¹ Lofa nahiyiene ijie angida , ijie ho najianan ojo ongele fa ele denge lalokude ojo Malta. ² Obu lati henemaji ohifwotini ijie nahifwotiniso noho tafa tafa, nyuo hati ituwulorohini sing nahima ohifwotinerete ijie fad, tananyuo tanabehoto ho huju noholongi fad ho nahirebiji. ³ Nyuo hati lofa nefurohi Paulo nehejiek ihwanahi nihima, nanwahan ho hima ho nahitupusiniso nahiriahu niger, ho nahilulurohino nihene ho ngete. ⁴ Lofa natel lati hene ho hang natiang oyiha nihene ho ngete, sing hanajiman, "Lahefadani ale twani la ilunyu to sigor,ati obu nolokiho iruk ngete ongida isuu." ⁵ Nyuo hati ngete nahiruruhiso ene tiang nihima obe opwata. ⁶ Itilase fa sing ngete ongida olotu nifuro ho nuahan kuya oruny nayeyi. Nyuo hati lo fa natiale sing ngete obe ibwo nasinge na orohojaya nihongete,sing nahibiel nohosi hosing sing ho najiman nora ngete ajiok. ⁷ Tahahanya nimaji neliaha obwoni fa nafohi da huja orahi lahubu ho hang , latwani la onya nafure Publia. Ohitarau ijie ho ohisiarahi ijie niho noho longi hutik. ⁸ Olotu fa naja nadiaha lofa nehoni monye ho Publius odiaha hana nwahan ho cebu nadiaha ho monyiti Lofa nalo Paulo niho ngete, ho namojo,cebu ho narwehiso nehes ho ngete niho ngete ho nahitingidar ngete. ⁹ Lofa nedwong anya,lati fad to denge hulo fa odiahe cebu ho nafwoniso ho nahitingidar sing. ¹⁰ Cebu ohibayangi ijie lati to nibayangita huja olwaji bebe. Lo lofa nahihuhumahino jie nidetejiare, sing ho nahisiarahiso ijie nareji huja ohiwak ijie. ¹¹ Nihalu ho yafaji hutik, ijie ho nadaha to natigol ho Alesandria lo fa ongolihe nidenge na obwon nihiji ho hari na orahi nohosi hongete Lahilasirak laturoti. ¹² Lo fa nahisiak ijie nihiji ho hang ho Sirakase, ijie ho nahitwongo da noholongi hutik. ¹³ Toda ijie ho nafoten tana hari ho nahisiak nihiji ho hang ho Hegium. Lofa nihalu ho holong abito nolobwangi ho nahuta teten, niholongi harik ijie hana fwoniso nihiji ho hang ho Puteoli. ¹⁴ Ijie honahorihiso hilihe lahilasirak da ho nangeleniso ijie ojoongida ohitwongo hosing many noholongi meta harik.Ijie ho nafwoniso Roma. ¹⁵ To da lahilasirak, lo fa nitiyiri to jie,ho nafwoniso itaranga ijie many nilohitenyangari ho Appia ho Nihoiha Hutik.Lo fa natel Paulo lahilasirak, ngete ho najiman awa niho Najyok ho nahitogol nakwan ho ngete . ¹⁶ Lofa nahiruhi jie Roma, edahini fa Paulo otwongo hama ho lasegere hulo fa itieso ngete. ¹⁷ Nihalu ho holongi hutik Paulo ho nangeleniso harabito lolohitwaha ho Yahud. Lo fa nafwoni sing harabito, ngete hanajiman nihosing, "Hilasirak, dobu abu ne epalaya ibwo nasinge noroho niho lati kuya nimanyita ho monyie hojie,ahisieri fa ne ahatwarani to Yerusalam nihes ho lati ho Roma. ¹⁸ Lofa nahifi sing ne, owahi fa sing idahiso ne, tananyuo obe fa ibwo nasinge na otum iyeno nayeyi niho ne. ¹⁹ Nyuo hati lo fa natianyi lati ho Yahud nawahan hosing , ahitugulihini fa ne naloten nihatemeni niho Cisar, dobu fa obu ora toho ojo kuya eyeno fa ne nahitwobita huja orohojari to nahang ho ne. ²⁰ Tana loten ho ne natianya ho ne,efiu ne ojo nitialari ite cebu onitianyari hote. Ora to nasingere na obotiariti Isarayil ngete lisiarahi ne abwonitere anya nyororo." ²¹ Tiye sing ho najiman niho ngete, "Obu jie ohihorihi hinihe newaragaji to Yudeya toji, kuya ofwoni hilihe lahilasirak iramahiso kuya itianya ibwo nahiram na oroho to ji. ²² Nyuo hati ohiwak ijie itiyiriniso nanyuo ji igigilo to hule ati lonyumuni nakwanite hosing, tananyu ahijien ijie ojo otianye no oroho nimasik fad." ²³ Lofa nehuhumahini noholong niho ngete, lati ho nafwoniso niho ngete bebe nimaji na itwengere ngete. Ngete ho nahiramahiso nahiram nihosing, ho na hiramahiso nahang ho Najyok. Atem ngete itugulihiso sing niho Yesu, fad te chihita ho Muse cebu niho laheramahitak ho hiramita ho Najyok, to nahubanyi many tari. ²⁴ Eruhi fa hilihe to netenyita hulo fa otenyi, nyuo hati hilihe obu iruhi. ²⁵ Lofa nabu sing iruhi nikwanite hosing, sing ho na foten nihalu lo fa nateny Paulo anya tianya abito, "Otianya fa Nohailong Na-Onyila na ongida hara niho Ayisaya laheramahitani ho hiramita ho Najyok niho monyie. ²⁶ Ojo ngete, 'Ilo niho hulati iramahi ojo, "Tanahitiyira itiyirati be te, nyuo hati obu ijianata; Cebu tanatiala itialati ba te, nyuo hati obu ihorihisi. ²⁸ Inaha, ongida ite ijianata ojo anya italahino ho Najyok asulahini fa niho paganoji, itiyire ba sing." ³⁰ Paulo ho namanya niho nengaji harik nihaji idumatito ngete, itarau ngete lati fad hula ofwoni niho ngete. ³¹ Itejiana fa ngete nahaji ho Najyok cebu itejiana nareji ho Lohobu Yesu Kristo to nagolon. Obe lobo itobwoj ngete.