Nengat 12

1 Tahanya niho lofa holong otirehinere lohobu Herode nehes niho hilihe tolotobari nihitegiamari sing. 2 Ifwadaya ngete Juma hilasi ho Yoana ta nanyaliru. 3 Lofa natel ngete isiarahi anya lati ho Yahud okwama, ngete ho nahitiring nitwarahinere Petur cebu. Enejie fa enejie niho longi ho ibune. 4 Lofa natwarahi ngete, ngete ho natwarahiso ngete nilotwarari ho nahisiarahiso nihiji ho lasegere nihitiesere ngete; owak fa ngete iyeno niho lati nihalu ho nangirang. 5 Ihwanahini Petur nilo twarari, nyuo hati itiringe fa lati mojito niho Najyok to ngete. 6 Hobe isiak niholong na olojiere Herode iyenere ngete niger, ogeto fa Petur nihiji ho lasegere harik otwara ta nanyoroji harik cebu lahetiak obwoni nihatemeni hekat itiese nolotwarari. 7 Anjilo ho Lohobu ho naleyeji niho ngete, nafangan ho nafarangi nilotwarari. Otirahi ngete nimaji ho Petur cebu hanahitedetiniso ngete ho najiman, "Todete kerem kerem." Nanyororoji ho nalahino tehes ho ngete. 8 Anyilo ho najiman niho ngete, "Ijiafahi nabongoji hoji ho nahamuk." Petur ho nahihon to ho iramahinerete ngete. Anjilo ho najiman niho ngete, " Ifitahi nohofito ho bongo hoji ijifino ne." 9 Petur ho nahijifaru anjilo ho naloten niger.Obu ngete ojien ojo nasinge na igiem anjilo ora tarahe. Igigil ngete ojo nasinge na atiala ngete ora amininga. 10 Lofa nangalahini sing lahetiani lahatemeni cebu loho harik,sing ho nafoniso nikat na ora abilet no ongasu noho nahang na itwahaji; ho nangasu ngete hama. Sing ho nafoten niger ho nahijuru to nihoi, anjilo ho na hidahiso ngete iyeje. 11 Lofa nangasu nohou Petur, ngete ho najiman, "Tahanya ajien ne ojo asulu Lohobu anjilo ho ngete olotu ilahiniso ne tehene ho Herode, ho niwahita ho lati ho Yahud fad." 12 Lofa najien ngete anyani, ngete ho nalotiniso nihaji ho Maria iyang ho Yuwana na onya nafure ho ngete noho nihang Marko; laheruhok hula olwaji ifure da mojo. 13 Lofa ne diding ngete ne kat ho lokoli, nahegiamani na ora ahito ho ngorite na onya Roda ho nalotiniso itarang. 14 Lofa netiyiru ngete ojo na murut ho Petur, to nakwama abu ngete otum onga nekat; ati, ngete ho nahi namita toho nihaji; ho nahiramahiso ojo obotia Petur nikat. 15 Sing ho najiman niho ngete," Ilafayang ji."Nyuo hati ngete iwasi jiman ojo otirahi. Sing ho najiman, "Anjilo ho ngete eleje." 16 Nyuo hati itiringa Petur ididingo nekat, lofa nange sing nekat, sing ho natialan ngete, sing ho nakwama. 17 Petur ho nahitining sing to nehene hongete ho nahiramahiso sing tatali Lo hobu iyeno ngete niger tomaji ho lo twarari. Ngete ho na jiman, "Iramahisi hunya reji niho Juma ho hilasirak." Ngete ho nahidahiso ho naloten toho ibwo namaji. 18 Tahanya lofa nalotu rahan afarani, abe fa ibwo nakwama niho lasegere, niho na singe na idwong niho Petur. 19 Lofa natuhohi tahan ngete obu ohorihi ngete, ngete ho nahifiasu lahetiak ho nahiramahiso ojo ongida ifadari lahetiak. Ngete ho na loten to Yudeya toho Saesarea ho nahi twongo da. 20 Ilongojita fa Herode bebe niho lati ho Tire cebu niho lati ho Sidonia. Sing ho nafoten niho ngete harabito. Sing ho nahitunguliaru Blasta, lahejini ho lohobu , ongida olwak sing. Tiyeje sing ho nahifiasu na yomo, tananyuo ohorihi na hang hosing nangirang tohang ho lohobu. 21 Niho noho long na ihuhumahinere sing, Herode ho nahijiafahiso na bo ngoji ho lohobu ho nahi twongo nimaji holo tubari; ho natianya niho sing. 22 Lati ho nahigworita, "Ngete anyani na murut ho najyok, obu noho twani!" 23 Tiye anjilo ho Lohohobu ho naduhahiso ngete, tananyuo obu ngete isiarahi nakwama niho Najyok; ahonyi fa nahuru ngete ho nayeyi. 24 Nyuo hati nahiram ho Najyok ho nayisehino ho nabolori. 25 Lofa natuhohini Barnaba ho Saulo nahigiama ho sing to Yerusalem, sing ho nayitiniso toda; sing ho nahiyaru ho sing Yuwana, la onya nafure ho ngete no tarihe Marko.