¹ Obwon fa lobo latwani ni hang ho Saesarea, nafure ho ngete Kornelio, lolohitwahajik lenefito lasegere ho Italian. ² Ora fa ngete latwani leheruhoni,la omojo niho Najyok ho lati ho ngete fad; ngete ho nahisiarahiso narobia niho lati ho Yahud cebu itiringa omojito ngete niho Najyok. ³ Niho noholong metongon ngete ho natelinisio naleyeji ho nalotiniso ho anjilo ho Najyok niho ngete. Nolo hailong ho najiman niho ngete, ⁴ "Kornelio!'' ho nadetehino ho nabayangahiso ho najiman, ''Nayuo anya, lolohitwahaji?'' Anjilo najiman niho ngete, ''Nemojita hoji cebu nelwahita hoji niho lati hula oparite obwon ahituhuyanita nihatemeni ho Najyok. ⁵ Tahanya to suleye lati nihang ho Joppa ofwe iyene Simone, la onya Petur. ⁶ Itwenge ngete ho Simone, ele obwon nahaji ho ngete niger ho hari.'' ⁷ Lofa nilo anjilo lofa otianya niho ngete, Kornelio hanange leniso lahigiamak ho haji hongete, cebu lasegere la omojo niho Najyok to hiji ho segere hulo fa igiama niho ngete. ⁸ Kornelio hanahi ramahiso niho sing fad nareji fad hanasulariso sing toho Joppa. ⁹ Tahanya niho ibwo nahubanyi niholong hele, lofa na bwoni sing nihoi nanyihaji sing nihang, petur ho naloten nihide hohaji hanamojo. ¹⁰ Nahure ho namiajan nihongete ngete ho nawahan nanyasu, nyuo hati nati ho ngwaje nangirang namininga huja ofwoni niho Najyok ho nafwoniso nihongete, ¹¹ gete ho nateliniso nahide ongasu hebwo nesak ongiriniso, na okialare toho ne waraga nifok, idahini nifok to nemagori hongete ongon. ¹² Niho ngete obwoni natiyangi ongon ongon huja orahi nihejieha ongon ho nareji huja oriate nifok, ho nakeny ho nihide. ¹³ Namurit ho na tianya niho ngete: ''Todete, Petur, ifadeye cebu inya.'' ¹⁴ Petur ho najiman, ''Obu toho ja hobu; ho bu ne anya ibwo na singe nobu onyila.'' ¹⁵ Alotu namurut hari niho ngete niho long no harik: ''Ani jyok lobwoni tere no nyila, he ngele ngete ojo obu onyila." ¹⁶ Olotu fa anyani niho longi hutik; tinya ene ihobo ho nahinya haru hari toho nihide. ¹⁷ Tahanya lofa Petur hebuyanga bebe niho namininga huja otel ngete itetelehi na nyuo, lati hula osulu Kornelio obotie niger hekat, lofa nefie sing nehoi ho haji. ¹⁸ Sing hanangialan nihifiesere kuya obwon Simone, lofa cebu ngele ojo Petur, omanya da. ¹⁹ Nyuo hati Petur he gigilo to namininga huja ofwoni niho Najyok, Nolohailong ho najiman niho ngete, "Totiale, lati hutik ohitahite iji. ²⁰ Todete ilo nifok ifwasi ho sing. Hebayang nafoten hosing, ta nanyuo asulaya ne sing." ²¹ Tinya Petur ho naloten nifok niho sing hana jiman, "Ne aleje la itahitete. Na nyuo te ifosu?" ²² Sing ho najiman, "Lobo latwani la onya nafure Kornelio, latwani la ongida cebu la omojo Najyok, cebu otianye lati ngete fad nihang ho Yahud, iramahini fa anyiloji hula onyilaji noho Najyok ojo ongida osulahi nihote nifwonere nihaji ho ngete, ongida ngete itiyiru netenyita nihote." ²³ Petur ho nangelenisio sing nihotwa ho haji ongida itwenge ho ngete. To nahubanyi ngete ho nadeto hanaloten hosing, ho hilisirak lahilihe to Joppa ho nahinyamino ngete. ²⁴ Niho ibwo loboholong hongete sing hanafoniso Caesarea. Kornelio itilasu sing; ngete ho nangeleniso lati ho ngete fad harabito cebu lamorit hula onyihaji. ²⁵ Lofa neruhi Petur, Kornelio ho naloten iraniso ngete ho narugungi nihe jiaha ho ngete no ho bayangi ngete. ²⁶ Nyuo hait Petur hanahitedetiniso ngete ho najiman, "Todete nihide; Ne to nakwan hone ara ne cebu atwani." ²⁷ Petur ho tianya hongete, ngete ho naloten nihaji ho na horihiso lati hula olwaji bebe otube harabito. ²⁸ Ngete ho najiman nihosing, "Ite to na kwanite hote tojianata ojo obu otum niho latwani ho Yahud ongida ilihite ho kuya owaja lobo niho ibwo nahang. Nyuo hati ahitetelehi ne Najyok ojo ongida ne abu angele lobo latwani ojo obu lahebwatani. ²⁹ Ngete anya nalotinerene na abe arisa, lofa nahisulari ne. Tinyia efine ite nanyuo osuluni ite niho ne." ³⁰ Kornelio hana jiman, "Niho hunya noholongi ongon , amojojito ne nihaji hone; ne ho nateliniso, latwani obotia nihatemeni hone hana bongo nopwor. ³¹ Ngete hana jiman, ' Kornelio, namojo hoji etiyir Najyok, cebu na lwahita huja isiarahita ji niho laparitak etuhuyahini iji niho Najyok. ³² Tahanya tosuleye lobo latwani Joppa, olo ngeleno niho ji lobo latwani la onya Simone, nafure ho ngete ibwo Petur. Omanya ngete nihaji ho lahehuhumani ho muhunyo nafure Simone, niger ho hari.' ³³ Tahanya asulahi ne nihoji. Ongida iji ilotu. Tahanya, ohibwon ijie idia fad nihatemeni ho Najyok, nihitiyirari nareji hulo fa ohiramahi iji Lohobu ongida ilo itianya." ³⁴ Petur hanangan nahutuk ho ngete hana jiman, Tarihe ,eruk ne ojo obu Najyok iyaru namaji holobo. ³⁵ Ilanyi, niho nahangite fad latwani la omojo cebu igiama nahigemita huja otirahini,omoju ngete. ³⁶ Ijianatate nahiram nosu laya ngete niho lati ho Isarayil, lofa ne lolwangohi ngete nahiram na ongida to nayomo niho Yesu Kristo, la ora Lohobu ho lat fad--- ³⁷ Ijianatate to nakwenitete hote nanyuo nasinge na idwong, na idwong nhang ho Yudeya fad, ochif to Galileya, nihalu ho ijuho lofa ilo lwongohi Yoana; ³⁸ enehiram to Yesu loho Nazaret, tatali Najyok otwehi ngete to Nolohailong Na-Onyila cebu nagolon. Alo ngete igiama nareji huja ongidari cebu itingidara lati fad hulo fa obwoni ho namininga huja ibotia, obwon fa Najyok ho ngete. ³⁹ Ohira ijie ahapiahak ho reji huja ihon ngete fad nihang ho Yahud cebu niho Yerusalem---ale Yesu la ifadari sing, la oyihahini nikiani. ⁴⁰ Ale twani itubuhu Najyok to noholongi hutik hana hisiarahiso ngete ongida ojieni, ⁴¹ obu niho lati fad, nyuo hati niho lahapiahak hulo fa onyumuni Najyok berien---ijie tana kwanite hojie,hula ohinyasu cebu ohimata ho ngete lofa nebuhu ngete to yeyi. ⁴² Iramahi ngete ijie ongida ohitianya niho nalohoi ho lati ojo lofa aleje onyumu Najyok ongida ora ahangotoni ho lahesujok cebu hula ayeyi. ⁴³ Niho ngete fad laheramahitak ho hiramita ho Najyok orahi ahapiahak, ongida latwani la iruk niho ohorihi nahitalahino hepalita ho sing tana fure ho ngete." ⁴⁴ Ati Petur ho tianya hunya reji, Nolohailong Na-Onyila hanadohiso niho ehule itiyire ene hiram. ⁴⁵ Lati hula orahi noho haletok ho lati hula orahi aheruhok ----sing fad hula ofwoni ho Petur----okwame fa sing, tana nyuo neyalita ho Loolohailong Na-Onyila ejuhohini fa niho paganoji. ⁴⁶ Etiyiri fa sing paganoji otianye to netenyita hama hama cebu itokwate Najyok. Petur hana hi tarang, ⁴⁷ "Hatum lobo itik nahari niho hula ti ojo ongida obu ijuhi sing, hula ti ahorihini Nolohai long Na-Onyila to ho jie?" ⁴⁸ Tinga ngete ho nahiramahiso sing ojo ongida ijuhi tana fure ho Yesu Kristo. Tinga sing ho nahifi ngete ongida itwengo hosing niho hinihe noholongi huja olwaji.