1 Ofwoni ilihe lati to Yudeya ho nahitejiana hilasirak, ojo, " Mayak nahinguti ite nimanyita ho Muse, obu ba te italahinete." 2 Lo fa nerengi bo Paulo ho Barnaba cebu orisa ho sing, hilasirak hana jiman Paulo, Barnaba, ho lati ilihe ongida ofie Yerusalem niho lahejifitok cebu niho lolo hitwaha niho anya hi fiasu. 3 Sing tinga, toho nakelesia losuluya sing, honafoten hara Foenicia ojo Samaria ho nahilo lwongohiso nahiruk ho paganoji.Sing ho nahiyeno na kwama na obolo niho hilasirak fad. 4 Lo fa nafwoni sing Yerusalem, itarani fa nakelesia,lahejifitok ho Yesu cebu laranga sing, sing ho nahiramahiso nareji fad huja ihon Najyok niho sing. 5 Nyuo hati ilihe lati hula iruhi, hula orahi niho laharisak, ho nabotia ho najiman, "Osiriu niho sing nangoto cebu iramahini nihosing nihinefitere nechihita ho Muse." 6 Lahejifitok ho Yesu ho larangang ho natuba harabito nitianyari anya hiram. 7 Nihalu ho risa bebe, Petur hanadeto nihide ho najiman niho sing, Hilasirak, ijianatate ojo ni ngidari fa berien isiarahi Najyok nihote nanyumo, ojo tanahutuk ho ne ongida paganoji itiyiri natianya, ho efanjelio cebu iruhi. 8 Na jyok, na ojien nataji, ora ahapiahani hosing, isiarahi niho sing Nolohailong Na-O nyila, toho ihwanari ngete niho jie; 9 cebu obu ngete igegel ijie hosing, ihon natajio hosing onyilaji to nahiruk. 10 Inaha tahanya, nanyuo te itiamati Najyok,ojo ongida te ihwanahisi nohofito nimurut ho lohejehi na obu fa monyie hojie kuya ijie otum ohidik? 11 Nyuo hati ohiruk jie ojo ohi talahino bejie to nangidari ho Lohobu Yesu, toho orahiterete fa sing." 13 Lofa netuchungohini sing natianya, Juma ho nahitara ngahiso, ojo, Hilasirak, itiyirata niho ne. 14 Eramahi Simone tatali Najyok to nangidari olwak paganoji nihiyajiere nihosing lati ni fure ho ngete. 15 Nahiram ho laheramahitak ho hiramita ho Najyok itilare hanya, toho igierehinerete, 16 'Nihalu ho hunya reji ayitu ba ne, Cebu efak ba ne hari nahaji ho Davide, na ahuya nifok; Etedetu ba ne cebu adwanyahi nimasik ho ngete hunya obunyere hari, 17 Ojo ongida latonge ho lati otifite Lohobu, ho paganoji fad hula ongele tanafure ho ne.' 18 Ngete anyani lojo loho Bu, ngai lofa ihon hunya sang lojieni manyi berien niho ehujie ho longi. 19 Inaha, negigil ho ne anya, ojo ogida ijie obu ohite giama ehule paganoji hula ebieline niho Najyok; 20 nyuo hati ongida egierehisi niho sing ojo ongida sing obu itile ho lati hula omoje niho ibwo nasinge ne huhumi, cebu lahasomok, niho natiang na ogori agoron cebu nohoto. 21 Niho nengaji ho laragang obwoni lati niho nahangite fad hula itejiane cebu ikiane Muse noholongi fad niholong ho metaharik." 22 Ijobu ongida niho lahijifitok cebu niho laragang, ho nakelesia fad, ninyuo muniso Yudeya nangeleniso ho Barsabba, ho Sila, hulo fa orahi ahenefitok ho kelesia, ho nasulariso sing toho Antiok ho Paulo ho cebu Barnaba. 23 Igierehini sing anya, "Lahejifitok ho Yesu, laragang ho hilasirak, niho hilasirak paganoji niho Antiok, Siria ho Silisia, ehata ne. 24 Ahitiyir ijie ojo lati hilihe hula obu jie ohisiarahi na ichihit, afie niger niho jie ofwe itegiama ite to nahitejianita huja ihwanahini ite nihitegiama ho lohailongi hote. 25 Toho ongida niho jie fad nihiruk ninyumuniso lati ho nasulariso sing nihote ho Barnaba ojo Paulo, 26 lati hula ibalahini nahisu hosing to nafure ho Lohobu hojie Yesu Kristo. 27 Inaha, ahisuleya jie, Yuda ho Sila, hula ba ohiramahini ite nareji huja okialare. 28 Toho ongida niho Nolohailong Na- Onyila cebu niho jie, nabiangan isiarahiso nihote nahigiama na obolo ilany hunya reji ongidari: 29 ojo ongida ite ibielete niho hunya reji isiarahite niho najiohi, nohoto, natiangi huja ongori, cebu niho nasomon. Netunatate nakwanite hote niho hunya reji, ongida ba nihote. Awa." 30 Toho sing, lo fa narohori sing, ho nafwoniso toho Antiok; lofa nefurohini sing nalohoi ho lati harabito, sing ho nahisiarahiso newaraga. 31 Lofa nekeni sing ngete, sing ho nakwama tananyuo ta nahitogolohita. 32 Yuda cebu Sila, cebu lahiramahitak ho hiramita ho Najyok, ho nahitogolohiso hilasirak to natenyita huja olwaji. 33 Lofa neyare sing noho longi da, ho nahinyamahiso sing niger tanayomo niho hilasirak hulo fa osuluni sing 34 . 35 Nyuo hati Paulo ho Barnaba itwenge Antiok ho lati ilihe hula olwaji, nihang na itejianariti sing cebu itotose nahiram ho Lohobu. 36 Nihalu ho holongi hinihe noholongi Paulo ho najiman niho Barnaba, "Ayitesi tahanya iwajiniso lahisirak nihangite fad hulo fa ohitotosere nahiram ho Lohobu, cebu ohitel tatali sing obwoni. 37 Owak fa Barnaba ojo ongida cebu sing ohiyaru ho Yoana la ongelese ojo Marko. 38 Nyuo hati Paulo ho nahigigilo ojo obu ongida nihi yajiere Marko, lofa idahi sing Pamfilia obu hati olo ho sing nihigiama. 39 Narisa na obolo ho nahidwong nihiji hosing,ongida sing ohwara to kwanite hosing, Barnaba ho nahiyaru Marko honget ho na foten to nahari toho Sipru. 40 Nyuo hati Paulo ho na nyumuniso Sila ho naloten lo fa neruhi ta nalwaha ho Lohobu. 41 Ngete hanaloten hara Siria cebu hara Cilicia, ito golohi nakelesiaji.