¹ Lofa najimi ojo ikie ijie ohi fwo toho itali, sing ho na hisiarahiso Paulo ho lahatwarak hilihe niho lolo hitwahajik ho segere la onya nafure Julio, loho lengaji ho Augustino. ² Ijie ho nadwahahiso natigol to Adramttiam, lofa awak idaha toho Asia.Ijie ho nafoten toho nisigor. Aristarcha to Tessalonika to Makedonia afwo hojie. ³ Lofa to nahubanyi ijie ho nangirehiso nihiji ho hang ho Sidonia, nimaji na ihwanari Julio niho Paulo angida ho na hidahiso ngete olo niho morit ho ngete ongida ohorihi natiala angida. ⁴ Toda, ijie ho nafwoten nisigor ho ho nadaharu hilur hara nidenge Sipra lo fa obwonitere nolobwangi na orohojaya nihojie. ⁵ Lo fa nahifwojie ohilang nahari na onyiha niho Silisia ho Pamfilia, ijie ho nafwoniso toho Mira, nehiji ho hang ho Lisia. ⁶ Da, lolohitwahajik ho nahorihiso natigol to Alesandria lo fa odaha toho Itali. Ngete ho na hihwanahiso ijie da. ⁷ Lofa nafwo jie kai kai niho noholongi huja olwaji ho na hisiahita to nagolon niger ho Snida, abu nolobwangi iruk niho jie nifojiere nihene hoi, ijie ho nafoten toho Crete, niger ho Salmone. ⁸ Ohifwo jie teneger ho hari to nagolon, many nahifwonu jie niho ibwo nahang nongele nahide na ongida na onyiha nihiji ho hang ho Lasea. ⁹ Ahiyaru jie tahany taha nya, niholong obolo, niholong na itwenerete Yahud obe onyese aringa, alotu bwananan na orohojaya taha nya nidahari. Paulo ho na hirianga sing, ¹⁰ ho najiman, "Laliawa, Atel ne ojo nadaha na ohiwak ijie iyaru obwon ba ho nolohiriafit cebu ho nalitariso ho reji,obu ce nareji hama ho natigol, nyuo hati cebu ho nahisu hojie fad." ¹¹ Nyuo hati lolohitwahajik ho segere ho nahitiyira angida niho lohobu ho cebu niho la monye ho tigol, ilany ehue reji oteny Paulo. ¹² Tananyuo obu nolowiriasere obwon ho namaji nolohitwengere to nahameu,eramahini fa lahayirok ho tigol ongida ofwes hara da, kuya nahitum ijie nihisiahitere nihang ho Fonik, nihitwengere to nahameu da. Ora Fonik amaji na obojiterete natigoli niho Krete, ongolo ngete eger ho lotulunere ho holong. ¹³ Lofa nechak nolobwangi noho nihajong ihuta kai kai, lahaiyirok ho nahigigilo ojo ongida sing ohitemi nasi ge na otwarahini nihofito ho nafwoten to ho Krete na onyiha niger ho hari. ¹⁴ Nyuo hati lo fa neyaru kai nolobwangi na ogol cebu orohojaya na ongele tehajong toho niteten, hanahichak beho niho jie tolo langitari ho denge na obwon nihari. ¹⁵ Lo fa nenefi natigol to hatemeni many obu ongolo to ho nilobwanga,ijie ho nahipalahiso niho ngete ngete nihiyaru ijie. ¹⁶ Ohinam ijie hara nimaji na itihi nolobwangi lo ho nadenge lo omuta longele Kauda; tanagolon ijie ho nahitohoriniso natigol. ¹⁷ Lofa natingihini sing ngete nihide, sing ho nahi giamari nohofi ho ngete nitwarari namaji hongete nowudo. Obayangi fa sing ojo ongida ijie ohinam namasik ho singati ho Sirti, sing ho nahidahiso nifok nareji huja irosiji ayirere sing. ¹⁸ Ijie ohi bek fejie nahila, toho lofa hohu banyi layireni hana hi cak ipirehita nareji niho natigol. ¹⁹ Niholong no ho hutik lahayirok ho tigoli ho nahi pireriso negole ho tigol tene hes hosing. ²⁰ Lo fa nabe noholong ho nahanger inwohite niho jie niho holongi olwaji,nolobwangi na ogol hetiringa beho nihojie, ahebe ijie ohbwon hope nahi gigilo ojo ohilwahino beje. ²¹ Lo fa netwongi sing noholongi olwaji nebe ngirang, Paulo ho nabotia tohiji ho layirok ho tigoli ho najiman, "Laliawa, hetiyirati dwo te niho ne, obu ifwosu to Krete, habu dwo ohihorihi anya miajan ho cebu nihi palariso. ²² Tahanya ahitogolohi ne ite ojo, obe ba ibwo nahitilitarisovho hisu nihiji hote, nyuo hati narohoji ho tigol. ²³ Longole harie, angjilo ho Najyok ani la ara ne alohongete, la amojo ne--- angjilo ho ngete obotia niger ho ne ²⁴ ho najiman, "Hebayang, Paulo. Ongida iji ibotia nihatemeni ho Caesar, itel, Najyok tanariajan ho ngete esiarahi nihoji niho sing fad hula idahati hoji. ²⁵ Inaha, hule, togoloto,eruk ne niho Najyok, ojo olotu ba idwong to ho lofa irama hinerete niho ne. ²⁶ Nyuo hati ongida ijie ohiyiroro hara nidengeto." ²⁷ Lofa ara hi naharieji tomon ho ngon, toho lo fa ohiyiroro jie ta anya hoi niho Adriatic na magor, niho nehiji ho harie layirok ho nahigigil ojo adahahine fa sing nifohoi hinihe. ²⁸ Sing ho natiaman nawudori hohari ho nahorihiso ojo iyaru nimitiri nihejek hutik; sing hanatiaman hari ho nahorihiso nimitiri tomon ho miyet. ²⁹ Sing ho nabayangi ojoohitwamahino be jie nimori, sing ho nahitingiriniso nareji ongon to kana ho na mojo ojo ikie nahubanyi olotu kerem. ³⁰ Otahite fa lahayirok ho tigoli nahidahiso natigoli ho nahitingirihiso natigol niho namagor, ho ho nahitumu muho ojo ipireri ba sing nareji to tigol. ³¹ Nyuo hati Paulo hanajiman niho lolohitwahaji ho segere cebu niho lasegere ho cebu niho lasegere, "Mayak netwenge hule ati nitigol, obu ba te italahinete." ³² Tiye lasegere hananguton nohofi ho tigol ho nahidahiso ngete ihawo nitodo ho hari. ³³ Lofa nalotiniso nafangan, Paulo ho nahiramahiso sing fad ongida iyare nangirasi. Ngete ho najiman, "Anya holong noholong noho tomon hongon na itilasetete cebu obu inyasete; obu te inyata ibwo nasinge. ³⁴ Elelia ne nihote ojo ongida iyariti ibwo nangirang, noho nahisu hote; obu ibwo nafofiti abito olitaya to hosi hote." ³⁵ Lofa nateny ngete anya, ngete ho nahiduhuniso nebune ho najiman awa niho Najyok nihatemeni ho lati fad. Tiyejie ngete hanabunyon nebune hananyan. ³⁶ Sing fad ho nabwanan ho nagolon cebu sing ho na hiyaru nangirang. ³⁷ Ohira fe jie namiya harik ho nehejiek meta harik ho ilee nitigol. ³⁸ Lofa nanye sing otume, sing ho nahihon natigol otawak to nahipirejiere nagema niger nimagor. ³⁹ Lofa nara afarani, obu sing otelini nafok, nyuo hati otel sing namaji ho lohipulere, ho sing hana tianya kuya hatum sing ohiyiroro natigol niho ngete. ⁴⁰ Sing hananguton nareji ho nahidahiso sing nisigor. Nihone holong sing ho nguton nohofi ho nahitipitahiso nohomom ho tigol nilobwangi; sing ho nafoten toho nimaji holopulere. ⁴¹ Nyuo hati sing ho nafwoniso nimaji na iriamari nilobwangi harik, natigol ho nahinam toho nifok. Nohopwo ho tigol hana golihiso da ho natongohiso na obu odaha, nyuo hati nebojit hanagila tananyuo to nahuhuta ho lobwangi. ⁴² Negigil ho segere fa ojo ongida ifadari lahatwarak ongida lobo nihosing obu ikwangaru niger iluyi. ⁴³ Nyuo hati lolohitwahajik ho segere owak ilwahiniso Paulo ngete ho nahitobwoj negigil hosing; ngete hanahiramahiso ehule otumi ikwangi ongida odwahahini nitigol berien ho iongida olangeri nitodo. ⁴⁴ Tiye latonge ho lati ijifahini, hilihe otede nitodo hilihe cebu ninareji to tigol. Niho anya ihoi ohisiahita be jie angida nitodo.