¹ Iji tinya, lahito hone, tobwona honagolon niho naluha eneje obwon niho Yesu Kristo. ² Cebu nareji huja itiyiruji niho ne tehiji holatafak hula olwe, isiarahi nenefito niho lati hula obwoni honairuk hula otumi nitejenane ilihe cebu. ³ Ipadate tonegolita ne hoji, toho lasegere longida noho Yesu Kristo. ⁴ Obe lasegere igiama cebu ngete hati obwon nigiamari nihanya naisu, ongida ngete itokwama lolohitwahaji hongete. ⁵ Cebu, labwon lobo lora enamiteni, obu itejafahini ngete negita many lahadi lerwat ngete lobo tene necihita. ⁶ Ongida ho laremini legiama bebe omoju ngete nangati ho nagamang nilochifot hodengo. ⁷ Igigile niho nanyu ne natianya, toho Lohobu otum isiarahi nihoji nijienitere nareji fad. ⁸ Ihuyawu Yesu Kristo niho nahinyemo ho Dafide, lofa itubuhuni niho nayeyi. Ngete anya nigifito natianya hone niho nabook Nonyila, ⁹ anya epadatarine many nimaji holotwarari hone toho lahoholiseni. Nyuobhati natianya Hojyok obu otwarahini. ¹⁰ Tinya adihu ne nareji fad noho lati hula anyumuni, ongida singe cebu horihini netalahino enejie obwon niho Kristo Yesu, tonakwatan nobelohichungi. ¹¹ Anya "tianya ora nongida olwuha cebu: ''Nomo nayeje hongete, otum cebu je imanya hongete. ¹² Nomo naidik je, oyitum cebu je bwan hongete. Nomo nedaya jie ngete, ngete cebu otum idaya ije. ¹³ Nomo naibe jie honairuk, ngete otong honairuk, obu ngete otum idaya nakwan hongete.'' ¹⁴ Itiringa iramahita sing huya reji. Isinge sing nihatemeni Hojyok ongida obu igworite tona hiramita. Nyuo tanya obe ibwo nasinge ongida. Nyuo tanya obwon nepapala niho ehule itiyire. ¹⁵ Ihwana ongida nitetelehinere nakwan hoji iruho niho Najyok narahan aleye legiama obengi nariri. Iniafa natianya notirahi nopit. ¹⁶ Idahisi natianya notum oyiyaru ite bebe hocebu bebe nasinge nobu ora Ajyok. ¹⁷ Netenyita osing otum isaraya toho nomo natiang nomudang. IHule obwoni orahi Hymeneus cebu Philetus. ¹⁸ Sing ehule lati hula obu ohorihini natarihe. Otianye sing ojo abwon ha na hibuhuniso. Ebieli sing na hi niruk hohi lihe . ¹⁹ Tatali nafotiri nagolon Hojyok obotia. obwonitere ngete hunya hiramita: ''Ojien Lobu hula orahi longete'' hocebu ''Eyi latwani letanyahini to nafure noho Lobu ongida olo niho nasinge ongida.'' ²⁰ Niho nahang nosam, obu ora naseduhi ho nabilet nelubule cebu nabilet nopur hama lobwon. Obwoni cebu naseduhi honehejek cebu namodie. Huja inihe orahi noho lati hula ohibayang je, hocebu inihe noho lati hula obu je ohibayang. ²¹ Labwon lobo letinyilat nakwan hongete niho nasinge nobu je ohibayang, ngete ora aseduk nobayangi. Oyumuni ngete hama, longida niho letegiamani, cebu ihuhumahino niho negiama nongida. ²² I nama niho nosinge notum ihon iji noroho. Totahu nasinge notirahi, nairuk, nakwama, cebu nayomo hula ongelese niho Lobu niger tona nyilaji hotajo. ²³ Nyuo hati idaya nefisu nobe nabayangi cebu nefisu nobu ohwak jian natarihe. Ijianatete ojo sing iyeno narisa. ²⁴ Legiamani Hohobu ongida obu igworita. Ilany ongida ngete orie niho miji fad, otum itejiana, cebu odik. ²⁵ Ongida ngete tana riajan itejiana ehule idayari ngete. Najyok otum kuya isiarahi sing olahahini nepalita to lofero notarihe. ²⁶ Otum sing ofuni hula obu rume hari hocebu idahini neburuk hositan, nihalu lofar nefini sing to ngete niho nagolon hongete.