¹ Lofa nalotu no holong ho ngiriniso ho Nolohailong, obwoni fa sing fad harabito nimaji. ² Turuhunyak, nakwatan ho nalotiniso na okialare toho nahigworita ho lobwangi, ho nahifut nahaji na itwengerete sing. ³ Nangadiefo ho naleyeji niho sing toho nahima na ihohwarahini, ho nangirehiso nihosing abito abito. ⁴ Sing fad ho nahifut to Nolohailong Na-Onyila ho nahichak natianya to netenyita hama hama, toho isiarahinere Nolohailong nihosing ongida otianye. ⁵ Tahanya obwoni fa Yahud hulo fa omanye Yerusalem, lati hula iruhi Najyok, niho nahangite fad huja obwoni nifok. ⁶ Lofa netiyiri anya hi gworita, nalohoi ho lati ho nafoniso harabito ho nahiyanga tananyuo itiyiri fa lati sing fad otianye to natianya hosing ⁷ Okwame fa sing bee cebu obayangahini; hana jiman, "Tarihe, obe hule ati lotianye orahi noho Galileya? ⁸ Nanyuo isiarahi ijie ohi tiyira sing, otianye to natianya hojie lofa ohiyisinerete ijie? ⁹ Lati ho Patia noho Mede cebu loho Elamite, ho hul omanye Mesopotamia, niho Yudeya cebu Cappadocia, loho Pontus cebu loho Asia, ¹⁰ niho Phrygia ho cebu Pamphylia, niho Ijip ho cebu namaji ibwo niho Libia, niho Cirene, ho cebu laha tomonok to Roma, ¹¹ Yahud ho cebu Proselites, Cretan ho cebu Arabian ohi tiyir jie sing otinye tana tianya ho jie nahi giama ho Najyok ¹² Sing fad fa abu ojieni nanyu sing hatum igigile; sing ho natianya nikwanite hosing, "Nanyuo anyani itelehi?" ¹³ Nyuo hati hilihe ho nakenite ho najiman, "Ifutu sing fad ho nabalu nasausau." ¹⁴ Nyuo hati Petur ho nabotia ho lati hulo fa tomon habito, ho natingon namurut ho ngete, ho najim nihosing, "Lati ho Yudeya hote fad hula imanyati Yerusalem, ikie ite ijianata anya; itiyirati nahi ramita ho ne. ¹⁵ Niho hule ati obu orume toho igigileretete, ora noholong igahinere nahusuk niloparajiere. ¹⁶ Nyuo hati lofa anya otianye niho laheramahitani ho hiramita Joel: ¹⁷ 'Ora ba nilohichungi ho holong,' ojo Najyok, 'Ejuhohi bane Nolohailong ho ne niho lati fad. Lemusak hote ho cebu ho ne musak hote otianye ba nahi ramita ho Najyok, Lemusak hote oteli ba sing naha temeni, ho cebu lara gang hote itiri gahita ba sing. ¹⁸ Cebu niho lehegiamak hone ho nahegiamak huja orahi angorwo niho ehujeho longi. Ejuhohi ba ne Nolohailong hone,ongida sing iramahite nahiramita ho Najyok notarihe. ¹⁹ Etetelehi ba ne nadwaran nihide cebu nahitelehita inyi nifok,nohoto, nahima, cebu hono lobwangi hofuro. ²⁰ Ibieli ba noholong aharie cebu nayafa ibieli ahoto, ho be noholong na obolo no Lohobu olotu. ²¹ Ongida ba niho lati hula ongelese nafure ho Lohobu litalahine.' ²² Lati ho Isarayil, itiyirata hunya tenyita: Yesu loho Nazaret, latwani le siarahi Najyok nihote to nahigiama na ogol n ho nadwarita ho nahiteleyehita huja ihon Na jyok nihiji hote toho ite to nakwanite hote ijianatate---- ²³ to nanyuo to nawahan ho lofero ho Najyok, isieri fa ngete, cebu ite, to nehene ho lati hula obe obwoni ho nechihita,ho nagurohiso ho ho nahifadariso ngete; ²⁴ la itubuhu Najyok to yeyi, lofa neduhaya ngete namiajan ho yeyi nihongete, tananyuo obu fa otum ojo ongida inefi ngete to ngete. ²⁵ Ojo Davide to ngete, Atelitito ne Lohobu noholongi fad nihomom hone, obwon ngete niteten hehene hone ongida ne abu adaha. ²⁶ Inaha okwama fa nataji ho ne cebu nangadief ho ne okwama. Cebu, naburuti itwongo ba to nagolon. ²⁷ Obu ba te idahisi Nolo hailong hone niho lahayeyak, kuya itumatate idahisi la Onyila otel namudangi. ²⁸ Itetelehisite niho ne nehoiyiha ho hisu; isiarahisi bate ne efut ho nakwama bebe ho nohomomite hote.' ²⁹ Hilasirak, atum ne atianya nihote to nagolon niho nahiram ho Patriach Davide: oye ngete cebu onuhahini, ho bwon nohosiere hongete niho jie ho tahanya niho anya holong. ³⁰ Ojo tinga, ora fa ngete alohe jek ho cebu ojien cebu ojo itung fa na Jyok nihi ramahi nere ngete, erasulu bane lobo lolo hi twa ha jik niho nahi two ngi hone. ³¹ Obu fa idahini ngete niho lahayeyak kuya otel nakwan hongete namudangi.' ³³ Ale Yesu ----itubuhu Najyok ngete, na ohira ijie ahapiahak. ³² Inaha, lofa netubuhuni ngete niteten hehene ho Najyok cebu nihifwotiniso ho ngete nangatan ho Nolohailong Na-Onyila niho Monye, ngete ho nahijuhoriso anyani, na itialatate cebu itiyirata. ³⁴ Obu fa Davide odok nihide, nyuo hati ojo ngete, 'Ojo Lohobu liho Lohobu hone, "Itwenge niteten hehene hone, ³⁵ Many ehwanahi ne lamerok hoji ahitwongi hehejiaha hoji."" ³⁶ Inaha, ikie nahaji ho Isarayil ojien ojo ehwanahi Najyok ngete Ahobu cebu Kristo, ngete Yesu lofa igu rohisi te." ³⁷ Tahanya lofa netiyiri sing anyani, ome nitajio hosing, ho najiman niho Petur ho lahejifitok hilihe, "Hilasirak, na nyuo jie hahitum ohihon?" ³⁸ Petur ho najiman nihosing, "Iwahasi cebu ikie ohijuhi, ite fad, to nafure ho Yesu Kristo n-to nahibalahita hepalita hote, ifwotusu ba te s neyalita ho Nolohailong Na-Onyila. ³⁹ Nihote itwongo angatan niho lemusak hote cebu niho hula olamaji, toho niho lati hula olwaji toho ongelenere ba Lohobu hojie Najyok." ⁴⁰ Ho nahiramita huja olwaji ngete hanahiramahiso cebu ilelia niho sing;ojo, "Totunata nakwanite hote niho hule lahe susak." ⁴¹ Tiye sing ho namojiniso na tianya ho ngete ho ho nahi juk sing,nolohailongi ho na funahine nalif hutik. ⁴² Sing ho nahitiringa nihitejiana noho lahetejianak ho nabwanan harabito, nibunyo hebune cebu nimojo. ⁴³ Alotu nabayangi nilo hailongi, cebu igemi fa lahejifok nedwarita ho nahiteleyehita. ⁴⁴ Hula fad, obwoni fa sing harabito obwoniterete fa sing nareji fad anohosing, ⁴⁵ itenyiangari nareji ho sing ho nahwarahiso nihosing fad, toho niwahan ho twani la obwonitere. ⁴⁶ Itiringe sing higiama nitempulo noholongi fad, cebu sing ho nabunyon ne bune nihayi, ho nanyasu nangirang to nakwama cebu to natajio huja irebiji; ⁴⁷ itokwate sing Najyok cebu obwoni ho nabayangi niho lati fad. Ofunahi Lohobu nihosing noholongi fad lati hula etalahine.