¹ Esiarahi ne anya tianya nihatameni ho Najyok cebu nihatemeni hoYesu Kristo, la olotiniso ingoto nahiramita ho lahesujok cebu ho lahayeyak, to naleyeji ho ngete ho nihaji hongete, eramahi ne nihote: ² Itejianati natianya. ihuhumahineta ningida. Iramahisi nerohojita, iriangata,bisingati, tanariajan ho nahitejiana fad. ³ Olotu hadi noholong na idayajierete hadi lati nahitejiana na ongida. Nyuo hati ijifite hadi sing iruhi hadi lahetejianak hula itejiane nahitejiana na ilihite ho newahita hosing. Tanya ihoi, isieri hadi sing najohe hosing igugurute. ⁴ Ibieli hadi najohe hosing nihitiyirari natarihe, ho nahibielehiso najohe hosing fad niforita ho berien. ⁵ Nyuo hati, ikie nohosi hote owati nireji fad; ipadate nigolon; igiamati nahigiama noho lahetotosoni; totuhohisi nahigiama hote. ⁶ Ahijuhori ne niger ahiyalita. Alotu noholong ho daha ho ne. ⁷ Erwata ne nahilanyahino na ongida, atuhohi ne nengwala. Atun ne nahiruk. ⁸ Aterehini natarabuk ho ngidari niho ne, natarabuk naba isiarahi ne Lohobu, lahangotoni ho hiramita la ongida niho ne nihene holong; obu nihone hama nyuo hati cebu niho lati fad hula ofwoni ikwama naleyeji hongete. ⁹ Igiamati ningidari hote nifwonere niho ne kerem, ¹⁰ ahidahi ne Dema. Okwama ngete anya fok hotahanya, ngete ele alo toho Tessalonika. Kressens ele alo toho Galatia, cebu Tito ele alo toho Dalmatia. ¹¹ Luka hama lohibwon hone. Tohorihi Marko iyenete ngete hote, tananyuo olwaha ngete ne bebe tanahigiama. ¹² Asulahi ne Tichiku toho Ephesu . ¹³ Iyenete ho nabongo lofa edahine da Troa niho Carpu nomo nefwosute, ho nabuhi bebe nahigierita. ¹⁴ Ohayin Alesanda lahedwongoni hobilata niho ne bebe . Odumahi hadi Lohobu niho ngete to nahigiamita hongete. ¹⁵ Ongida cebu te itialati ngete, tananyuo obotia ngete na orohojaya nihiramita hojie. ¹⁶ Nilochifut ho higiara ho ne, obe lobo ohibotia ho ne,nyuo hati, ahidahini ne sing fad. Ikie obwo ihwanahini niho sing. ¹⁷ Nyuo hati obotia Lohobu niger ho ne, ho nahitogol ne, ongida natianya ba otuhohino, cebu ongida paganoji fad itiyiri. Ahilwahini fa ne to hutuk ho loyime. ¹⁸ Ohilwahu hadi ne Lohobu niho nahigemita huja oroji fad cebu ohitunahi ne to nahang hongete na obwon nihide. Ikie nakwatan obwon niho ngete jik ho jik. Amen ^{21 1} Esiarahi ne anya tianya nihatameni ho Najyok cebu nihatemeni hoYesu Kristo, la olotiniso ingoto nahiramita ho lahesujok e bu ho lahayeyak, tanaleyeji ho ngete ho nihaji hongete,eramahi ne nihote: ² Itejianati natianya. ihuhumahineta ningida. Iramahisi nerohojita,iriangata,isingati,tanariajan ho nahitejiana fad.