¹ Paulo cebu hanaloten toho Derbe cebu toho Listra; obwon fa lobo lolohejek da la onya Timoti, hotenge no Yahud na iruk; monye ho ngete loho Grik. ² Otianye fa hilasirak hongete hula obwoni Listra ho Ikonium to ngete na ongida bebe. ³ Owak Paulo foten ho ngete; hana hi yaru ngete ho cebu hana ngoton ngete tana nyu to Yahud hulo fa obwoni niho ene maji, niho hosing fad ojieni sing ojo monye ho sing fa loho Grik. ⁴ Lo fa nafwe sing to nehoi hosing hara nihangite, sing ho nahiramahiso nakelesiaji nahiram ojo ongida sing obayangi, nahitete huja fa igierehini lahejifitok cebu laragang to Yerusalem. ⁵ Itogoli fa nakelesiaji nihiruk ho nafunahino nakwanite ho sing to noholongi. ⁶ Paulo ho haletok ho ngete ho nafoten hara nihangite ho Firigia ho Galatia, oriamari fa Nolohailong Na- Onyila sing nahitejiana nahiram nihang ho Asia. ⁷ Lofa nafoni sing onyihaji Misia, sing ho natiaman foten toho Bitinia, nyuo hati Nolohailong ho Yesu ho nahitik sing. ⁸ Toho ari ngari sing to Misia, ho nafwoniso ni wor toho Troa. ⁹ Namininga ho Najyok ho naleyeji niho Paulo tana harie: latwani ho Makedonia obotia da, ongeleso ngete ojo, "Kwo idia Makedonia ho ilwahan ijie." ¹⁰ Lofa natel Paulo namininga,ijie kerem ho na foten toho Makedonia,nihitu chungohinere ojo hingeleu ijie Najyok ongida ohiramahita natianya ho Najyok niho sing. ¹¹ Ho nahichak nadaha tanatigol to Troa, ijie hana pitahiso toho Samotras, to nahubanyi ijie ho nafwoniso toho Neapoli; ¹² Toda ijie ho nafoten to ho Filippi, nahang na ora noho Makedonia, nahang na ongida nihang cebu ora ahang nofa inefi Rom, ijie ho nahitwongo niha anya hang niho noholongi olwaji. ¹³ Niholong ho metaharik ijie hanafoten niger ho bwata na onyihita nihari, ijie ho nahigigilo ojo ongida ba namaji ho lomojere. Ijie hana hitwongo nifok ho natianya niho nangorwo huja ofoni harabito. ¹⁴ Ibwo nangorite na onya nafure Lidia, nahitenyiangani ho bongoji tohang ho Tiatira, nahamojoni ho Najyok, i tiyira niho jie. onga Lohobu nataji ho ngete ongida itiyira niho nareji huja otianya Paulo. ¹⁵ Lofa nejuhi ngete, ho nati ho ngete, ngete ho nahilelia niho jie , ojo, "Kuya nejimatate niho ho ne ongida ne ara aheruhoni niho Lohobu, ifwosu nihaji ho ne, itwengete da." Ngete ho nahitungularu ijie. ¹⁶ Abwon fa nahidaha jie nimaji ho lomojere, ibwo na ngorite nahumuta na obwoni tere nohailong na ibot ho nahitangalasu ijie.Iyenit ngete nareji nilohitwaha hongete to nangesemi. ¹⁷ Anya ngorite ho nahijifaru Paulo ho ijie ho nahigworita ojo, "Orahi hulati ahegiamak ho Najyok lobolo bebe.Iramahise sing nihote nehoi hitalahino ." ¹⁸ Ihon ngete anya niho nengaji huja olwaji. Nyuo hati Paulo, ho naswaharu niho ngete bebe, ho najiman nilo nolohailong na ibot, "Ahiramahi ne iji tanafure ho Yesu Kristo kwo niger to taji ho ngete." Hanalotiniso tiyie tiyie . ¹⁹ Lofa neteli lolohitwa ojo abe nahiyanahiso ho napara ho sing, hanahinief Paulo ho Sila ho nahipihoro sing nimaji na itenyiangariti nihatemeni ho lohitwaha ²⁰ Lofa neyene sing niho lahangotoni, sing ho najiman, "Orahi hulati loho Yahud ihwane sing nahipalita nihang hojie bebe. ²¹ Itejiane nareji huja obu ongidari niho jie ohimoju kuya ohitel toho Roma." ²² Nalohoi ho lati hanadeto nihide harabito na orohojaya niho Paulo ojo Sila; laha ngotok ho nachirariso niger nabongoji nihosing ho hiramahiso ojo ongida obehi sing tanapadat. ²³ Lo fa nebehi sing nebehita olwaji ,sing hanahipirehiso sing nihaji ho lotwarari hanahi ramahiso lahatialani ho lotwarari ongida otiala sing angida. ²⁴ Nihalu lo fa nahorihi ngete anya tianya, lahatwarani hanahipirehiso sing niho twa ho haji ho lotwarari ho natwarahiso nehejiaha ho sing nihejiek. ²⁵ Nihiji ho harie Paulo ojo Sila omoje fa sing cebu iruhe nafureto niho Najyok, lahatwarak hilihe itiyire niho sing. ²⁶ Nilihilik nobolo ho nalotiniso,ho nahitihihir nahaji ho lotwarari; nekati fad hanangasu, nanyo roroji ho lati fad ho nalahino. ²⁷ Lahatialani hanadetino tojio ho natialan nekati holo twarari owati; hanahiduhuniso nanyaliru ho ngete ho nawahan ifadariso nakwan ho ngete, tananyuo igigilo ngete kuya elunyi lahatwarak. ²⁸ Nyuo hati Paulo hanahigwo to namurut na okwat, ojo, "Iriafu nakwan hoji, tananyuo ohi bwon jie idia fad." ²⁹ Latialani hanangialan na fangan ho nahitohororo niho twa la ihihira, ho nahuyari niha temeni ho Paulo ojo Sila, ³⁰ ho nahiyieno sing niger ho na jiman, "Lolohitwa hajik, nanyuo ne hatum ehon ongida ahorihi nahitalahino?" ³¹ Sing ho na jiman, "Iruho niho Lohobu Yesu, italahino beji ho lati/nati hoji fad." ³² Sing ho natianya na hiram ho Lohobu niho ngete, harabito ho lati hula obwoni nihaji hongete. ³³ Lahatialani ho nahiyaru sing nihene holong ho harie,ho hilalariso nangarangan ho sing, ngete ho lati hula obwoni nihaji ho ngete ho na hifwotiniso nabatismo fad tiyie tiyie. ³⁴ Ngete ho nahiyieno Paulo ho Sila many nihaji ho ngete ho nahisiarahiso na ngirang nihatemeni ho sing. Ngete ho nakwama fa bebe ho lati ho haji hongete fad, tananyuo eruhi sing fad Najyok. ³⁵ Tahanya lofa nafang, lahangotok ho hiramita ho nahiramahiso lahetieseni ho lotwarari ojo, "Ikie hulati ofwe." ³⁶ Lahetieseni ho lotwarari ho nahiramahiso Paulo, ojo, "Asuluni lahangotok ho hiramita natianya niho ne ojo ongida te i ifwasi: tahanya, inaha, ifwosu niger, ifwasi tanayomo." ³⁷ Nyuo hati Paulo hana jiman niho sing, "Obehe fa sing ijie nihatemeni ho lohoi lati, lati ho Roma hula obu opalari, ohipireri ijie nilo twarari; owahi sing irohoriso ijie niger obe miji ojieni? Obu notarihe; ikie sing ofwoni tana kwanite ho sing ho hiyare ijie niger." ³⁸ Lahetiesok ho nahirama hiso hunya hiramita niho lahangotok ho hiramita; lahangotok ho hiramita ho nabayangi lofa netiyir sing ojo orahi bo paulo ho Sila anoho Roma. ³⁹ Lahangotok ho hiramita ho nafwoniso ilelia niho sing; lofa neyene sing tolotwarari, sing ho nahifisu Paulo ojo Sila ongida idahini nahang.