¹ Lofa nabuk egier neohiramahi ne Tiofilo nareji fad huja ichak Yesu igiama cebu nahitejiana, ² many niholong lo fa omojinerete ngete. ora fa anya laholong nesiarahi ngete natianya to Nolohailong Na-Onyila niho lahejifitok hula onyumu ngete. ³ Nihalu ho hipadata hongete, isiarahi ngete nakwan hongete na isu nihosing ho nareji huja olwaji. Niholongi nehejek ongon ngete ho naleyeji nihosing, ho natianya to nahang ho Najyok. ⁴ Lofa neriamahine ngete hosing harabito, ngete hanahi ramahiso niho sing ojo hedahisi Yerusalem, nyuo hati itilasu na ngatan ho la Monye, ani, na ojo ngete, "Eti yirusute niho ne ⁵ ojo tarihe ejuho Yoana to nahari, nyuo ohijuhi hadi ite to Nolohailong Na- Onyila niho niho hinihe noholongi kai. ⁶ Lofa napari sing harabito, sing ho nahifiasu ngete, "Lohobu, ngete anya no holong na inyahinere beji nahang ho Isarayil? ⁷ Ngete ho najiman nihosing, "Obu lora nihote nijienari no holong kuya noholongi na ihwana Lamonye to nagolon hongete. ⁸ Nyuo hati iho rihisi bete nahifirang, nomo na lotu Nolohailong Na-Onyila nihote, itwengete ba te ahapiahak niho ne niho nahangite ho Yerusalem cebu nihangite ho Yudea fad ho Samaria,many nilohichungi ho fok." ⁹ Lofa nateny Lohobu Yesu hunya reji, toho otialariti fa sing nihide, otingi fa ngete nihide, nedis hanahidimahiso ngete to honyehite hosing. ¹⁰ Lofa hotiale sing bebe to ho nihide toho olojiere ngete, hilihe lati harik ho nabotia niger hosing ijifite nabongoji huja opwori. ¹¹ Ojimi sing, "Ite lati ho Galileya, nanyuo te ibotiati inyini itialati toho nihide? Ale Yesu la adok nihide oyitu hadi na okialare toho itialaritite ngete odahari toho nihide." ¹² Sing hanayiteriso Yerusalem todenge ho Olife, na onyiha niho Yerusalem, niho nadaha niholong heteleji. ¹³ Lofa nesiahi sing, ho nafoten nihide haji, nimaji no fa omanyariti sing. Orahi fa sing Petur, Yuwana, Juma, Andrea, Filipo, Tomas, Bartholomew, Mateo, Juma iha ho Alphaeus, Simone latwani le nefito natodo ho dial, cebu Juda iha Juma. ¹⁴ Obwoni fa sing harabito, toho itiringariti sing namojere. Nihosing, obwoni fa ho nangorwo, Maria oto Yesu, ho hilasirak ho ngete. ¹⁵ Niho ehwe holongi Petur hanadeto tohiji ho hilasirak, niho lati namiya abito honehjek harik, ho najiman, ¹⁶ "Hilasirak, ongida fa nabuk itufutahini, toho lofa otianyari Nolohailong Na- Onyila tana hutuk ho Davide niho Yuda, la inyamaru hulo fa otwarahini Yesu. ¹⁷ Obwon fa ngete hojie ohorihi cebu nalwaha ho ngete niho anya higiama." ¹⁸ (Tahanya enyangu ale twani namaji tanareji huja ohorihi ngete to narohoji hongete, toda ngete ho nahuyari to nohou, nohotwa hongete ho nahifudo, namonyi ho ngete ho nahijuhuno niger. ¹⁹ Lati hula omanye Yerusalem honahitiyiri, sing ho nangeleso enemaji to na tianya ho sing ojo "Akeldama," na ojo, "Nafok ho hoto.") ²⁰ "Igierehini fa niho Nabuk ho Salum, 'Ikie nafok hongete obwon ha ma, cebu hesiarahisi lobo latwani omanya da'; cebu " 'Ikie lobo latwani iyaru namaji hongete to nilohigiamari.' ²¹ Osiriu, inaha, obwon lobo latwani la ohilihita hojie niholongi fad nabwon Lohobu Yesu nihojie cebu nalo Lohobu Yesu niger tohiji hojie, ²² ichak to bastismo ho Yoana many niho lofa holong iyajie rete ngete niho hojie, ongida ba ngete ora ahapiahani hojie niho nahibuhuniso hongete." ²³ Ihwanahini sing lati harik nihatemeni, Yosefo la ongelese Barnaba, cebu ongelese ngete ojo Yusto, ho Matia. ²⁴ Omoje sing ho ho najiman, "Ite, ojien Lohobu natajio ho lati fad, itetelehisi ngai niho hule ati harik ite inyumusu ²⁵ ongida iyaru nahigiama niho anya higiama,nahijifito na idahi Yuda olo ihwana nahigiama hongete." ²⁶ Sing ho nahipiro naguru nihosing nakuru ho nahuyarahino niho Matia ho nahikianahiso ngete niho lati tomon habito lohejifitok.