¹ Lofa nahifwojie tiye ho sing ho nafwoten nitigol, ijie ho nafwoten toho nihiji ho Kos, to nahubanyi nihiji ho hang ho Roda, cebu toda toho nihiji ho hang ho Patara. ² Lofa nahihori hijie natigol no langita toho foenisia, ijie ho na foten nitigol ho nangwaja. ³ Lofa nahifwonu jie niger ho denge ho Sipra, jieho nahidaso ngete lohajonge, ho nafwoten toho Siriya, ho nangirehiso nihang ho Tire, tananyuo owak fa natigol itingirehiso nareji da. ⁴ Lofa nahihorihi jie lolohejehi, ijie ho nahitwong da noholongi meta harik.Hule lohejehi ho najiman niho Paulo to Nolohailong ojo ongida ngete obu oriehi neheju ho ngete Yerusalem. ⁵ Lofa nahitwong ijie niho huja holongi, ijie ho na hidahiso ho nafwoten to nadaha ho jie. Sing fad, ho na ngorwo hosing cebu lemusak, ho nahinyiamaru ijie niho nehoi hojie many nahigalahi jie nohotwa ho hang. Tiye ijie ho narugungi, ho namojo ho na jiman awa nihojie fad. ⁶ Ijie ho nafoten idwahahiso natigol, nyuo hati sing nayiteriso nihang hari. ⁷ Lofa nahituhohi jie nadaha to nahari to Tire, ijie ho na hisiak Ptolemai. Ijie ho nahihat lahilasirak ho cebu ohitwong hosing noho long abito da. ⁸ Hubanyi hongete ijie ho nafwoten toho Saesarea. Ijie ho nahiruhiso nihaji ho Filipo, lahetejianani ho efanjelio, abito niho hulo fa metaharik,ijie ho nahitwongo ho ngete. ⁹ Tahanya ale twani obwon ho naharuk ongon huja hobe ogeterete huja iramahite nahiramita. ¹⁰ Ijie hohitwongo to noholongi hinihe,lobo laheramahiteni ho hiramita ho nalotiniso to Yudeya la onya nafure Agabu. ¹¹ Olotu ngete nihojie ho nahiyaru netodit ho Paulo.Honatwarari nihejiaha hongete cebu nehes ho najiman, "Ojo Nolohailong Na-Onyila,'Hatum lati ho Yahud hula obwoni Yerusalem otori ale twani omonye hanya itodit, sing hadi ho naisiarahiso ngete niho paganoji.''' ¹² Lofa nahitiyir ijie hunya reji, ijie ho lati hula omanye nihene maji ho nahilelia niho Paulo ojo ongida ngete obu olo Yerusalem. ¹³ Tiye Paulo ho nahitarang, "Nanyuo te ihwanati, iyenete cebu itemiajati nataji ho ne?Ehuhumahino ne, obu ce to natwara hama, nyuo hati ce bu to nayeyi iji Yerusalem to nafure ho Lohobu Yesu. " ¹⁴ Obu Paulo owak ojo ongida otanite ngete, ijie ho nahitoboj natanito natiama ho najiman, "Ikie nawahan ho Lohobu ihoni. ¹⁵ Nihalu ho hunya holongi, ijie ho nahiduhuniso nabehi hojie ho ho nafoten toho Yerusalem. ¹⁶ Obwoni hilihe lolohejehi hula ohifwo hojie to Saesarea. Sing ho nahiyeno hosing lobo latwani la onya Mnason, latwani loho Sypra, lahatiemok ho lohejehi, lati hula ba ohitwongo hojie. ¹⁷ Lofa nahisiak ijie Yerusalem, ahitani ijie lahilasirak to nakwama. ¹⁸ Tanahubanyi, Paulo ho naloten hojie niho Juma, obwoni fa lolohitwaha fad da. ¹⁹ Lofa nehat ngete sing, ngete ho nahiramahiso nareji abito abito huja ihon Najyok niho paganoji. ²⁰ Lofa netiyiri sing ngete, sing ho nahitokwata Najyok,sing ho najiman niho ngete, "Totiale, hilasi, baya nelif hula eruhi to hiji ho Yahud. Iruhi sing fad nihinefitere necihit. ²¹ Eramahini fa sing to te, ojo itejianati te paganoji fad ojo ongida idahini nechihita ho Muse, cebu ojo iramahisite sing ojo ogida obu ongote lemusak ho sing, cebu ongida obu ijifite nemanyita ho berien. ²² Nanyuo jie hahitum ohihon? Itiyiri ba sing ojo efwosu te. ²³ Igiamati nahiram na ohiramahi jie ite tahanya: ohibwon ijie ho laliawa ongon hula itini. ²⁴ Iyariti hule ti, itinyilajata nakwanite hote ho sing,idumata nedahita ho nenyata ho sing, ongida sing ba ongitari nohosi hosing.Ongida lati fad ojieni ba ojo huja reji hulo fa iramahini nihosing to te orahi agesemita. Ojieni ba sing ojo ijifitete necihit. ²⁵ Nyuo hati to paganoji, hula eruhi,ahigierehi jie ohisiarahi nahiramita ojo ongida sing otuni nakwanite hosing niho nareji huja isiarahite niho najiohi, niho nohoto ho tiang na ongori angoron, ho to somon." ²⁶ Paulo ho nahiyaru ehule ti, to na hubanyi, ho nahitinyilaj nakwan ho ngete hosing, ho nafwoten nihaji ho lomojere, ho nahilwongohiso noholong ho hitinyilaja, many otuhohino nahisiarahita hiyalita fad. ²⁷ Lo fa nanyihaji noho longi metaharik natuhohino,hilihe lati ho Yahud to Asia ho natialaniso Paulo nihaji ho lomojere, ho nakwama, lati fad, ho narwehiso nehes niho ngete. ²⁸ Igworite fa sing, "Lati ho Isarayil tolwahata ijie. Ngete aleje ale twani la iletejiana lati nimasik fad niho nareji huja orohoji niho lati, necihit, cebu ho anya maji. Cebu ayieno ngete lati ho Grik nihaji lomojere etomoti sing anya maji onyila." ²⁹ Ateli fa sing Torofima loho Epesus ho ngete nihiji ho hang, sing ho nahigigilo ojo eyieno Paulo ngete nihaji ho lomojere. ³⁰ Nehiji ho hang fad okwama fa, lati ho nahinam harabito ho nahinef Paulo.sing ho nahiyaru ngete niger hohaji lomojere, ho nahikianahiso nekati kerem. ³¹ Toho owahi sing ifadariso ngete, netenyita hana foniso niho likaran ho lahitiesok ojo Jerusalem fad obwoni nihi gworita. ³³ Lolohitwahaj ho nahinef Paulo ho nahiramahiso ojo ongida otori ngete tana nyororoji harik. Ho nahifi ngai ngete, nanyu ngete ihon. ³⁴ Ilihe to hiji ho lati igogworite niho nasinge abito cebu hilihe ho bwo. To ho obu lolohitwahaji ho segere iramahi ibwo nasinge tananyuo tanahigworita no obolo, ngete ho nahiramahiso ojo ongida iyiene Paulo nilotwarari ho segere. ³⁵ Lofa nalotu ngete niho ibwo namaji, lasegere ho natingoro ngete tananyuo to nangalasu ho lati. ³⁶ Nalohoi ho lati ho nahijifaru ngete to nihalu igworite ojo, "Ifadasi ngete!" ³⁷ Lofa neyenise Paulo nihaji nilotwarari ho segere, ngete ho najiman niho lolohitwahaji ho segere, "Hatum ne atianya ibwo nasinge nihoji?" Lolohitwahaji ho segere ho najiman, "Itianye ji Grik? ³⁸ Obu ji ira loho Ijip, lo fa inefito nafere ho nahifirejiere lahangorok ho lati nelif ongon nitimere?" ³⁹ Paulo ho najiman, "Ara ne lo ho Yahud, to hang ho Tarsis niho Silicia. Ara ne loho nihiji ho hang na ongida. Efi ne iji, isiarahi ne atianya niho lati." ⁴⁰ Lofa nesiarahi lolohitwahaji ngete, Paulo ho nabotia niho ibwo namaji ho nahiwowata nehes niho lati. Lofa neninge lati, ngete ho na tianya nihosing to natianya ho Hebrew. hana jiman,