Nengat 11

1 Tahanya lahetejianak ho hilasirak hulo fa obwoni Yudeya ho nahitiyir ojo lati ofwotini paganoji natinya ho Najyok. 2 Lofa nalotu Petur Yerusalem, sing hula oraho niho lati hula ongote ho namoro ngete; 3 ojimi sing ojo, "Ibwanatate ho lati hula obu ongote cebu inyesete ho sing!" 4 Nyuo hati Petur ho nahi chak itianya nahiram niho sing na tarihe; ho najiman, 5 amojo fa ne nihang ho Joppa, ne ho nateliniso nohoyo nimininga ho Najyok olotiniso nifok, toho newaraga na idahini nifok , tohide te magori ongon. 6 Ongirehini niho ne. Ne ho natiala niho ngete cebu egigilo to ngete. Atel ne natiangi huja orahi nehejiaha ongon noho nifok, nahaja nga, natiangi huja odahe tono hotwaji, ho nakeny noho nihide. 8 Ne ho najiman, "Obu ora tohoja, Lohobu: hobe ibwo nasinge na ibot iruyo nihutuk." 9 Nyuo hati namurut ho na hitarangahiso niho ngete tohide, "Niho nareji huja iramahi Najyok onyilaji, he ngele ojo iboti." 10 Olotu fa anya niholongi ho hutik, nareji fad ho nahiyaru hari nihide. 11 Obwoni fa hilihe lati hutik obotie nihatemeni ho haji na ohibwoniterejie; osuluni fa sing to Saesarea niho ne. 12 Nolohailong ho nahiramahiso ne alo ho sing,ojo ikie ne abu ahor sing. Hule hilasirak ile ho nafwoten ho ne, ijie ho nafoten nihaji ho monye ho haji. 13 Ngete ho nahiramahiso ijie tatali ngete otel anyjilo obotia nihaji ho ngete cebu ojo, "Tosuleye lati Joppa cebu inyiahu Simone nihalu, la onya nafure ho ngete ibwo Petur. 14 Otianya ba ngete nihoji nahiram na ba otum ohitalahinerete iji--iji ho lati hoji." 15 Ne hechak natianya niho sing, Nolohailong Na-Onyila ho nalotiniso niho sing, toho niho jie to lohichahi. 16 Ehuya ne nahiramita ho Lohobu, tatali ngete ojo, "Ijuhi fa Yoana ta nahari; nyuo hati ohijuhi ba ite to Nolohailong Na- Onyila." 17 Nasiarahi Najyok sing nalwaha na okialare toho isiarahinere ngete niho jie lofa nahiruk ijie niho Lohobu Yesu Kristo, ngai fa ne, ojo ongida ne etirisa Najyok?" 18 Lofa netiyir sing hunya reji, abu sing otianye ibwo na singe nihi tarangahinere, nyuo hati ito kwate sing Najyok ho hana jiman, "Esiarahi Najyok nahiwaha noho hisu niho paganoji." 19 Inaha laheruhok hulo fa ichak nahipadata ngete nayayi ho Stefano ho nahisarahiso Yerusalem---sing ehule laheruhok ho nafoten many olama toho Phoenicia, Sipra, cebu Antiok. Iramahini sing ho nahiramaso niho Yahud natianya to Yesu niho hama, cebu obu niho lobo. 20 Nyuo hati hilihe niho sing, lati hula ho Spra, Sirene, ho na fwoniso Antiok ho natianya niho Grik cebu ho nahitotoso nahiram ho Lohobu Yesu. 21 Ebwon fa nehene ho Lohobu niho sing; lati hula olwaji ho nahiruk ho nahibielino niho Lohobu. 22 Natianya to sing ho nalotiniso nijohe ho hekelesia niho Yerusalem: sing hanasulariso Barnaba many Antiok. 23 Lofa nalotu ngete hana tialan nalwaha ho Najyok, okwama fa ngete; ngete hana hi togolohiso sing fad ongida otongi niho Lohobu tanatajio ho sing fad. 24 Ora fa ngete atwani la ongida la obwon ho Nolohailong Na- Onyila cebu laheruhoni, lati ho nafunahino bebe niho Lohobu. 25 Barnaba ho naloten toho Tarsus nitialari Saul. 26 Lofa nahorihi ngete, ho nahiyeno ngete niho Antiok. Afwoni fa sing ifuro harabito ho nakelesia, ho nahitejiana lati olwaji. Ongelese fa lolohejehi ojo kristianoji berien niho Antiok. 27 Tahanya niho hunya holo ngi afwoni hilihe lahr-eramahitak ho hiramita ho Najyok to Yerusalem niho Antiok. 28 Lobo niho sing, la onya nafure Agaba, ho nadeto nihide Nolohailong ho nahiramahiso fa ojo obwon hadi nahure nifok fad. Olotu fa anya idwong niho holongi ho Kalaudio. 29 Lolohejehi,toho otum lobo nihosing, ho nasulariso nelwahita niho hilasirak niho Yudeya. 30 Ihoni fa sing anya; asulari sing narobia niho laragang to nehene ho Barnaba cebu ho Saul.