1 Agrippa ho najiman niho Paulo, "Itum ji itianya to na kwan hoji." Paulo ho natingon nehene ho ngete ho natianya nahigerite hongete. 2 "Etarak nakwan ho ne ahakwamani, hobu Agrippa, nihiramahinere nahiram ho ne nihatemeni hoji baya to nahitwobita fad noho Yahud ; 3 bebe, tananyuo ijien ji nemanyita ho Yahud fad ho nahifisita. Ahifi ne iji ojo ongida ji itiyir ne angida. 4 Tarihe, ajieni lati ho Yahud fad tatali ne etwongo many tohilahaji ho ne nihang ho ne cebu niho Yerusalem. 5 Ojieni sing ne many tolo chifot cebu sing iruhi ojo amanya ne atwani ho Farise, ho Yesu, lahejifitok ho homojo. 6 Tahanya abotia ne inyini ojo ongida ngoti nahiram ho ne tananyuo atiala ne to nangatan na ihuhumahi Najyok niho monyie hojie. 7 Ngete anyani nangatan huja ihuyahita fa namani hojie tomon habito nimojiniso to ho fa omojerete sing Najyok to naharie ho tanafangarini. Ora tanya hihuyanita, hobu Agrippa, lati ho Yahud ohitwoberete ne. 8 Nanyuo lobo nihote igigilo ojo ongida Najyok ojo itubuhu lahayeyak? 9 Niho ibwo noholong, egigilo ne tanakwan ho ne ojo ongida ne ehon hareji olwaji na orohojaya to nafure ho Yesu loho Nazaret. 10 Ehon ne hunya to Yerusalem; Ekianahi ne kristianoji olwaji nihaji ho lotwarari, cebu abwoniterene nagolon niho lolohitwaha ho padiri nihihwanari anya; cebu lo fa nefadari sing, ipirehi cebu ne nahidayariso ho ne. 11 Etegemito ne sing nikelesiaji fad ho cebu etarak sing amerok. Elongojita fa ne bebe nihosing ho arohoyo sing niha ngite hinihe. 12 Lo fa ne hegiama anyani, ne ho naloten toho Damaska ho nagolon ho nahiram niho lolohitwaha ho padiri 13 nihoi da, to nakil ho farani, hobu, atel ne nafangan to hide na ofarang ilany noholong ho nafarangi hiluru niho ne ho lati hulo fa ohidaha ho ne. 14 Lo fa nahihuye jie fad nifok, ne ho nahitiyir namurut otianya niho ne na ojo to na tianya ho Hiburu, Saulo, Saulo, nanyuo ji itegiama ne? Ogol niho ji nihidayajiere nawan ho Najyok.' 15 Tiye ne ho najiman, 'Ngai ji, Hobu?' Lohobu ho nahi tarangahiso, 'Ne Yesu la itegiama ji. 16 Tahanya todete nihide ibotia to nehejiaha ji; tanya hiram aleyo ne niho ji, ni nyu munere iji ahigiamani cebu ahapiahani niho nareji huja ijien to ne tahanya ho nareji huja ba ahitelehibne nihoji nihalu; 17 etohoru ba ne iji niho lati ho paganoji niho hula asulajiere ne iji. 18 ongida inga nohonyehite hosing cebu itebielu sing tedimele toho nifangan ho cebu togolon hesuswani toho niho Najyok, ongida sing ohorihini niho Najyok nahitalahino tepalita ho cebu nalunyohiso na ba siarahi ne nihosing ns atunahi ne niger anoho ne tana hiruk ho ne.' 19 Naha, Hobu Agrippa, abubne edaya nasinge noleyo tohide; 20 nyuo hati, niho ehule obwoni Damaska berien, cebu hula to Yerusalem, ho ni hangite fad noho Yudeya, cebu niho paganoji, etejien ne ojo ongida sing igayire cebu ibieline niho Najyok, nihigiamari nabongida noho nahiwahariso. 21 Anya hiram lisiarahi lati ho Yahud ohinefi to haji ho lomojere ho nawan hifadariso ne. 22 Alwak Najyok ne ho tahanya, abotia ne niramahinere niho lati hula obu obolori ho niho lahabolorok ojo obe ibwo nasinge na ongida ilany nasinge nofa ojimi lahiramahitak ho hiramita ho Muse ojo olotu hadi idwong; 23 na ojo ongida hadi Yesu ipadata, cebu ojo ichahi hadi itubuhuniso ngete to yeyi cebu nihiramahinere nafangan niho lati ho Yahud ho niho paganoji." 24 Lo fa natuhohi Paulo nahi geriniso netenyita ho ngete, Festo ho najiman to namurut na okwat, "Paulo, ilafayaingi ji; nahiken hoji na obolo ahitalafayang iji." 25 Nyuo hati Paulo ho na jiman, "Abu ne ilafayang, lohitwahaji Festo; nyuo hati tanagolon atianya ne nahiramita huja otirahini tanawiatan ho hohou. 26 Ojien lohobu hunya reji; atianya ne niho ngete na abu abayang,hobu fa igemi anyani te magor. 27 Iruhotote niho laheramahitak ho hiramita, Hobu Agrippa? Ajieni ne ojo iruhotote." 28 Agrippa ho na jiman niho Paulo, "niholong nosuk hetum ji itugulihi ne ara akristiani?" 29 Paulo ho na jiman, "Amojo ne niho Najyok, ajo kuya niholong na osuk kuya niholong na ohadu , obu iji hama, nyuo hati cebu niho hule fad ihitiyire ne baya, okialare hadi toho ne, nyuo hati nebe nanyororo ho lotwarari. 30 Lohobu ho nadeto nihide, cebu lolo hitwahajik ho gala, ho Bernise cebu, hehule itwenge hosing; 31 lo fa nedahini sing nahaji, sing ho natianya hama ho najiman, "Obu ale twani ipalaya ibwo nasinge na otum niyeyi kuya otwarahinerete ." 32 Agrippa ho najiman niho Festo, "Hatum olahahini ale twani hara obu ngete owak loten niho Sisar."