¹ Tahanya, Festo ho na hiruhiso nihang, to nohongi hutik, ngete ho naloten to Saesarea many Yerusalem. ² Lolohitwahaji ho padiri ho lati hoYahud hula okwati ho nahiyeno nahitwobita huja itwoborete sing Paulo niho Festo, sing ho natianya na ogol niho Festo. ³ Sing nahifiasu Festo ojo ongida ngete ongeleno Paulo Yerusalam ongida ba sing ofwe hifadariso ngete tehoi. ⁴ Nyuo hati Festo ho na hitarangahiso ojo ora Paulo ahatwarani ho Saesarea, cebu ngete tanakwan hongete anyiha ayitoyo da. ⁵ Inaha, ehule otumi," ngete ho najiman, "ongida ohifwo hojie da. Kuya nabwon ibwo na orohojaya niho ale twani, ongida ite itwoboto ngete. ⁶ Lo fa netwong ngete noholongi metohutik kuya olwaji, ngete ho naloten nifok ho Saesarea. Tanahubanyi hongete, ngete ho nahitwongo niseger ho lo ngotere ho hiramita ho na hiramahiso ojo ongida iyene Paulo niho ngete. ⁷ Lo fa nesiahita ngete,lati ho Yahud hula obwoni Yerusalem ho na botia niger ho ngete, sing ho natianya nahiteobita hosing huja ogoli bebe huja obu otum sing itetelehini. ⁸ Paulo ho nahigiara nikwan ho ngete ojo, "Obu ne edaya nafure ho lomojere ho Yahud, abe cebu edaya Saesar, ehon ne norohojaya." ⁹ Nyuo hati owak Festo i horihiso nangidari niho lati ho Yahud, ho nahitarangahiso Paulo ho najiman,"Iwak ji loten Yerusalem ongida ne alo ngoton nolokiho hoji to da to hunya reji? ¹⁰ Paulo ho na jiman, "Abotia ne nihatemeni ho lohitwengere ho longotere ho Saesar namaji na otum ongoterete ne. Abu ne epalaya niho lobo latwani ho Yahud, toho ijianitere ji angida. ¹¹ Adobu hehon ne noro kuya nehon ne nepal na otum iyeno nayeyi, abu ne edaya nayeyi. Nyuo hati narahi nahitwobita hosing agesemi, obe ba lobo otum ohisiarahi ne nihosing. Angele ne Saesar." ¹² Lo fa nateny Festo ho lolohitwaha ho lokiho, ngete ho nahitarangahiso, "Ingele ji Saesar; ilo beji niho Saesar." ¹³ Niho hinihe noholongi, Lohobu Agrippa ho Bernise ho nahisiak Saesarea ofwoni iwaja Festo. ¹⁴ Lo fa netwong ngete da noholongi olwaji, Festo ho na hiramahiso nahiram ho Paulo niho lohobu; ngete ho na jiman, " Lobo latwani idahini fa Felis nihalu idia ahatwarani. ¹⁵ Lo fa ne habwon Yerusalem, lolohitwaha ho padir ho larangang ho Yahud ho nahiyeno nareji huja itwoborete sing ale twani niho ne, sing ho nahifi ne ojo ongoti nolokiho ho ngete. ¹⁶ Etarangahine ojo obu ora amanya ho Roma ongida isieri latwani nohitwokwamari; ilany, latwani itwobi ongida dwo obwon ho natarihe nitianyara nihatemeni ho lahitwobok ho ngete nihigiarari nahiramita huja itwobohini niho ngete. ¹⁷ Lo fa nafwoni sing harabito idia, abu ne etilasu, nyuo hati lo fa to nahubanyi ne ho nahitwongo nimaji ho lo ngotere ho nahiramahiso ojo ongida iyene ile twani nihaji. ¹⁸ Lo fa nadete lahetwobok itwobi ngete, egigil ne ojo obe ibwo niho ehue hitwobita hosing niho obwon na orohojaya. ¹⁹ Ati, obwoni sing hebwo nahiram to nahiruk ho sing cebu to lobo Yesu lo fa aye, la ojo Paulo isu. ²⁰ Olitaya nohou ho ne nihigegialari anya hatum hiram,ne ho nahifi ngete kuya hatum ngete olo Yerusalem ongida fa ngoton nahiram ho ngete to da niho hunya reji. ²¹ Nyuo hati lo fa nangele Paulo ojo ongida otuni nihitilasere natianya ho lolohi twahaji, ne ho nahiramahiso ojo otuni ngete many nasulaya ne ngete niho Saesar." ²² Agrippa ho na jiman niho Festo, "Awak ne cebu itiyir niho ale twani." Festo ho najiman, "Itiyir be ji ngete." ²³ Lofa tonahubanyi, Agrippa ho Bernise ho na fwoniso to nahihumi ; sing ho nafwoniso nihaji ho lolohitwaha ho segere ho ho lohakwatak ho hang. Lo fa natianya Festo nahiram hiram, ho nahiyeno Paulo nihosing. ²⁴ Festo ho najiman, "Hobu Agrippa, hote lati hula ibwanata hojie inyini, itialatate ale twani; nalohoi ho lati ho Yahud ahiteny ho ne to Yerusalem cebu inyini , igogworite sing niho ne ojo ongida ngete obu isu baya. ²⁵ Ahorihi ne ojo obu ngete ihon ibwo nasinge na otum iyeno nayeyi; nyuo hati to nangialan ho ngete lohitwa hajik, ne ho nahigigil nisulunere ngete. ²⁶ Nyuo hati abu ne abwon hebwo nasinge nihi gierehinere niho lolohitwahajik. Niho anya hiram, eyieno ne ngete nihote, bebe nihoji, hobu Agrippa,ongida cebu ne abwonitere ibwo nasinge nihi gierehinere niho anya hiram. ²⁷ Hejobu obu ongida niho ne nisulajiere lahatwarani cebu obehati iramahi nerohojita huja ho ngete.