwon fa Annas lahaboloroni ho padir da, cebu, Kaiphas, ojo Yuwana cebu Alesanda, cebu niho lati hula orahi noho nekat ho padir lobolo. 7 Lofa ne hwanahini sing Petur ho Yuwana nihiji hosing, sing ho nahifiasu sing, "Ta ni golon, kuya ta nafure ho ngai, ite ihwanata anya? 8 Tinga Petur, la ifut ho Nolo hailong Na-Onyila,ho najiman niho sing, "Ite lati hula ine fitete lati, cebu lolohitwaha, 9 kuya natum ifii anya holong to nahigemita huja ongidari huja igemi niho latwani la odiha----to nanyuo fa ihoni ale twani many ongidarari ngete? 10 Ikie ite fad jianata anya cebu niho lati ho Isarayil fad, ojo ta nafure ho Yesu Kristo lo Nazaret, lofa igurohisite, lo fa itubuhu Najyok to yeyi---- ora to ngete ale twani obotiari la ogol nihatemeni hote. 11 Ora Yesu amorwo lo fa idayasite lahefahak nyuo hati itarahi ngete ahifahi hegele ho haji. 12 Obe nahitalahino niho lobo latwani: obe ibwo nafure no bwon nifotiri ho hide, na isieri niho lati, na otum ohitalahinerete ijie." 13 Tahanya lo fa nateli sing nahingereji ho Petur ho noho Yuwana, cebu ojieni sing ojo ohibwon bado sing hama, lati hula obu ikeni, ihiahe sing fad, afwoni sing jianan ojo Petur ho Yuwana obwoni sing harabito ho Yesu. 14 Tananyuo ateli sing latwani le huhumi obotia ho sing, obu singe obwoni hebwo nasinge na otum sing otianye niho ngete. 15 Nyuo hati lo fa ne ramahini sing lahejifitok ongida idahi namaji hetima ho lohitwaha, sing ho natianya nikwante ho sing. 16 Sing ho najiman, "Nanyuo jie hahitum ohihon niho hule ati? Niho natarihe ojo ajieni lati fad hula omanye Yerusalem nadwaran na igemi sing, habu jie ohitum ohimon ngete. 17 Nyuo hati ongida ngete ongida ngete obu isarahi bebe niho lati, eriangata sing ongida obu otianye hari niho lobo tanya fure." 18 Sing hanangialaniso Petur ojo Yuwana hanahiramahiso sing ongida obu otianye kuya itejiane tana fure ho Yesu. 19 Nyuo hati Petur ho Yuwana hanajiman niho sing, Kuya otirahi nihatemeni ho Najyok ni bayangari ite ilany Ngete, tongototo. 20 Habu jie ohitum nitianyari niho nareji huja ahitel jie cebu ohitiyir.' 21 Nihalu hohirianga Petur ho Yuwana, sing ho nahidahiso sing ofwe. Ogol fa niho sing nahorihinere ibwo nehoi nihitegiamari sing, tananyuo lati fad itokwate Najyok ta nasinge lofa ihoni. 22 Latwani le mang nadwaran ni lwahinere elanyi fa ne ngaji ho ngete ne hejiek ho ngon fad 23 Lofa nedahini sing isabite, Petur ho Yoana ho nafwoniso niho lati hosing ho nahiramahiso nasinge reji fad huja otianye lolohitwaha ho padiri cebu laragang nihosing. 24 Lo fa netiyiri sing, sing fad ho natingon namuruto hosing niho Najyok harabito ho najiman, "Lohobu, iji ibieu nahide ho ho nafok ho nadiali, ho nareji fad huja obwoni niho sing, 25 iji la ibwon to Nolohailong Na-Onyila, tana hutuk ho monye hojie Davide lahegiamani hoji, ojo, 'Nanyuo nahingite ho paganoji ipalare,cebu lati igigile nareji huja orohoji? 26 Ihwanahini lohobuok ho fok nakwanite hosing harabito, cebu lahabolorok efurohine harabito amerok ho Hobu, cebu amerok ho Kristo.' 27 Tarihe, niho Herode cebu Pontio, harabito ho paganoji cebu lati ho isarayil, ifurohine harabito niho anya hang idayari sing lahigiamani hoji la onyila Yesu, lofa inyumu ji. 28 Ifurohine sing harabito nihihwanari nareji fad huja ihon nehene hoji cebu nawahan na inyumu ji nihatemeni ongida oleyo. 29 Tahanya, Hobu, totiale niho nahirengita hosing cebu isiarahi natianya niho lahigiamak hoji ongida otianye to nahingereji. 30 Ongida ba lomo nerwehi ji nehene hoji nihitingidarari, nahitelehiso, cebu nahigiama na ogol ongida idwong ba to nafure ho lahigiamani hoji la onyila Yesu." 31 Lo fa natuhohini sing namojo, namaji lo fa ifurerete sing harabito ho nahihihira, cebu sing fad nahifut ho Nolohailong Na- Onyila, ho natianye nahiramita ho Najyok to nahigereji. 32 Nalohoi ho lati hula iruhi orahi fa ho natajio abito cebu nolohailong abito: cebu obe lobo nihosing nareji huja obwoni nihongete orahi anoho ngete ati , obwoniterete sing nareji fad anohosing. 33 Tana golon lahejifitok ho nahiramahiso natianya no ho nahibuhuniso ho Lohobu Yesu, cebu nalwaha na obolo ho nabwanan niho sing fad. 34 Obe fa lobo latwani to hiji hosing obe hebwo nasinge, niho hulo fa inefite nafok kuya nahayi etenyiangari sing ho nahiyeno narobia ho reji huja itenyangari 35 ho nahihwanahiso nihejiaha ho lohejifitok. Ho nahihohwarahiso niho laheruhok fad, toho owak latwani. 36 Yosefo, loho Lefi, latwani loho Sipira, isiarahini fa nafure ojo Barnaba to lahejifitok (ngete lofa ibieli ojo, lohito ho hetogoloni). 37 Obwonitere nafok, ho nahite ngariso ho nahiyeno narobia ho nahihwanahiso nihejiaha ho lahegiamak.