1 Nyuo hati tojianata anya: nilohichungi hoholongi ofwoni hadi noholongi huja orohoji. 2 Okwame hadi lati nakwanite hosing, lahakwamak ho orobia, lehetadarak, lahabwanga, lahamorok idayari nasingita hobo monyie, obe isiarahite nawa, iboti. 3 Obe obwoni ho nakwama, obe okwame nakwanite hosing, orose hilasirak, obe otune nakwanite hosing, ingengerejite, idayari nangiari. 4 lahetinyangak ho lati,lahagolok ho hosi, la hetadarak, lahakwak ho hewahiti, ilanya nakwama Najok. 5 Obwoni ba sing ahula ongidari, nyuo idayari hadi sing nagolon hongete. ifwosu niger niho hule ati. 6 Orahi hilihe nihosing aliawa hula iruyori nihayi ho nahimomoriha nagworo huja obengi hossi, huja obwoni ho nepalita ho nefoten niger to niwahita hosing. 7 Owahi hunya ngworwo jianan nareji nangejuho, nyuo hati obu sing otum ofwoni nijianan ho natarihe. 8 To nehoi fa Yanne ho Jambre obotie no orohojaya niho Muse, tahanya hule lahetejianak lahagesemok cebu idayari natarihe. Omudangi sing to hosi, etorohoji sing to hiruk. 9 Nyuo ti, obu hadi sing ofe olama, nafajari hosing ojieni hadi lati fad to ho nafajari hehule ati harik. 10 Nyuo ti ijifitete nahitejiana ho ne, nemanyita, nahigemita, nahiruk, nahitegemita, nakwama,bnariajan, 11 nalomo, nahipadata , ho nasinge na idwong nihone to Antiok, to Ikonium, cebu to Listra. Adik fa ne nahitegiama, cebu nihosing fad , ahilwahu ne Lohobu. 12 Niho hula fad owahi imanya nemanyita ho Najyok niho Yesu Kristo, itegemi hadi sing . 13 Lati laharohojak cebu ahetononongak ofwoni ba rohoji bebe, iyarite ba hilihe to nehoiha hunya orohoji cebu sing to nakwanite hosing ofwe to nehoi naloroho. 14 Nyuo hati, nihote, itiringati bwanan nireji huja itejienusute cebu iruhoto bebe ,to jianata niho bo ngai ite etejianusu. 15 Ijianatate ojo telumusak ejianata fa te nahigierita huja idimari huja ohisieri ite ileferojoto niho nahitalahino to nahiruk na obwon niho Yesu Kristo. 16 Nabuhi fad igieri to Nolohailong ho Najyok ojo ongida ngete to nahitejiena, noho natujohita ho hiramita huja orohoji, noho nahihuhumahiso narerji huja orohoji cebu noho nahitejianari, 17 Ojo ongida latwani ho Najojok otum, obwonitere niho nahigiama na ongida.